¹ Nomba pakupwa kwe Sabata, ilyo bwaleca ubwakutendeka ubwamulungu, Maliya Mandelena na Maliya umbi baishile kunshinshi. ² Peka moneni, kwaishile icinkukuma icikulu sana, pantu kwaishile umungeli yakwa Shikulu ukufuma kumulu, aishile nokwisa kunkulushapo ilibwe, nokwikalapo pelibwe. ³ Ukumoneka kwakwe kwali ngenkuba, necakufwala cakwe icabuuta ngemfula yabuta. ⁴ Bakalinda baumfwile umwenso nokuba ngabaume abafwile ⁵ Lelo malaika abeti nokulanda kuli bena ati, "Mwitina , pakuti ninjishiba ukuti mulefwaya Yesu, uwatanikwe. ⁶ Talipano, pantu nabuuka, ngefyo alandile. Iseni mumone apo bamulalike. ⁷ Kabiyeni bwangu nokweba abasambi ati, "Nabuka ukufuma kubafwa. Moneni, namitangilila kuGalili. Uko eko muleyamusanga.' Moneni, nimyeba." ⁸ Banamayo bafumine kunshinshi mumwenso lubilolubilo kabili nensasa, nokubutukisha ukuyaeba abasambi bakwe. ⁹ Moneni, Yesu alibakumemye nokulanda kuli bena ati, "Mwapoleni!" Banamayo baishile, nokufukama pankasa shakwe nokumupepa. ¹⁰ Elyo abebele ati, "Mwitina. Kabiyeni mwebe bamunyinane baye ku Galile. Uko eko balasanga." ¹¹ Nomba ilyo abanakashi baleya, moneni, bamo pali bamalonda baingile mumusumba nokweba bashimapepo bakalamba fyonse ifyacitike. ¹² Nabo ilyo bakolongene pamo nabakalamba nokupandishanya amano nabo bapeele indalama ishingi kubashilika ¹³ Nokubeba ati, "Mulande kuli bambi, 'Yesu' abasambi bakwe bacisa ubushiku nokwiba umubili wakwe ilyo twaciba natulala.' ¹⁴ Ngacakuti akasebo kafikile mumatwi yakwa kateka, tukamunasha nasha kanshi mwebo mwisakamana." ¹⁵ Ilyo abashilika bapokelele indalama nokucita ifyo baebelwe. Akasebo kaile konse konse muba Yuda nokutwalilila bulya bushiku. ¹⁶ Lelo abasambi ukumi naumo baile ku Galili, kulupili uko Yesu abebele ukukumanina. ¹⁷ Ilyo bamumwene, balimupepele, nangu bamo batwishike. ¹⁸ Elyo Yesu aishile nokulanda kuli bena, "Kuli nebo kwapelwa amaka yonse mumulu napano calo. ¹⁹ Eico kabiyeni nokupanga abasambi mufyalo fyonse. Babatisheni mwishina lyakwa Tata, Umwana, no Mupashi wa Mushilo. ²⁰ Mulebasambilisha ukunakila fyonse ifyo namikambishe. Moneni, ndinemwe lyonse, ukufikafye nakukupwa kwanshita."