¹ Panuma yanshiku mutanda Yesu asendele Peter, James na John wabo aninine nabo ulupili ulutali beka. ² Ali pilibwike mu menso yabo impumi yakwe yaba bekele nga kasuba nefya kufwala fyakwe fyale beka ngo lubuto. ³ Moneni palya pene paishile moneka Mose na Eliya balelanda na ena. ⁴ Peter aaswike nokweba Yesu, ''Shikulu, catuwamina ukwikala pano. Nga mulefwaya, ndekula insakwe shitatu- imo yenu, naimbi yakwa Mose naimbi yakwa Eliya.'' ⁵ Elo acili mukulanda, moneni, ikumbi ilya bengeshima lyaba kupikila, elo kabili ishiwi ilikulu lyafumine mu mulu lili mukulanda, ''Uyu emwana wandi uo natemwa muli ena emo nsansa mukila. Mumfwileniko. ⁶ Elo abafundwa bakwe baumfwile ici baponene panshi nokumfwa umwenso sana. ⁷ Elo Yesu aishile nokuba kwata nokulanda ati, ''Imeni kabili mwitina.'' ⁸ Elo bainwine amenso nomba taba mwenepo bambi kanofye Yesu eka. ⁹ Elo bale koka ukufuma ku lupili Yesu aliba konkomeshe ukweba ati, ''Mwilanda ici cimonwa ku uli onse mpaka umwana wa muntu akabuke kubafwa. ¹⁰ Aba fundwa bakwe bali mwipwishe, ukulanda ifi ''Nifishi kanshi ba kalemba balandile ati Eliya afwile ukwisa pa kubala?'' ¹¹ Yesu abaswike ukweba ati, ''Eliya cacine akesa nokwisa bwekeshapo ifintu fyonse. ¹² Nomba ndemyeba Eliya alisa kale lelo taba mwishiba. Nomba bamucitile fyonse ifyo balefwaya ukumucita. Munshila imo ine, umwana wa muntu nao wine bakamu cusha. ¹³ Elo abasambi ba kutulwike ati ali mu kulanda kuli bena palwa kwa Yoane kabatisha. ¹⁴ Elo ba ishile kucintu bwungi umwaume aishile kuli ena akoka mupepi nankwe noku mweba ifi, ¹⁵ ''Shikulu, mbeleleni umwana wandi umwaume uluse pantu ali lwala cipumpuntu kabili alacula saana. Pantu inshita ne nshita ala ponena mu mulilo nangu mu menshi. ¹⁶ Na muletele ku basambi benu, nomba bali fililwe ukuposha.'' ¹⁷ Yesu abaswike nokulanda, ''Mwe nkulo yabula icisumino kabili mwe ba bembu nkekala naimwe ukufika lilali? Nkashipikisha naimwe ukufika lilali? muleteni kuno kuli nebo. ¹⁸ Yesu akalipile ingulu, yafumine elo nomulumendo ali polele plya pene. ¹⁹ Elo aba sambi baishile kuli Yesu mu bumfisolo nokulanda, Nicinshi calenga ati tufilwe uku ifumya?'' ²⁰ Yesu alandile kuli bena, ''mulandu wa kucepa kwa cisumino pantu ndili mukulanda icine kuli mwebo, ngana mukwata icisumino nangu icacepa nga kaluseke kalubanga kuti mwalanda kuli ulu lupili, ''Sela ukufuma apa ukuya kulya kabili, luka sela elo kube ico mwinga filwa ukucita.'' ²¹ Amalembo yasuma aya pakale taya kwata vs. 21. Nomba uyu musano wa ngulu taifuma kano fye kumapepo nokufumya icakalya. ²² Elo baikele mu Galile, Yesu alandile kuba fundwa bakwe, ''Umwana wa muntu akapelwa mu minwe yabantu. ²³ Elo baka mwipaya napa bushiku ubwalenga shitatu aka bushiwa. Aba fundwa bali kalipe. ²⁴ Elo baishile ku kapenamu, abaume babili aba pokele umusangulo we tempele baishile kuli Petero nokulanda ''Bushe kafundisha wenu talipila umusonko we tempele?'' ²⁵ Alandile ''ee.'' Elo Petero aishile mung'anda Yesu alandile kuli ena pakubala ati ulentontonkanya shani? Simoni, nikuli bani imfumu sha pano calo shipoka umutulo nangu umulambo? Niku bana babo nangu kuli bambi? ²⁶ ''Kuli bambi,'' Petero aya swike, kanshi abana bantungwa,'' Efyo Yesu asosele. Nomba pakuti twilengela ba kasangula uku bembuka, kabiye ku chimana cikulu, uposemo indobani, nokulobamo isabi ilya labalilapo ukufuma. ²⁷ Elo wala isula mukanwa ulesangamo shekele. Usende nokubapela bakasangwisha uwa iwe naine.''