1 Awe ilyo bwacele ulucelo, bashimapepo bakalamba bonse na bakalamba babantu bapangene amano pakuti bepaye Yesu. 2 Peka bamukakile , bamutungulwile , nokumutwala kuli kateka Pilato. 3 Eico Yuda, uwamufutwike, pakumona ukuti Yesu nasekwa, alilapile abweseshe amakumi yatatu aya Siuva kuli bashimapepo bakalamba nabakalamba, 4 nokulanda ati, "Nimbembuka pakufutuka uwakaele." Lelo balandile ati, " bushe mulandu wesu? Kaimwene wemwine." 5 Elyo aposele isha Siuva mwitempele, afumineko, nokuya ikulika. 6 Awe bashimapepo bakalamba babulile isha Siuva nokulanda ati "Tecamwifunde ukubika ici mucipao pantu cabupe camulopa." 7 Lelo bapandene amano bonse, elyo impiya bashitilemo impanga yakwa kabumba umwakushika bambi bambi. 8 Eico impanga itwa ati, " Ibala lya mulopa" ukufika napali nomba. 9 Elyo cafikilishiwe icalandile Yelemiya kasesema, alandile ati, "Babulile ifiputulwa fyama Siuva amakumi yatatu, nomutengo wabikilwe paliena kubana bakwa Isileli, 10 nokushipela kulikabumba webala, ngefyo Shikulu akambishe." 11 Yesu aiminine pamenso yakwa kateka, nakateka alimwipwishe ati, ''Bushe ulimfumu yaba Yuda?" Yesu alimwaswike, "Nausosa." 12 Kabili ilyo ashininwe nabashimapepo bakalamba nabakalamba, tayaswike nangu cimo. 13 Elyo Pilato alandile kuli ena, Bushe taumfwile ifyo bakushinine?" 14 Kabili tamwaswike icebo nangu cimo, eico Kateka alisungwike apakalamba. 15 Nomba panshita yamutebeto ngomwabelele umwata kateka alefumyapo umufungwa umo uwalesalwa nacintubwingi. 16 Pali ilya inshita kwali umufungwa uwayafya uyo baleita ati Balabasi. 17 Eico ilyo balongene Pilato alandile ati kuli bena, " Bushe kuti mwatemwa ukumikakwila ani pali Banabasi, nangula Yesu uwitwa Klisitu?" 18 Alishibe ati bapele Yesu kuli ena pamulandu walupato. 19 Nomba ali naikala pacipuna cakwe icabupingushi, umukashi wakwe atumine ishiwi kuli ena nokulanda ati, "Nshikwete umulandu noyu muntu wakaele. Nincula icibi mubushiku bwelelo paciloto nacilota pali ena." 20 Lelo bashimapepo bakalamba nabakalamba bapapatile icintu bwingi ukuti bapusushe Banabasi, nokuleka Yesu epaiwe. 21 Kateka alibepwishe, "Bushe ninani pali ababili mulefwaya mikakwile?" Balandile ati, "Banabasi." 22 Pilato alandile kuli bena, "Bushe nalacita cinshi kuli Yesu uwitwa Klistu?" Balyaswike, "Mutanikeni." 23 Awe Kateka alandile ati, "Ngacinshi, mulandunshi acitile?" Lelo bapundile mukubilikisha, "Mutanikeni." 24 Ilyo Pilato amwene ukuti tapali nangu cimo ico engacita, lelo icimfulunganyafye ecatampile, abulile amenshi, nokusamba amaboko pantanshi yacintu bwingi, nokulanda ati, "Ndiwakaele kumulopa wauyu muntu. Mushininkishe ici." 25 Awe abantu bonse balyaswike ati, "Umulopa wakwe ube pali fwebo, napabana besu." 26 Elyo afumishe Banabasi nokumupela kuli bena, amufopawile nokupela kukutanikwa. 27 Elyo abashilika bakwakateka batwele Yesu kumusumba ukalamba uwabutekeshi nokukolonganya abashilika bonse. 28 Balimufulile nokumufwika umukansu uwakashika. 29 Balimupangile icisote camyunga nokumufwika kumutwe, nokumupela inkonto kukuboko kwakulyo. Bamufukamine nokumutumfya, ati, "Uyo, Imfumu yabaYuda!" 30 Bamufwishile amate, babulile inkoto nokulamutunkula kumutwe. 31 Panuma nabamutumfya, bamufulile umukansu nokumufwika insalu yakwe, nokumutungulula kukumutanika. 32 Elyo balefuma, basangile umuntu uwafumine ku Sailine uwaleitwa Simoni, uyo bapatikishe ukuya nao pakuti amusendeleko ulupanda. 33 Baishile kuncende iyaleitwa ati Gologota, icilepilibula "Incende yakapanga." 34 Bamupele umwangashi kukunwa uwasankanishawa nobulushi. Ilyo asondelo, alifililwe ukunwa. 35 Panuma nabamutanika, balepawile insalu yakwe nokwamba ukuposelapo ifyakupendwilapo, 36 balikele nokulamulonda. 37 Napamutwe wakwe bapopelepo icakumushinina, icalebelengwa, "Uyu ni Yesu, imfumu yaba Yuda." 38 Elyo atanikwe notupondo tubili, kamo kukuso nakambi kukulyo. 39 Abantu bonse abalepita balemutuka, balepukumya imitwe 40 nokulanda ati, "Uyo uwingonaula itempele nokulikula munshiku shitatu, aipusushe umwine! ngamwana wakwa Lesa, aikoshe ukufuma palupanda!" 41 42 Mumusango umo wine bashimapepo bakalamba balemupunika, pamopene naba kalemba nabakalamba, nokulanda ati, "Alepususha bambi, nomba tekuti aipusushe umwine. Nimfumu ya baisileli. Naikoshe palupanda, elo tulemusumina. 43 Acetekele muli Lesa, kanshi Lesa wine amupusushe nomba, ngacakuti Lesa natemwa ukumupususha. Pantu alelanda ati, 'Ninebo Umwana wakwa Lesa."' 44 Ifyo fine notupondo utwatanikwe nao twalemutuka insele. 45 Awe ukufuma panshita yakasuba pakati kwali imfifi pacalo conse ukufika ilyo akasuba kawa. 46 Kabili apepi napo akasuba kawa, Yesu alilile nomusowa uukalamba nokulanda ati, " Eli, Eli, lama sabakatani?" icilepilibula, "Lesa wandi, Lesa wandi, nicinshi mwandekelesha?" 47 Ilyo bamo abaiminine palya baumfwile fi, balandile ati, "Alimukwita Eliya." 48 Palyapene umo pali bena abutwike nokuyabula umwepu, aisushamo nomwangashi uwalula, nokubika kwitete, nokupela kuli ena ati anwe. 49 Bamo pali bena balandile ati, "Mulekeni eka. Natumone ngacakuti Eliya alaisa amupusushe." 50 Elo Yesu alilile neshiwi ilikalamba nokufwa afwa. 51 Kabili moneni, insalu yamwitempeple yalilepwike ukufuma pamulu ukufika pesamba, nesonde lyonse lyatentele, namabwe yonse yasalangene. 52 Inshinshi shaliswike, nemibili yabantu bamushilo abalele utulo yabukile kubafwa. 53 Bafumunine munshinshi pakubuka kwakwe, nokwingila mumusumba wamushilo, nokumonekela kubengi. 54 Nomba umukalamba wabashilika nabonse abaletamba Yesu bamwene ukulepuka nokutenta kwamushili nokucitika kwafintu, balyumfwile umwenso nokulanda ati, "Cinecine uyu mwana Wamuntu uwakwa Lesa." 55 Nabanamayo abalekonka Yesu abafumine ku Galile ukwisa musunga ninshi baleloleseshafye apatali. 56 Palyaba pali na Maliya Magadelena, Maliya nyina wakwa Yakobo na Yosefu, nanyina wabana baume bakwa Zebede. 57 Elyo cali icungulo, kwaishile umwaume umukankala ukufuma ku alimetiya, ishina lyakwe ali niYosefu, uwali musambi wakwa Yesu. 58 Akumenye Pilato nokumwipusha palwamubili lwakwa Yesu. Napilato akambishe ukutila umubili wakwa Yesu upelwe kuli ena 59 Elo Yosefu abulile mubili wakwa Yesu, nokuupombelesha munsalu iyabusaka iyakolokondwe, 60 nokuilambalika munshinshi yakwe iyiipya iyobafonkwele mwilibwe. Akunkulwishe ilibwe ilikulu nokushinka pamanda ilya nokuya aya. 61 Maliya Magadelena na Maliya umbi bali kulya, nabekala bushilya nemanda. 62 Ubushiku bwakonkelepo, bwali bushiku bwakupekanishisha, bashimapepo bakalamba naba Faliseo bakolongene bonse pamo na Pilato. 63 Balandile ati, "Mwekateka, tuleibukisha uyu kabepa ilyo ali umumi, alandile ati, 'Panuma wanshiku shitatu akabuka,' 64 Kanshi shininkisheni ukuti imanda yakwe yacingililwe ukufika kubushiku bwalenga citatu, pantu limbi abasambi bakwe kuti baisa nokumwiba nokulanda kubantu ati, 'Nabuka kubafwa,' nokutumpikwa kwakulekelesha kulabipa ukucila ukutumpikwa kwantashi." 65 Pilato alandile kuli bena, " Shininkishe ukuti yalondwa. Kanshi kabiyeni nokulonda imanda pamaka." 66 Efyo baile nokucingilila imanda, bashinkile ilibwe nokubikapo abakulonda.