¹ ilyo yesu apwile ukulaanda aya mashiwi, ali fumine mugalili nokuya mu yudea bushilya lya mumana wa yondani. ² Necintu bwingi cikalamba calimu konkele nao, alebaposha kulya kwine. ³ Aba farise balishile kuli ena, balamutunka no kulanda kuli ena, calisuminishiwa umwaume ukukana umukashi wakwe pamulandu uuli onse" ⁴ .Yesu alyaswike ati, "tamwabelenga ati uwaba bumbile umwaume no mwanakashi ? ⁵ Uwababumbile alandile ukuti, ' Napamulandu uyu eco umwaume akasha wishi na nyina no kukambatila ku mukashi wakwe, naba babili baba umubili umo.' ⁶ Tabali babili peka, nomba umubili umo. Eico ico Lesa akambatika, takuli nangu umo uwinga kambatula." ⁷ Balandile kuli ena. " Nicinshi Mose atukonkomeshe ukupeela icitupa cakulekana no kumutamfya?" ⁸ Alandile kuli bena, "bunkosa mitima bwenu, ebwalengele Mose ukumisuminisha ukuleka abakashi benu, nokutampilafye ku kwamba tafyali muli iyo nshila. ⁹ Ndelanda kuli mwebo ati, uyo onse uutamfya umukashi wakwe, apabula umulandu kano pabulalelale, aupa naumbi, acita ubucende; no mwaume uwaupa umwanakashi uo batamfya acita ubucende." ¹⁰ Abasambi balandile kuli Yesu, " Uyo nga emulandu waba pamwaume nomukashi wakwe, cawamapo nokukanaupa." ¹¹ Nomba Yesu alandile kuli bena, " Tebonse bengasumina kuli ayamashiwi, lelo kuli abacapeelwa. ¹² Kwaliba abaume abashaba namaka yakupupa pantu efyo bafyalwa ukufuma munda muli banyinabo, peka kwaliba nabambi abatungulwafye nabantu, peka kwaliba bamutungwi abaisangula ifyofine pamulandu wabufumu bwamumulu. Uwingapokelela ayamashiwi, nayapokelele." ¹³ Elyo abana banono baletelwe kuli ena pakutila engabika amaboko yakwe palibena nokuba pepelela, nomba abasambi bali bakalipilile. ¹⁴ Nomba Yesu alandile ukuti, "Lekeni abana banono, mwibakanya ukwisa kuntu ndi, pantu ubufumu bwamumulu bwaba ngababefi." ¹⁵ Atambalike namaboko pabana, nokufumako nokuya kumbi. ¹⁶ Moneni, umuntu alishile kuli Yesu nokulanda ukuti, "Mwekafundisha, fintunshi ifisuma mfwile ukupanga pakuti mkwate umweo wamuyayaya?" ¹⁷ Yesu alandile kuli ena, "Nicinshi wandipushisha palwacisuma? Kwabafye umo umusuma, nomba ngaulefwaya ukwingila mubumi bwakubelelela sunga amafunde." ¹⁸ Umwaume alandandile kuli ena ukuti, " Mafundenshi?" Yesu alimwaswike, "Wilaipaya, Wilacita bucende, Wilaiba, Wilabepesha abanobe ubufi, ¹⁹ uleumfwila bawiso nabanoko, nokutemwa umwina mupalamano obe ngawemwine," ²⁰ Umwaume umunono alandile ukuti, "Ifyo fyonse nalisunga. Nifinshi fimbi ningakabila." ²¹ Yesu alandile kuli ena, "Ngaulefwaya ukuba umusuma, kabiye, kashitishe fyonse ifyabunonshi bobe, upele nendalama kubapina, lyena walakwata icuma kumulu; elyo wise, unkonke." ²² Nomba ilyo umwaume aumfwile ifyo Yesu amwebele, alifuminepo uwabulanda pantu alikwete ifyuma ifingi. ²³ Yesu alandile kubasambi bakwe, "mucishinka ndelanda kuli mwebo, calikosa umuntu wafyuma ukwingila mubufumu bwamumulu. ²⁴ Peka ndelanda kuli mwebo, calyangukapo ingamali ukupita palinso lya nshindano ukucila uwafyuma ukwingila mubufumu bwakwa Lesa. ²⁵ Ilyo abasambi baumfwile palici bapile sana nokulanda ukuti, "Nanani uukapusuka?" ²⁶ Yesu alibaloleshe nokulanda ati, "Kubantu tekuti ficitike, nomba kuli Lesa fintu fyonse fyalyanguka." Elyo ²⁷ Petulo amwaswike nokulanda kuli ena, " Moneni, twalishiile fyonse nokumikonka. Finshi tukakwata?" ²⁸ Yesu alandile kuli bena, "Mucishinka ndelanda kuli mwebo ati, mukulengwa cipya ilyo umwana wamuntu akekala pa cipuna cabukata bwakwe, mwebo mwebankonka mukekala pafipuna ukumi limo nafibili, mukalapingula nemitundu ikumi limo nanabili iya bena Isileli. ²⁹ Onse uwasha ing'anda, bamunyina, bankashi yakwe, bawishi, banyina , abana, nangu nimpanga pamulandu weshina lyandi akapokelela imiku umwanda umo elyo nokupoka umweo wamuyayaya. ³⁰ Nomba abengi abantanshi bakaba abanuma, nabanuma bakaba abantanshi.