¹ Kalo eci kukwenu, namufu mu milandu thzenu no muivi yenu, ² omu mwaendile shikati shimweya, kuthza ko mikalelo thzo kano kaye. Kuma namuyoyo kuthza ko aendishi o mupepo, mupepo ou ukwama kwa ana mukakukana kuyuva. ³ Natwe twahe twayoyile no awa anu, kuyalishelele ehima yo imango yo nyama thzetu, no kukwama ehima yo nyama no maayalo etu. Natukala ana o uanji pa kuelekiwa, eci anu wahe. ⁴ Unone Nyambi po mufumanyi mu shihemo mukonda o shihemo shenji shoshikulu eshi anatuhimi nasho. ⁵ Ou twafile mu milandu thzetu, onatuyoyisha twaheno kwa Kilesite- ko shihemo munayoyishiwa. ⁶ Nyambi onatupindula pofoci na Kilesite, kalo Nyambi onatukalisha pofoci mu ivaka yo kuwilu kwa Kilesite Jesu, ⁷ ci mushikati shikeya akutumonishe lufumo lolukulu lo shihemo shenji esho anamonisha kukwetu ko Jesu Kilesite. ⁸ Mukonda ko shihemo munayoyishiwa kuthza ko shitawo, ne eshi kanashitundu kukwenu, eshipo shipiwa sha Nyambi, ⁹ kakutundu ku ekwama, ci kwakakla munun oyu lishangala. ¹⁰ Mukonda twashikwama sha Nyambi, tunombiwa kwa Kilesite Jesu ci tukwame ekwama yoiwa ei atuloishelile Nyambi kale, ci tuende ko eyo ekwama. ¹¹ Honine muvuluke ci mushika shimweya mwakalile mwa anu angana mu nyama. Mwaeshiwa ci, ''aka kukana kuthza kuthza mukanda'' ko eshi shishiwa ci ''mukanda'' mu nyama eshi shinakwamiwa ko mooko a anu. ¹² Mukonda mushikati shiya kuma namulihanda kutunda kwa Kilesite, mawkalile aka kuenda kwa ana isilaele, mwakalile enda ku ombusha okukulupelisha, mwakalile o kupila shikulupelo no kipila Nyambi mu kaye. ¹³ Unohoni kwa Kilesite Jesua amwe mwakalile ko kule na Nyambi munaletiwa popepi ko onyinga wa Kiesite. ¹⁴ Mukonda yoliyo kuliyala kwetu, mukonda onatukwama bunga thzofoci. Ko onyinga wenji onaumbulula shipaka sho shithzimbo shiya nashituhandula. ¹⁵ Onamanisha mulao no ituminino yao no shithzimbo ci aombe munu omupe kukwenji kutunda pa anu eli, kukwama kuliyala. ¹⁶ Kilesite onahusha ethzi thzili mbunga mu elama yofoci kwa Nyambi ko mbinda, eshi thzinapaa shithzimbo. ¹⁷ Jesu wakeile kunaamba iamba yoiwa yo kuliyala kukwenu amwe namukala ko kule no kuleta kuliyala kwawa nakala popepi. ¹⁸ Mukonda ko Jesu twaheno tuli mu Mupepo ofoci kwa Tata. ¹⁹ Nehoni, pano amwe anu angana kamwakukala anu ao nji kkale enda. Unone namwe mwashinda sho litunga eci angenjenu anu a Nyambi o kukena kalo namwe mawaka njiyo thza Nyambi. ²⁰ Munaumbiwa pa liunji lya apositola na apolofita, ne Kilesite Jesu aye yoliyo liwe lyo mumbango. ²¹ Kukwenji njiyo thzothzihe thzaliwana pofoci ne thzakula kukwama tempele thzokukena kwa Fumu. ²² Kukwenji namwe kalo munaumbiwa pofoci ci mupiluke njiyo thza Nyambi mu mupepo.