¹ "Ubufumu bwamumumulu bwapalanishiwa kumuntu umwine wampanga uwaile kunse bwangu mukacelo mukwingisha babomfi bamwibala lyamwangashi. ² Panuma asumishenye nababomfi pamalipilo yabushiku bumo, abatumine mwibala lyamyangashi. ³ Alifuminepo ukufika inshita mutanda nokumona ababomfi bambi nabeminina icimpwena muncende yamakwebo. ⁴ Kuli bena alandile ati, 'Mwebo , kabiyeni mwibala lyamyangashi, nkesa mipela icilungeme,' Efyo baile namukubomba. ⁵ Peka alifuminepo inshita mutanda napeka inshita pabula, acitile fimofine. ⁶ Nakambi kwati inshita ikumi nakamo alifuminepo nokusanga bambi ababomfi bemininefye pamo icimpwena . Alibepwishe, 'Nicinshi mwiminine pamo icimpwena akasuba konse?' ⁷ "Balyaswike kuli ena, 'Pantu tapali uwatwingishe.' "Alandile kuli bena, 'Nemwe bene kabiyeni mwibala lyamyangashi.' ⁸ Ilyo icungulo caishile, umwine webala lyamyangashi alandile kumukalamba wapamilimo, 'Ita ababomfi nokubapela ifilambu, ukutampa kubakushalikisha nokubabikilapo.' ⁹ "Ilyo ababomfi abaingishiwe panshita yekumi nakamo baishile, cilamuntu alipokelele amalipilo. ¹⁰ Nomba ilyo ababomfi bakubalilapo baishile , batontonkenye ati bakapokelela amalipilo ukucilapo, lelo bapokelele amalipilo yamo yene cilamuntu nabo abaingile pampela yanshita. ¹¹ Ilyo bapokelele ifilambu, bali ilishenye pabene bampanga. ¹² Balandile, 'Aba babomfi bakushalikisha bapwileko inshita imo muncito, lelo mwabalipila ukulingana nafwebo, fwebo fwebali mukusenda ifisendo cilabushiku nokupibilwa kucibe.' ^{13 14} "Lelo umwine alyaswike nokulanda kuli umo muli bena, "Cibusa, nshikulufyenye. Bushe tatwasuminishenye nanebo pelipilo limo? Senda icili icobe nokuya. Nasala ukupela kuli aba babomfi baingishiwe pakushalila ngefyo cili kuli webo. ¹⁵ Bushe tecefunde kuli nebo ukucita cintu ndimukufwaya icili kuli nebo? Nangu bushe waumfwa akaso kukuyangusha kwandi?' ¹⁶ Eico uwakutampilapo akaba uwakubalilapo nowa kushalikisha akaba wakubalilapo." ¹⁷ Ilyo Yesu aleya ku Yerusalemu, asendele aba mubekumi nababili, namunshila alandile kuli bena, ¹⁸ "Moneni, tuleya ku Yerusalemu, no Mwana wa Muntu akapelwa kuli bashi mapepo bakalamba, nakuli bakalemba. Bakamususha kumfwa ¹⁹ nokumuleta kubena fyalo pakuti bamuwele, ukumuma ifikoti, nokumutanika. Lelo mubushiku bwalenga citatu akabuka." ²⁰ Elyo banyina babana bakwa Zebede baishile kuli Yesu nabana bakwe abaume. Afukeme panshi kuli ena nokumulombako fimo. ²¹ Yesu alandile kuli ena, "Nicinshi wulefwaya ukucitika?" Namayo alandile kuli ena, "Akambishe ukuti abana bakwe balya babili bengekala, umo kukuboko kwakulyo naumbi kukuboko kwakukuso, mubufumu bwenu." ²² Lelo Yesu ayaswike nokulanda, "Tawishibe icintu uleipusha. Bushe kuti wanwa ulukombo ulo ndipakunwa?" Balandile kuli ena, "Natulinga." ²³ Alandile kuli bena, "Ulukombo lwandi lwena mukanwa. Lelo ukukwila kukuboko kwakulyo nangula ku kwakuso tecandi ukupela, lelo caabo bonse abo Tata apekanishisha." ²⁴ Ilyo abekumi mubasambi baumfwile ici, balifulilwe balikalipe ukufulilwa bamunyina babili. ²⁵ Lelo Yesu alibetile kuli ena nokubeba, "Namwishiba ukuti bakateka wabena fyalo ebabateka, nabo bonse abacindama muli bena bakwata amaka wakubateka. ²⁶ Lelo tacilingile ukuba muli uyu musango muli mwebo. Icakuti, uli onse ulekabila ukuba umukalamba muli mwebo afwile ukuba umubomfi wenu, ²⁷ noyo onse uwakabila ukuba uwakubalilapo muli mwebo afwile ukuba mubomfi obe, ²⁸ ngefyo Umwana wa Muntu taishile mukupusushiwa, lelo mukupususha, nokupela ubumi bwakwe nokuba umusha wabonse. ²⁹ Lintu baleya ukufuma ku Yeliko, icintu bwingi icikalamba calimukonkele. ³⁰ Kwali abantu babili impofu baleikala mumusebo. Ilyo baumfwile ati Yesu alimukupita, balipundile, "Shikulu, Mwana Davidi, tukwatile uluse." ³¹ Icintu bwingi calikalipwe, balebeba ukwikala tondolo, lelo balilile sana muciunda icikulu, "Shikulu, mwana Davidi, tukwatileni uluse." ³² Yesu aimininefye nokubeta nokulanda ati "Cinshi mulefwaya micitile?" ³³ Balandile kuli ena, "Shikulu, amenso yesu naesuka," ³⁴ Elo Yesu, abakwatile inkumbu, aikete mumenso yabo. Palyapene bapokelele amenso nokumukonka.