¹ Pali bulya bushiku Yesu afumine mu ng'anda nokwikala kumbali yacimana cikalamba. ² Icintu bwingi icikulu cali mukolongene aninine mubwato nokwikala mukati nomba bonse baimine mucisebele. ³ Elo Yesu alandile ifintu ifingi mu milumbe, alandile ''kwali shibulimi waile mukutanda iseke. ⁴ Peka alitandile, shimo shaponene mumbali yamu sebo, nefyoni fyalilile. ⁵ Shimo iseke shaponene musakabwe, umushali loba ilingi. Palya pene shali pupuka pantu umushili tawafulishe panshi. ⁶ Nomba elo akasuba kabalilapo, shali tola pantu takwali imishila, shalilokwete. ⁷ Shimo inseke shaponene mufimuti fya myunga, icimuti ca myunga cakula no kutabilila. ⁸ Shimo inseke shaponene mwiloba lisuma nefisabo fyalitwele, cimo imiku umwanda umo ubwingi, fimo amakumi mutanda, nashimbi amakumi yatatu. ⁹ Uli namatwe, yakumfwa omfwe.'' ¹⁰ Abasambi balishile no kulanda kuli Yesu, ''mulandu nshi mulelandila mumilumbe kucintu bwingi? ¹¹ Yesu alyaswike no kulanda kuli bena, ''Nikuli mwebo kwa pelwa ukumfwa ifya mubunfisolo ifya mu bufumu bwa mu mulu, nomba kulibena taba pelwa. ¹² Kuwakwata utunono aka pelwa ifingi, no ushakwata, takakwate, noto akwata tuka pokwa. ¹³ Finshi ndebebela mumilumbe, amenso balikwata, nomba tabamona, na matwi balikwata, nomba tabomfwa, nangu ukumfwikisha. ¹⁴ Kuli bena ubusesemo bwa kwa Esaya buli mukufikilisha, ubwalanda, ''Nangula mukomfwe, nomba tamwa kafyumfwikishe, ukumona muka mona, tamwa kafishibe. ¹⁵ Muli aba bantu imitima shalitalama, na kukosa ukumfwa, na menso yabo yalisalwa, nangu kumfwa kumatwi yabo, no kwiluka ku mitima yabo, balino kubwelako na peka, no kuba posha nkaba posha.' ¹⁶ Balishuka abo amenso yabo yalemona na matwi yabo yaleumfwa. ¹⁷ Cishinka ndimukulanda kuli mwebo kuti bakasesema nabalungami abengi bakakumbwa ku mona fintu mumona nomba tabaka fimone, bakakumbwa ukumfwa ifintu mumfwa nomba tabaka fyumfwe. ¹⁸ Umfweni kuli shibulimi uwa tandile inseke shakwe. ¹⁹ Elo umo aumfwa amashiwi ya mubufumu bwa mu mulu taba keshibe umwakulosha ifi, umulwani aisa no kushisenda isha tandilwe mumitima, ishi enseke isha tandilwe mu musebo. ²⁰ Isha tandilwe munsakalabwe muntu uwaumfwa ishiwi, nomba amafya ya calo yaisa nokufulunganya mufya calo. ²¹ Tacikwete imishila icinefye, nokuma elo ubucushi nokupakaswa kwaima pa mulandu wa cebo, bwangu bwangu nokuwa. ²² Kunseke isha tandilwe mufimuti ifya myunga, muntu uwa kwata icebo, nomba pamulandu walunkumbwa lya calo elo nolunkumbwa lwandalama lwatabilila icebo, nokuba uwabula ifisabo. ²³ Inseke isha tandilwe mu mushili uusuma, muntu uwa kwata icebo elo nokucisunga, alaseka ifisabo elo noku twala ifilyo, nokuseka umwanda, amakumi mutanda, namakumi yasano, ubwingi ukucila pafyo wabyele. ²⁴ Yesu alandile naumbi umulumbe kuli bena, ubufumu bwa mu mulu bwaba ngo muntu uwa tandile inseke mwibala, ishisuma. ²⁵ Nomba elo abantu mukulala, nomulwani aisa nokutanda inseke mumo mwine elo afumamo. ²⁶ Elo imisenga ya tulile, nokutwala ifisabo, elo kwamoneke namakumba. ²⁷ ''Naba bomfi bamusungile baile mwibala, nokwipusha, mwe musungu bushe tamwa tandile inseke shisuma, ngamwa mena shani makumba?' ²⁸ Atandile kuli bena umulwani ewa pangile ifi, ''umubomfi alandile kuli ena, mule fwaya tuye elo nokuya sepela pamo fyonse?' ²⁹ Elo abebele ukuti awe; epali mwaseba nengano pamo. ³⁰ Lekeni kalolo nengano fyonse fikulile pamo ukufika napakusepa, elo nkeba aba kusepa ukubalilapo makumba noku tulika pamo elo noku fyoca, elo ingano bakalonganye nokutwala mubutala bwandi. ³¹ Yesu aba shimikile naumbi umulumbe, ''ubufumu bwa mu mulu bwa palana noluseka lwa lubango ulo shibulimi abulile nokutanda mwibala, elo elwacepeshe pa mbuto shonse. ³² Elo ulo lwakulile lwaba ulukulu. Pafimunti fyonse , lwaba ulukulu, elo nefyoni mulwelele fyala ikalako mu misambo yauko. ³³ Umulumbe umbi apele kuli bena wakutila, ''ubufumu bwa mu mulu bwa pala ici tutumuko, ico umwanakashi umo abulile nokufisa mumilingo iya bunga itatu, bwasuka bwafimba bonse. ³⁴ Fintu fyonse alelanda mumilumbe ku cintu bwingi; talandile ku bantu apabulo umulumbe. ³⁵ Pakuti cifikilishe ica sosele kasesema, ukuti, ndeiswila akanwa kandi kumilumbe. Ndimu kushimika ifyafisama ukutula pakulengwa kwa pano calo. ³⁶ Elo ashile icintu bwingi, aingile mu ng'anda. Nabasambi bakwe balipalamine uko ali, tupili bwileni umulumbe wa makumba mwibala. ³⁷ Nao pakwitaba atile kuli bena, utande imbuto shisuma, mwana wa muntu. ³⁸ Ibala calo; nembuto shisuma, nibalya abana ba mubufumu. Kalolo bana aba mulu bembu. ³⁹ Nomulwani uwaletanda nisatana. Ubusomboshi nimpela ya myaka, nababomfi niba malaika. ⁴⁰ Makumba batulike nokocewa kumulilo, efyo cikaba ku kulekelesha kwanshita. ⁴¹ Umwana wa muntu ali nokutumikisha aba ngeli nokukolonganika ukubafumya mubufumu bwa kwe bonse aba punwisha, naba lufyanya, nokuba posa mwilungu lya mulilo. ⁴² Kulya kukaba ukulila nokushenka ameno. ⁴³ Elo abalungama bakalabengeshima ngakasuba mubufumu bwakwa shikulu, uuli na matwi naomfwe. ⁴⁴ Ubufumu bwa mu mulu bwaba ngefyuma ifya fiswa mwibala umuntu elo asangile alifishile. Kabili mukusasamuka aya posa conse ico ali nakwata, nokushite bala lilya. ⁴⁵ Napeka, ubufumu bwa mu mulu bwapala umuntu wa makwebo uwalefwaya ba mashini abasuma. ⁴⁶ Kabili pakusanga mashini umo uwakosa umutengo, aileshitisha fyonse ifyo akwete nokushitisha elo aya shitamo. ⁴⁷ Kabili, ubufumu bwa mu mulu bwa pala ubukonde ubwa teyua mu cimana, nokwikata isabi lya pusana pusana. ⁴⁸ Panuma nalisula, abalondo pakukulila mu cisebele. Elo baikele palya nokukolonganika ilisuma mu mbeketi, ilyabipa nokuliposa. ⁴⁹ Cikaba ififine ku mpela yakashita. Abangeli bakesa nokulekanya ababipa mu bulungami. ⁵⁰ Bali nokuposwa mu mulilo uwabipa, umo bali nokushenka ameno nokulila ifilamba. ⁵¹ ''Namumfwa ifintu fyonse ifi?'' Abasambi balilandile kuli ena, ''emukwai.'' ⁵² Napeka Yesu alandile kuli bena, ''kalemba onse uwasanguka umusambi mu bufumu bwa mu mulu alingo muntu uwalingo mwine wa ng'anda, uwaposele ifyakale nokuleta ifintu ifipya.'' ⁵³ Kulifi fyonse Yesu apwishishe uyu mulumbe, alifumine palya pacifulo. ⁵⁴ Peka Yesu aingile ku mwabo nokusambilisha mu mashinagogi. Ifyatumbwikemo bali musulile nokulanda, ''nikwisa uyu muntu afumishe amano elo nefipesha mano fya maka? ⁵⁵ Niuyu mwana kapenta wambao? Teuyu mwana banyina betwa Maria? Temunina wakwa Yakobo, Yosefe, na Yuda? ⁵⁶ Teuyu bankashi bakwe twaba nabo? Nipisa afumishe ifi fyonse?'' ⁵⁷ Bali mulufyenye ena. Lelo Yesu alandile kuli bena, ''kasesema teti acindikwe ukwabula icalo cakwe nolupwa lwakwe.'' ⁵⁸ Teti acite ifipapwa kulya pantu taba mutetekele.