¹ Yesu alandile kuli bena napeka mumilumbe, alandile, ² "Ubufumu bwamumulu bwapala imfumu iyapekenye umutebeto wabwinga bwamwana wakwe umwaume. ³ Atumine ababomfi ukuyaita bonse abalalikwe ukuti bengesa kumutebeto wabwinga, nomba tabaishile. ⁴ Peka imfumu yatumine nabambi ababomfi, yalandile ati, 'Ebeni bonse abalalikwe, "Moneni, nimpekanya icakulya cacungulo. Ing'ombe notuombe twandi utwaina natwipaiwa, nefintu fimbi nafipekanishiwa. Iseni kumutebeto wabwinga.'" ⁵ Nomba tabaumfwile baile nakumbi, umo kumabala, naumbi kumakwebo. ⁶ Bambi balyumine ababomfi bamfumu, nokubalenga insoni, nokubepaya. ⁷ Imfumu yalifulilwe, nokutuma abashilika ukuya ipaya bonse bakepaya nokoca umusumba. ⁸ Nomba yalandile kubabomfi bakwe, 'Ubwinga nabupalama, nomba bonse abalalikwe tabalingile. ⁹ Eico kabiyeni mumisebo ikalamba muciluke nokulalika bonse abantu kumutebeto wabwinga kulyabo bonse abomulesanga.' ¹⁰ Ababomfi bafumine nokuya mumisebo ikalamba nokubalonganya abantu bonse abobasangile, bonse ababi nabasuma. Elo ing'anda yabwinga yaiswile bonse abalalikwe. ¹¹ Nomba ilyo imfumu yaishile mukati kukumona bonse abalalikwe, amwene umwaume uyo uushakwete ilaya lyabwinga. ¹² Nemfumu yalandile kuli ena, 'Cibusa, wingile shani muno ukwabula insalu yabwinga?' Nomba umwaume talandile kantu nangu kamo. ¹³ Nomba imfumu yalandile kubabomfi, 'Mukakeni uyu mwaume amaboko namolu, nokumuposa kunse ukwaba imfifi, uko kukaba ukulila nokusumanya ameno.' ¹⁴ Pantu abeni abantu balitwa, noma abanono ebasalwa." ¹⁵ Nomba aba Faliseo baile nokuya anshika umwakwingilila Yesu mukulanda kwakwe. ¹⁶ Nomba batumine abasambi bakwe kuli ena, pamo nabena Helodyani. Balandile kuli Yesu, "Kafundisha, twalishiba ukuti muli bacishinka, kabili mufundusha inshila yakwa Lesa mucishinka. Mulasakamana namatontonkanyo yamuntu onse, nakabili tamulanga kapatulula pabantu. ¹⁷ Elo twebeni, Bushe cinshi uletontonkanya? Bushe cemfunde ukupela umusonko kuli Kaisala nangu iyo?" ¹⁸ Nomba Yesu amwene ukubipa kwabo nokulanda ati, "Cinshi mwebo mulenjesesha, mwebabumumbi munda? ¹⁹ Nangeni impiya yamusonko. "Nomba baletele denalyasi kuli ena. ²⁰ Yesu alandile kuli bena, "Bushe cipasho neshina lyakwa nani fili apa? ²¹ Balandile kuli ena, Fyakwa Kaisala." Elo Yesu alandile kuli bena, "Kanshi peni ifyakwa Kaisala kuli Kaisala, nakuli Lesa ifintu fyakwa Lesa." ²² Elyo baumfwile ici, bapapile. Ifyo bamushile nokuya baya. ²³ Muli bulya bushiku bamo abamu basaduki, abalanda ati takwaba ukubushiwa, baishile kuli ena, Balimwipwishe, ²⁴ balandile ati, "Kafundisha, Mose alandile ati, 'Ngacakuti umwaume afwa, tekwetepo umwana, munina kuti aupa umukashi wakwe nokukwata abana bakwa munyina.' ²⁵ Kwali bamunyina cine lubali. Uwakubalilapo alyupile nokufwa. Tashilepo umwana, ashilefye umukashi kuli munyina. ²⁶ Nowa cibili munyina acitile icintu cimo cine, nowacitatu, ifyo fine nakuwalenga cine lubali. ²⁷ Panuma yaaba bonse, umwanakashi alifwile. ²⁸ Nomba mukututubuka, bushe akaba mukashi wakwa nani pali balya cine lubali? Pantu bonse balimupileko." ²⁹ Nomba Yesu alibaswike alandile kuli bena, "Mwaliluba ico tamwaishiba umwalola amalembo nangu maka yakwa Lesa. ³⁰ Pantu mukubuka tabopa nangu ukupwa. Pantu, bali ngabamalaika bakumulu. ³¹ Nomba palwa kubuka kwabafwa, bushe tamwabelanga ifyo casoselwe kuli mwebo kuli lesa, alandile ati, ³² Ndilesa wakwa Abulahamu, Lesa wakwa Isaki, kabibili Lesa wakwa Yakobo'? Lesa telesa wabafwa, lelo wabatuntulu." ³³ Ilyo amabumba yabantu yaumfwile ici, basungwike kukufundisha kwakwe. ³⁴ Nomba ilyo abafaliseo baumfwile ati Yesu natalalika abasaduki, balonge bonse pamo. ³⁵ Umo pali bena, uwaishiba amafunde, aipwishe ena alipusho, ukumwesha ena- ³⁶ "Kafundisha, lifundenshi ilikalamba muma funde?" ³⁷ Yesu alandile kuli ena, "'Uletemwa Shikuleu Lesa nomutima obe onse, nomweo obe onse, namano yobe onse.' ³⁸ Ili elikalamba kabili elyantanshi. ³⁹ Nefunde lyacibili lintu lyapala ili- 'Temwa umwina mupalamano ngefyo waitemwa,' ⁴⁰ Muli ayamafunde yabili epashintilila yonse nabakasesema." ⁴¹ Nomba bali nabakolongana bonse pamo, Yesu alipwishe icipusho. ⁴² Alandile, "Bushe mutontonkanya shani palwa kwa Klistu? Mwana wakwa nani?" Balandile kuli ena, "Mwana mwaume wakwa Davidi." ⁴³ Yesu alandile kuli bena, "Ngakanshi cinshi Davidi amwitila mumupashi ena ati Shikulu, alandile, ⁴⁴ 'Shikulu alandile kuli Shikulu wandi, "Ikala kukuboko kwakulyo, nkasuke nkalenge abalwani bobe icakunyantapo amakasa yobe'"? ⁴⁵ Ngacakuti Davidi engeta Klistu 'Shikulu,' Kuti aba nani umwana umwaume uwakwa Davidi? ⁴⁶ Takwali nangu umo uwayaswike, nangu umo umwaume uwamwipwishemo ifipusho ukufuma palibulya bushiku.