¹ Pali kalya kene kashita abasambi balishile kuli Yesu nokulanda ati, ''Nani umukulu mu bufumu bwa mumulu?'' ² Yesu umwine epakwita akana akanono, epa kukemika pakati kabo, ³ nokulanda ati, ''Ica cishinka ndimukumweba ati, kanofye mwapilibuka nokuba nganbana utucece lyena tekuti mwakwate inshila iya kuya ingila mubufumu bwa mumulu. ⁴ Nipali ico, uyo onse uuli mukuicefya ngotu utwana utucece euli nokuba umukulu mubufumu bwamu mu mulu. ⁵ Uyo uuli mukusekelela akana akacece nga akaa mwishina lyandi ninshi apokelela nebo. ⁶ Lelo uyo uwalufyanya kamo akapali aka akasumina mwishina akapunwisha, camuwamina uyu muntu ukumukulikila ilibwe mu mukoshi wakwe, nokumuposa umwa kusika sana mu cimana. ⁷ ''Ubulanda ku calo pamulandu wa cakuipuntulako! pantu cili mukwisa peka icakuipuntulako, lelo ubulanda buli nokuba ku muntu uyo uo icakuipuntulako fyaishilako! ⁸ Eico ukuboko nakalimo ulukasa lobe lwa kutwala mu cipunwisho, ulingile ukuputulako nokuciposa ukucifumyako. Cakuwamina iwe ukwingila mu bumi uwabulisha napamo icilema ukucila ukuya poswa mu mulilo wapee mukuba uwakumanisha ifi lundwa mukuba namaboko yabili nakalimo amakasa yabili. ⁹ Nakalimo ilinso ngalya kutwala mucakuipuntulako, ulitonkolemo nokuliposa nokuliposa uko ukulifumya kuli webo. Cilimukuwamisha webo ukuya ingila mu bumi ne linsofye limo ukucila ukuposwa mu Gehena ya mulilo mukukwata amenso yonse. ¹⁰ Eico moneni ukumona ukuti mwaba abashilimuka ukuti tamusulilepo nangukamo pali utu utucece. Pantu ndimukulanda kuli mwebo ukutila mu mulu mulya abangeli lyonse bali mukulolesha pa cinso cakwa Tata wandi uuli mu mulu. ¹¹ Tumo utusuma utwaba ancient Greek copies, Tatwalembwa muli ili lyashi pamulandu wakuti imipili bwile yafimo ukulundwamo, pantu umwana wa muntu aishile mukupususha ico icaluba ¹² Bushe ulimukutontonkanya shani? Nga kuliko umuntu aliko ne mikoko umwanda umo, peka naumo pali isho yaluba, bushe tengasha isho amakumi pabula-napabula mu ncende yakapili nokuya mukufwailisha iya luba? ¹³ Peka ngaisanga, icine ndimukumyeba mwebo, alasansamuka pali ico ukucilapo pali isho amakumi pabula na pabula isho ishilipo ishabula ukuluba. ¹⁴ Mu musangofye umo wine, tacaba mubufwayo ubwakwa Tata wenu mu mulu ukuti kamo akapati utu utucece kamo ukonaika. ¹⁵ ''Nga munonko wenu akulufyanya napeka, uli mukulinga ukuyako nokumukalipila pakati kaiwe na ena mwaikala nao mweka. Peka nga kuti aumfwa kuli iwe, mufwile mwabweshanya pamo. ¹⁶ Nomba nga ali mukukana ukumfwa kuli webo, kabuye kasende umo nakalimo babili bambi aba kuli webo pakuti patunwa twaba tubili nakalimo batatu bakambone cila lishiwi lifwile lyasininkishawa. ¹⁷ Napeka nga nakalimo ali mukukana kuli mwebo, mulingile umulandu wenu mwaishibishako aba cilonganino cenu. Nga peka alimukutwalillila ukukana ukumfwa nakuba cilonganino, kuli mwebo mupangenifye abe umu (pagano) umusenshi nakalimo umusangushi. ¹⁸ Ndi mukulanda kuli mwebo icine, fyonse ifintu ifyo muli muku kaka pano calo fili mukukakwa namu mulu. Peka fyonse ifintu ifyo muli mukukakula pano calo napeka mumulu fili mukukakulwa. ¹⁹ Napeka ndimukulanda kuli mwebo, nga babili aba pali mwebo bali mukusuminishanya pano calo pamulandu wafintu fimo ifyo balomba, fili nokupelwa kuli bena ukupitila muli Tata wandi uwa mu mulu. ²⁰ Nipali ici apali babili nakalimo batatu abali mukulongana pamo mwishina lyandi, ndimu mukubapo pakati kabo.'' ²¹ Peka Petelo alishile napeka alandile kuli Yesu ati, ''Shikulu, mikuinga nakalimo munyinane nga ampuntula napeka namwelela imiku cine lubali?'' ²² Yesu alilandile kuli ena, ine nshili mukukweba imiku cine lubali iyo, lelo ntile amakumi cine lubali ukufushiwako (70x7). ²³ Nipali ici ubufumu bwa mumulu bwapalanako ku mfumu iyalefwaya ukulubulwisha ababomfi bakwe. ²⁴ Elo yatampile ukulubulwisha, baleteleko umo uwapababomfi bakwe uwakwete inkongole amakana ikumi limo amatalanta. ²⁵ Ico ukufumafye apo apokele alimukufilwa ukulipilamo, shikulu wakwe ali konkomeshe ukuti ashitishe fyonse pamo nabakashi peka nabana bakwe pamofye nafyonse ifyo akwata pakutila engalipila inkongole. ²⁶ Eico uyo mubomfi awile panshi, akontama kuli ena, ''Shikulu tekanyeni pali ine ndinokumulipilafye fyonse. ²⁷ Eico shikulu wakwa ulya musha, ico aliumfwile inkumbu, alimukakwile noku mubelela uluse pa nkongole shonse. ²⁸ Nomba ulya wine umubomfi ilyo afumine palya nokuya peka ailesanga umo uwa mubabomfi nga ena, uwa mukwatile inkongole umwanda umo demarii. Atampile ukumufina pamukoshi ati kanofye ulipile inkongole shandi. ²⁹ Eico umubomfi munankwe ali wile panshi nokumupapatila pamaka. alandile ati, ntekanishisheniko nebo, peka ndinokumulipila inkongole.' ³⁰ Lelo ulya umubomfi wantanshi alikene. Kabinge, alile peka nokuya muposa mu cifungo nokutila ati kanofye ukandipile inkongole. ³¹ Elo ababomfi banankwe bamwene ifyacitike, balikeketwe ubulanda nokupelelwa. Balisile nokulanda fyonse kuli shikulu fyonse ifyacitike. ³² Eico ulya shikulu wakwe alimukutile, nokulanda kuli ena ati, ''we mubomfi uwabipa, ine nalikubelele uluse pa nkongole shonse pantu wali mukumpapatile. ³³ Nomba iwe wafilwa ukubelelela umubomfi munobe, peka nebo nshakukwatile uluse? ³⁴ Nomba shikulu wakwe alikalipe icibi peka amubulile nokumupela kuli bakalungulusha nokubakonkomesha ati uyu tekwesha ukumulekako ukufuma mpakamfye akalipile inkongole. ³⁵ Efyo peka na Tata wamumulu akacita cimo cine kuli mwebo nga tamuli mukubelela bamunyinenwe uluse ukufuma panshi yamutima wenu.''