¹ Elyo Yesu alandile kucintu bwingi nakubasambi bakwe. ² Alandile ati, "Bakalemba nabafaliseo bekala pacipuna cakwa Mose. ³ Eico conse ico bamyeba ukucita, mulecita nokufilama. Lelo mwikonkelesha ifyo bacita, pantu ifyobalanda tefyo bacita. ^{4 5} Eee, bakaka ifisendo ifyafina kukusenda, nokufibika pafipeya fyabantu. Lelo bena tabesha nokukumyako umunye kukufisenda. Babomba ifintu pakuti bamonye nabantu. Balapanga ifyakuikobeka ifingi, nokukusha imikansu yabo. ⁶ Batemwa ifipuna fyabushimapepo kumitebeto nefipuna muma Sinagogo, ⁷ nokulapelwa umucinshi muma maliketi, nokulaitwa ati 'Basambilisha' kubantu. ⁸ Mwilabeta ati 'Rabbi,' Iwe mwakwatafye kasambilisha umo, nomba mwebo bonse muli ba munina. ⁹ Mwita umuntu mucalo ati tata, mwakwatafye tata umo, uwaba mu myulu. ¹⁰ Takuli uwakwitwa 'kasambilisha' kuli mwebo kwaba fye kasambilisha umo mpo, ni Klistu. ¹¹ Nomba umukalamba pali mwebo akaba umubomfi. ¹² Pantu abaimya pamulu bakakoshiwa naba ikosha bakapilushiwa pamulu. ¹³ Bulanda kuli imwe, ba kalemba na ba Faliseo, mweba bumi munda! Mwasumine ubufumu bwa mumulu pa bantu. Mwebene tamwingila iyoo, nangu kulekela abakusumina basumine iyoo. ¹⁴ Mweba bumi munda, bakalemba naba Faliseo, mulya mung'anda yaba mukamfwilwa, nokupepa amapepo ayatali, mukapokelela ukupingulwa. ¹⁵ Bulanda kuli mwebo, bakalemba naba Faliseo, ba bumi munda! Kuli mwebo mulashunguluka ponse pamenshi namu calo nokulenga umo ukulapila, ilyo umo apanga filya mwamupanga uwabifya saana imiku ibili. ¹⁶ "Bulanda kuli mwebatungululwa kumpofu, mulanda '' Nangula walapa mucilonganino cilifye tacili kantu, nomba uwalapa umutulo mung'anda nkalamba yamapepo, aba wankongole.' ¹⁷ Muli mpofu shishaishiba! Icakulapo cinshi, pali golide ne n'ganda ya mapepo ilenga golide ukuba uwamushilo? ¹⁸ Kabili, 'Uwalapa pa bulambo, tacili cintu. Nomba uwalapa pa cabupe icilipo , aba uwamulandu kuwacibikilemo.' ¹⁹ Mwebantu mpofu! Cili pisa icikalamba pa cabupe no bulambo ubupanga umutulo ukuba uwamushilo? ²⁰ Eifyo, uwalapa pa bulambo alapa na pali fyonse ifili pa mutulo. ²¹ Uwalapa pe tempele nalapa na onse uwikala mwitempele. ²² No walapa umulu alapa icipuna cakwa Lesa no waikalapo. ²³ Bulanda kuli mwebo, ba Kalemba na ba Faliseo, ba bumi munda! Mulapela icekumi ca minti na dilo na semini, nomba mulasha ifyakosa pe funde-umulinganya, umutende, no luse na bucishinka, tulebomba fyonse nomba twilashapo fimbi ukufibomba. ²⁴ Mwentungulushi impofu, mweba filwa ukumina akashishi lelo mwamina ingamali! ²⁵ Bulanda kuli mwebo, bakalemba na ba Faliseo, ba bumi munda, mwebasamfya kapu kunse, nomba mukati mwiswilefye ifiko na ukuitusha mwebene. ²⁶ Mwe ba Faliseo impofu! Wamyeni mukati ka kapu na imbale, pakuti nakunse kwingaaluka ukwabuuta. ²⁷ "Bulanda kuli imwe ba kalemba na ba Faliseo, ba bumi munda, pantu mwaba nge nindi isha samfiwa, ishimoneka bwino kunse, nomba shaisula amafupa yabafwa ne fyakowela fyonse. ²⁸ Munshila imoine, mula moneka abalungami kunse kubantu, mukati muli ba bumi munda aba talamina amafunde. ²⁹ "Bulanda kuli imwe, bakalemba na ba Falisayo, ba bumi munda, mwebakula inshishi yakwa kasesema no kuwamya imanda ya mulungami. ³⁰ Nokulanda ukuti, 'Atubako munshiku sha fikolwe, nga tatwali nabo pamo mukusumya umulopa waba kasesema.' ³¹ Eico mulayesha mwebene kuti muli baana ba balya baipeye ba kasesema. ³² Naimwe isusheni imilingo ya fikolwe fyenu. ³³ Mwensoka, mwebana ba mafwafwa, mukapusushiwa shani kubupingushi bwa mumulilo? ³⁴ Eifyo, moneni, ndi nokumitumina ba kasesema nabamano nabakalemba. Bamo mukepaya no kutanika, elyo bambi mukabalopaula muma Shinagogo yenu no kuba pakasa umushi no mushi. ³⁵ Nefika fumamo umulopa onse wabalungami uwasumine mu calo, ukaba pali imwe, ukufuma kumulopa wakwa Abele uwakaele, no mulopa wakwa Sakalia, mwana Belekia, uo mwaipeye pakati ka ukwashila noubulambo. ³⁶ Cishinka ndi mukulanda kuli mwebo, ifi fyonse fikesa muli shino nkulo. ³⁷ Yelusalemu, Yelusalemu, wewipaya ba kasesema no kusula abatumwa kuli mwebo nokubapola amabwe! Ninshita shinga nakabila ukukolonganika abana bobe, filya munkoko afukatisha utwana twakwe mumapapi yakwe, nomba mwalikana! ³⁸ Mumone, ing'anda yenu yashilwa kuli mwebo icipompa. ³⁹ Pantu ndi mukumyeba kuti tamwakambone nebo na peka, mukasuke amulanda, 'Alipalwa uwaishila mwishina lya kwa shikulu."