¹ Yesu alifumine mucilonganino alaya. Abasambi bakwe balishile kuli ena mukumusontelela ifikulwa fyetempele. ² Nomba alyaswike nokulanda kuli bena, "Bushe tamulemona ifi fyonse? Mucishinka ndelanda kuli mwebo, takuli ilibwe likashala pali libwe ilishakaposwe panshi." ³ Ilyo aikele palupili lwa Miolifi, abasambi baishile kuli ena munkama nokulanda ati, "Twebeni, nilisa ilyo ifi fintu filinokucitika? Fishibilonshi ifyakubwela kwenu nokupwa kwanshita? ⁴ Yesa alyaswike nokulanda kuli bena, "Cenjeleni ukuti nangu umo emibepa. ⁵ Pantu abengi bakeshila mwishina lyandi. Bakalanda ati, 'Ninebo Klisitu,' nokubepa abangi. ⁶ Mukomfwa inkondo namalyashi yankondo. Moneni ukweba ati tamutinine, ifi fyonse filinokucitika; Nomba impela ninshi icili tailafika. ⁷ Icalo cikemina icalo cinankwe, nobufumu bukemina ubufumu. Kukaba ifipowe nefinkukuma muncende shimo shimo. ⁸ Nomba ifi fyonse ekutampa kwamacusho yakupapa. ⁹ Elyo bakamipeela kubucushi nokumipaya. Mukapatwa kucalo conse pamulandu weshina lyandi. ¹⁰ Abengi bakaipununa, nokuikana nokuipata. ¹¹ Bakasesema babufi bakema nokubeepa abengi ¹² Pantu ububi bukafulisha , eico necitemwiko cakutemwana cikacepa. ¹³ Nomba uukashipikisha ukufika nakumpela eukapusuka. ¹⁴ Imbila nsuma iyabufumu iyi ikabilywa kucalo conse kukuba bukambone kufyalo fyonse. Elo impela ikesa. ¹⁵ Eico, ilyo mwamona icamuselu icabonaushi, icalandilwe na Danyeli kasesema, naciminina umwa mushilo" (Uulebelenga eluke), ¹⁶ "Elyo abakaba mu Yudeya bakabutukile mumpili, ¹⁷ uukaba pamutenge wang'anda ekekila mukubuula ifipe fyakwe mung'anda, ¹⁸ noyo onse uuli mwibala ebwela mukusenda insalu shakwe. ¹⁹ Nomba ubulanda kulyabo abakaba namafumo naba kalaonsha abana muli isho nshiku! ²⁰ Mulepepa Lesa ukuti mwikabutuka munshita yampepo nangu peSabata. ²¹ Pantu kukaba ubucushi, ubushatala abubako ukufumafye kukutampa kwacalo ukufika nelelo. Takwakatale akuba nakabili. ²² Ngaengakana ukucefyako ishonshiku, takuli nangu umo uwingapusuka. Nomba pamulandu wabasalwa isho nshiku shikacefiwako. ²³ Elyo umo ngalanda kuli mwebo, 'Moneni, Yesu alipano!' nangu, 'Uyo alipalya mwikasumina. ²⁴ Pantu ba klisitu babufi na bakasesema babufi bakeema nokulange fishibilo fikalamba nefyakupapa ifyakubepaikilako, ngacingacitwa, kumo naba salwa. ²⁵ Moneni, namyebela limo kuntanshi yanshita. ²⁶ Eico, ngabamyebati, moneni, ali muciswebebe,' mwikayako kuciswebebe. Nangu, 'Moneni, uyo alimukati kamuputule,' mwikasumina. ²⁷ Ngefyo akalumba kafuma kukabanga nokumoneka kumasamba, efyo cikaba nokwisa kwamwana wamuntu. ²⁸ Uko konse ukuli icitumbi, eko amakubi yakolongana. ²⁹ Nomba panuma yabucushi ngabwapita akasuba kakafiita, nomwenshi tawakabale, nentanda shikapona ukufuma mumulu, namaka yamumulu yakatenkana. ³⁰ Elyo ifilangililo fya Mwana wa Muntu fikamoneka mumulu, nabantu bapano calo bakalila imisowa. Elyo bakamona Umwana wa Muntu aleisa mumakumbi no bukata. ³¹ Akatuma bamalaika neciunda icikalamba icamapenga, elyo bakalonganika pamo abasalwa bakwe ukufuma mutupinda tune, ukufuma ukwatampila umulu ukufika uko wapelela. ³² "Natusambilile kucimuti camukunyu, ilyo imisambo yatampa ukuba iiteku nokutampa ukufumya amabula, mwishibe ukuti amainsa yapalama. ³³ Nelyo, mwamona ifintu fyonse, mwishibe ukuti ali mupepi, pamwinshi. ³⁴ Mucishinka ndelanda kuli mwebo, ino nkulo tayakapite kano fyonse fikacitike. ³⁵ Umulu ne calo fikapita, nomba ifyebo candi tacakapite. ³⁶ Nomba ubushiku bulya nakashita kalya takwaba waishiba, nangu nibamalaika bamumulu, nangu mwana, kano Tatafye eka. ³⁷ Ngefyo cali munshiku shakwa Nowa, efyo nokwisa kwa Mwana wa Muntu kukaba. ³⁸ Efyo cali namunshiku shilya pantanshi yalyeshi balenwa nokulya, baleupa nokuupwa ukufika na panshita Nowa aingile mubwato, ³⁹ tabaishibe nangu kamo mpakafye nelyeshi lyaisa nokusenda bonse-efyo nokwisa kwa Mwana wa Muntu kukaba. ⁴⁰ Elyo abaume babili bakaba mwibala-umo akasendwa, umbi nao akashala. ⁴¹ Abanakashi babili bakaba mukutwa, umo bakamupita umbi nao akashala. ⁴² Eico mwishipula, pantu tamwaishiba ubushiku Shikulu akesa. ⁴³ Nomba ishibeni ici, umwine wang'anda ngaalishibe inshita iyo umung'o alaisa, ngalishibwike ngatasuminishe ukumwibila. ⁴⁴ Eico mube abaiteyanya, pantu umwana wamuntu akesa panshita iyo tamwaishiba. ⁴⁵ "Ngakanshi ninani umubonfi wacishinka uo Shikulu wakwe aisalile muba mung'anda yakwe pakuti abapele ifyakulya panshita iisuma? ⁴⁶ Alishuka uyo musha uo Shikulu wakwe kamusanga aleicita ifyo ilyo aleisa. ⁴⁷ Mucishinka ndelanda kuli mwebo ati Shikulu akamusansabika pali fyonse ifyo akwata. ⁴⁸ Nomba umusha umubi alanda mumutima wakwe, 'Shikulu wandi akokola,' ⁴⁹ nokutampa ukuuma ababomfi banabo, nokuya mukunwa nabacakolwa, ⁵⁰ elyo Shikulu waulya Musha akesa pabushiku ubo ulya musha takeshibe nakashita ako takeshibe. ⁵¹ Shikulu wakwe akamuputaula mutupimfya nokumupatwilo bwikalo nabambikishi, uko ukukaba ukulosha nokusumanya ameno.