¹ Nomba caishile ati elo Yesu apwishishe amashiwi yonse, alandile kubasambi bakwe. ² ''Namwishiba ati panuma yanshiku shibili icakulila cili nokubako, no mwana wa muntu ali nokupelwa kuku mwipaya.'' ³ Nomba ba shimapepo bakulu nabakulu babantu bali longene pamo kwisano lyakwa shimapepo mukulu, uweshina lya Kayafa. ⁴ Ba pandene amano pamo ukwikata Yesu ukumubeleleka noku mwipaya. ⁵ Pantu balandile ati, ''Temunshiku shamutebeto, elo kuti caimya ici mfulunganya mu bantu.'' ⁶ lilya line Yesu ali mu Betani mu ng'anda yakwa Simon wa fibashi. ⁷ Elo ale wamya petebulo, elo umwanakashi aisa kuli ena na kwata ibotolo lya mafuta lya alabasita amafuta yamutengo aye tulwile na pamutwe wakwa Yesu. ⁸ Nomba elo abasambi bakwe bamwene ifi, bali fulilwe basosele ati, ''Bushe cinshi aonawile aya mafuta? ⁹ Aya nga twalishitishe pamutengo uukulu, nokupela kuba bulwa.'' ¹⁰ Nomba Yesu, alishibe fi, alandile kuli bena, ''Cinshi mulecushisha uyu mwanakashi? Pantu abomba icintu cisuma kuli nebo. ¹¹ Mwaliba nabalanda inshiku pe, nomba tamuli naine pe. ¹² Elo angitila aya mafuta kumubili, ampekanishisha ukunshika. ¹³ Icishinka nalanda kuli mwebo, konse uko imbila ili nokubilwa monse mu calo, ico uyu mwanakashi abomba konse ikalandwa uku mwibukisha.'' ¹⁴ Elo umo uwa mubekumi nababili, uyo baleita Yuda Isikalioti, aile kuli bashimapepo bakulu ¹⁵ nokutila, ''Bushe mulefwaya ukuti mumpele imiletele ena kuli mwebo?'' Bamupele isha mabwe amakumi yatatu. ¹⁶ Ukufuma lilya line batampile ukufwaya umusango wakumuletelamo kuli bena. ¹⁷ Lilya line ubushiku bwakubalilapo uwamukate uushatutumuka abasambi baishile kuli Yesu nokumweba ati, ''Nikwisa mulefwaya ifwe tumupekanishishe mwebo ukwa kulila icakucilila?'' ¹⁸ Atile, ''Kabiyeni mumushi ku mwaume umo mumwebe ati, ''Kasambilisha alanda, inshita ili mupepi. Ndino kusunga ubushiku bwa cakucilila ku ng'anda yobe nebo nabasambi bandi.'''' ¹⁹ Abasambi babombele ngafintu Yesu ena abalangile, peka bapekanye icakulya cakucilila. ²⁰ Elo icungulo caishile, aikele panshi no kulya pamo nabasambi abekumi nababili. ²¹ Elo bena baleya, alandile ati, ''Icishinka ndelanda kuli mwebo ati umo pali mwebo ali nokungipaya.'' ²² Bali ababulanda sana, na umo umo atampile ukwipusha ena, ''Cishinka bushe ninebo, Shikulu?'' ²³ Alya swike, ''Uyo uuletobela ukuboko kwakwe nanebo mu mbale ninshi euyo wine alengipaya. ²⁴ Umwana wa muntu alimukuya, nga fintu calembelwe pali ena. Nomba cabipa kuli ulya muntu uuli nokungipaya umwana wa muntu! Kuti cawama uyu muntu ngatafyelwe.'' ²⁵ Yuda, uwali nokumwipaya atile, ''Bushe ninebo, kasambilisha?'' Atile kuli ena, ''Naulanda we mwine.'' ²⁶ Elo bena balelya. Yesu abulile umukate, aliupalile, nokumokaula. Apele nakubasambi nokutila, ''Buleni, mulye. Uyumubili wandi.'' ²⁷ Abulile nolukombo nokutolela, peka alupele kuli bena atile, ''Nweni ici, imwebonse. ²⁸ Uyu mulopa wandi uwacipingo uyo uleitilwa pabengi pakulekelelwa kwa mampulu. ²⁹ Nomba ndelanda kuli mwebo, nshakanweko peka kufisabo fyamyangashi, ukufika pabushiku elo nkanwa ici icipya pamo namwebo mubufumu bwakwa Tata.'' ³⁰ Elo baimbile ulwibo, baile kulupili lwa Miolifi. ³¹ Elo Yesu alandile kuli bena, ''Imwe bonse muleipununa pamulandu waine, pantu calembwa ati, ''Nkoma umucemi peka umucemi wampanga akasalangana.' ³² Nomba panuma ndino kwima, ndino kuya kuntanshi yenu nkamu tangilila ku Galili.'' ³³ Nomba Petelo atile kuli ena, '' Nangu bonse balelengwa ukuwa pamulandu wenu, ine nshakawe.'' ³⁴ Yesu alandile kuli ena, ''Cishinka ndelanda kuli iwe, buno bushiku, apo mukolwe talalila, ulenkana imiku itatu.'' ³⁵ Petelo alandile ati kuli ena, ''Nangu cibe fi ndino kufwa naiwe, nsha kamukane.'' Bonse abasambi balandile cimo cine. ³⁶ Nomba Yesu aile naba kuncende iitwa Getisemani nokulanda ku basambi, ''Ikaleni pano elo naya kulya no kupepa.'' ³⁷ Abulile Petelo nabana babili bakwa Zebede pamo nabo no kutampa ukwikatwa ubulanda no kucula. ³⁸ Nomba atile kuli bena, ''Umutima wandi waikatwa ubulanda, cawama nokufwa. Pembeleni pano peka mumone naine.'' ³⁹ Aile panono peka, akonteke impumi, no kupepa. Atile, ''Mwe Tata, nga cinga citewa, lekeni ulukombo ulu lufume pali nebo. Tekufwaya kwandi, lelo bufwayo bwenu. ⁴⁰ Aishile kubasambi peka asangile baleshipula, atile kuli petelo, ''Cinshi mwafililwa ukupembelela naine panshita imo? ⁴¹ Pembeleni nokupepa pakweba ati mwiingila muma tunko. Umupashi naukosa, nomba umubili naunaka.'' ⁴² Aile nomuku wabubili nokupepa, atile, ''Mwe Tata, ulu lukombo lwipita kano nwe, ishina lyenu licindikwe. ⁴³ Aishile napeka asanga baleshipula, pantu amenso yabo yaliketwe utulo. ⁴⁴ Elo abashile peka, aile nokupepa umuku wa butatu, balandile amashiwi yamo yene-bonse. ⁴⁵ Nomba Yesu aishile kubasambi nokulanda kuli bena, ''Bushe mucili muleshipula nokulambalala? Lolesheni, inshita naifika, no mwana wa muntu ala ipaiwa muminwe yaba bembu. ⁴⁶ Imeni, natuleya. Lelosheni, uyo uulengipaya na palama'' ⁴⁷ Elo acili alelanda, Yuda, umo uwa mubekumi nababili, aishile ne cintubwingi, icikulu caishile kuli ena pamo nabakuli bashi mapepo bakulu naba kulu ba bantu. Baishile ne mipanga. ⁴⁸ Nomba umuntu uwaleya mukwipaya Yesu alibapele icilangililo, atile, uyo ndetomona euyo. Mumeni.'' ⁴⁹ Lilya line aishile ku Jelusalemu nokutila, ''Umutende, kafundisha!'' nokumutomona. ⁵⁰ Yesu atile kuli ena, ''Cibusa, bomba ico ukonkele ukubomba.'' Nomba baishile, nokubika amaboko pali Yesu, nokumuma. ⁵¹ Moneni, umo uwali pamo na Yesu, aingishe ukuboko kwakwe nokufumya ulupanga, nokukoma umubomfi wakwa shimapepo mukulu, ukutwi. ⁵² Nomba Yesu atile kuli bena, ''Bika ulupanga lobe mucibikilo, onse uwanga nolupanga akafwa kulupanga. ⁵³ Ule tontonkanya ati teti nomba kuli Tata, nao kuti atuma ama bumba yaba malaika? ⁵⁴ Nomba ukuti ilembo lifikilishe, ukuti ici cicitike? ⁵⁵ Pali ilya nshita Yesu alandile ku cinabwingi, ''Mwishile kuno ne mipanga ne fyanso kuku nguma kwati ndi cipondo? lyonse ngikala nokusabilisha mwi tempele, nomba tamwangikete. ⁵⁶ Nomba fyonse fi fyacitika pakuti bakalemba baba kasesema bafikilishe.'' Nomba bonse abasambi bamushile nokubutuka. ⁵⁷ Bonse abale uma Yesu bamutwele kuli Kayafa shimapepo mukulu, uko ukwali abena fyalo naba Kakulu balongene pamo. ⁵⁸ Nomba Petelo alekonka ena akatala mukila apatali mupepi napa ncende yaku pinwilapo, yakwa shimapepo mukulu. Aile mu ng'anda nokwikala naba kalinda ukumona icileisa. ⁵⁹ Nomba shimapepo mukulu na bonse baleloleshe ukumona ubunte bwa bufi kuli Yesu pakweba ati ba mutwale ku kumwipaya. ⁶⁰ Tabasangile nangu cimo, nangu abengi balepela ubunte bwa bufi ubwaleisa kuli bena. Noma panuma babili baishile kuntanshi. ⁶¹ Nokutila, ''Uyu muntu atile, kuti natobolola ili tempele lya kwa Lesa nokuli kula munshiku shitatu.''' ⁶² Shimapepo mukulu alimine nokumwipusha atile, taukwe icakwasuka? Cinshi ico balelanda kuli webo?'' ⁶³ Nomba Yesu taaswike ali tondolo. Shimapepo mukulu atile kuli ena, nde kwebela mwishina lyakwa Lesa wamweo, twebe ngauli Kristu, umwana wa kwa Lesa.'' ⁶⁴ Yesu alyaswike atile kuli bena, ''Namulanda mwebene. Nomba nde mweba, ukufuma nomba nokuya kuntanshi, ukamona umwana wa muntu naikala kukuboko kwakulyo kwa maka, nokwisa mumakumbi ya mumulu. ⁶⁵ Nomba shimapepo mukulu aposele insalu nokutila, ''Alelanda amashiwi yamiponto! Cinshi tule fwailo bunte? Moneni, nomba namumfwe miponto. ⁶⁶ Muletonto nkanya shani?'' Balyaswike batile, ''Aleponta alingo kufwa.'' ⁶⁷ Nomba bamufimbile pamenso nokumuma, nokumumina kumisambo yafyo bali nafyo muminwe. ⁶⁸ Balandile, ''Sesema kuli fwebo, niwebo Yesu. Nani wakuma?'' ⁶⁹ Nomba Petelo ali naikala panse mulubasa lwa ncende yaku pingwilapo, nomubomfi mwanakashi aishile kuli ena nokutila, ''Naiwe wali na yesu umwina Galileya.'' ⁷⁰ Nomba ali kene pamenso yabo bonse, alandile, ''Nshishibe ico webo ulelandapo.'' ⁷¹ Elo aleya panse pamwinshi, naumbi umubomfi mwanakashi amumwene nokweba bonse palya, ''Uyu mwaume nao ali pamo na Yesu umwina Nazaleti.'' ⁷² Naena peka alikene mubucenjeshi, ''Nishishibe umuntu uyo.'' ⁷⁵ Panuma yanshita inono, abaiminine mupepi baishile no kutila kuli Petelo, ''Mucishinka wali umo uwamuli bena pantu ifyo ulelanda fyakupela inshila.'' ⁷³ Elo atampile ukulila nokulapa, ''Nshishibe umuntuyu,'' ilyo line na mukolwa alila. ⁷⁴ Petelo aibukishe amashiwi yantu Yesu amwebele ati, ''Elo mukolwe talalila atile ulekana imiku itatu.'' Elo aile panse nokulila apakulu.