¹ Pali ilya nshita Yesu alile mubushiku bwe sabata ukupita mwibala lyangano. Naba sambi bakwe bali nensala bayambale nokusaba imitwe yangano nokwamba ukulya. ² Nomba elo abafaliseyo bamwene ifi, balandile kuli Yesu, ''Moneni, abasambi bobe balecita ifyo ifunde lyakanya ukucita mubushiku bwe sabata.'' ³ Nomba Yesu alandile kuli bena, ''Tamwabelenga ifyo Davidi acitile elo alinensala, nabantu alinabo. ⁴ Aile mung'anda yakwa Lesa nokulya umukate mwibumba, icali cakutoba ifunde ena ukulya nokutoba ifunde nabo bonse abali nao, nomba ifunde lyaba kuli bashimapepo. ⁵ Tamwabelenga mwifunde mushiku shesabata ba shimapepo mucilonganino ba onaula isabata nomba ukwabula umulandu? ⁶ Nomba ndimukulanda kuli imwe ifi cimo icicilile icilonganino cili pano. ⁷ Ngamwaishiba ifyo cilepilibula, nakabila uluse lelo temalambo, teti asushe ushili namulandu. ⁸ Umwana wamuntu ni Lesa we sabata.'' ⁹ Elo Yesu afumine kulya aile mu Sinagogo. ¹⁰ Kunuma kwali umwaume uwakwete icisansa cauma. Aba faliseyo baipwishe Yesu, nokulanda calisuminishiwa ukundapa mubushiku bwe sabata? Pakuti bamupele umulandu wakube mbuka. ¹¹ Yesu alandile kuli bena, bushe umwana uwaciba palya aciba namwebo, ninani uwakwata impanga imo, nempanga yakwe yaponena mucikulo mubushiku bwe Sabata, tekuti aimye nokuifumya kunse? ¹² Kuti cakwata shani incito nebo, umwaume nacila impanga! Palifi cili ukucita icisuma pabushiku bwe Sabata.'' ¹³ Elo Yesu alandile kumwaume fumya ukuboko kobe. ''Alifumishe kunse nobumi bwalishile, ukuba kwati nikukuboko kumbi. ¹⁴ Nomba abafaliseyo baya mukumwesha ena. Balafwayailisha ifyo benga mwipaya. ¹⁵ Elo Yesu aishibefi, alifumine kulya . Nabantu abengi bali mukonkele ena. Nokubaposha bena bonse. ¹⁶ Ali bakonkomeshe bena ukukana mubika ena ukwishibikwa kuli bambi, ¹⁷ Pakuti fifikilishe, pafyo alandile ukupitila muli Esaya kasesema, alandile, ¹⁸ Mona, wemubofi wandi weonasala; we munandi umo, umo mutima wandi ucankilwa nkabika umupashi pali iwe, kabili nkabika umupashi wamushilo pali ena, nokubika ubupingushi ubwaololoka. ¹⁹ Takapange fitala nangula ukumpuda; takuli nangu umo ukomfwa ishiwi lyakwe mushila. ²⁰ Takamontole itete lya mumana kabili takashimye icikoko camulilo, mpaka cikafike mubupingushi bwakucimfya. ²¹ Nabena fyalo bakakwata isubilo mwishina lyakwe.'' ²² Elo umo mpofu na cibulu, uwali nengulu, balimuletele kuli Yesu. Ali muposeshe ena, nefya fuminemo muli uyu mwaume ushalelanda alilandile nokumona. ²³ Icintu bwingi conse calipapwike nokulanda, ''Ukuti uyu mwaume kuti aba mwana wakwa Davidi?'' ²⁴ Nomba abafaliseyo elo baumfwile ififipapwa, balandile, ''Uyu mwaume tatamfya ingulu kanofye kumaka yakwa Belzebu, umwana wangulu.'' ²⁵ Nomba Yesu alishibe ukutontonkanya kwabo nokulanda kuli bena, ''Ubufumu ubuli bonse bukapatulwa ukulingana nobwine ukupanga ukuitalusha, nemisumba yonse nangula amayanda yakapatululwa ukulinga nayene taya keminine. ²⁶ Ngacakuti ciwa aletamfya ciwa, ninshi aleipatula umwine. Kuti uyu musumba waiminina? ²⁷ Nangula ntamfye ingulu mumaka wakwa Belzebu, nga bana benu batamfye bena mumaka yabanani? Pali iinshita bakaba abapingushi. ²⁸ Nomba ngakuti ntamfwa ingulu mu mupashi wakwa Lesa, Lelo ubufumu bwakwa Lesa bwaisa pali imwe. ²⁹ Kuti uli onse angila mung'anda yamuntu wakosa nokubafye mulya mwine ukwabula ukumwesha umwaume wakosa umuku wakubalilapo? ³⁰ Lelo abalelefye mulya mwine mung'anda. Lelo umo ushili naine ninshi mulwani wandi, naumo ushikolonganika naine alapasa. ³¹ Lelo ndimukulanda kuli imwe imembu nokususha akelelwa nomba ukususha kwaku mupashi wamushilo, takelelwe. Uyo ulanda amashiwi ayali yonse ayashilingile pa mwana wamuntu uyo akalelwa. ³² Nomba uyo ulanda ukumpinkana namupashi wamushilo uyo takelelwe ena , nangula muli cino calo nangu icileisa. ³³ Panga icintu icisuma nefisabo ifisuma, nangula ukupanga icimuti icibi nefisabo ifibi, icimuti cikeshilwa kucisabo caciko. ³⁴ Mwebana baba bula amano, pantu muli babi, kuti mwalanda shani ifisuma? Pantu kubwingi bwafya mumutima ifyo akanwa kalanda. ³⁵ Umwaume umusuma asunga ne fisuma mutima kabili afumya ifisuma, nomwaume umubi asunga ne fibi mumutima umutima wakwe ufumya ne fibi. ³⁶ Ndimuku landa kuli imwe mubushiku bwabupingushi abantu bakapelwa icilambu pamashiwi balanda ayakukana ishiba. ³⁷ Pantu kuma shiwi yebo ukabelelwa, kabili kuma shiwi yobe ukasekwa.'' ³⁸ Elo bakalemba bamo naba faliseyo bali mwaswike Yesu nokulanda, kafundisha, kutwakabila ukumona ifipapwa ukufuma kuli imwe. ³⁹ Nomba Yesu alibaswike ukulanda kuli bena, mwebabi ne nkulo yatumpa mufwaya ifipapwa. Nomba takuli icipapwa icikapelwa kanofwe icakwa Yona kasesema; ⁴⁰ Na Yona alimumala ya cisabi icikulu ishiku shitatu ngefyo umwana wamuntu akaba mushiku shitatu ne shiku shitatu ubushiku mumutima wa calo. ⁴¹ Umwaume wakuninive akeminina mubipingushi muli inonkulo yabantu nokubaseka. Lelo nga balapila pakushimikila kwakwa Yona nokumona, umo umukulu ukucila Yona ulipano. ⁴² Namfumu wakukanda kakulyo akemina kubupingushi nabaume bamuli inonkulo yabantu nokubaseka bena. Bakesa kumpela yacalo ukumfwa amano yacifyalilwa aya kwasolomoni, nokumona, umo umukulu ukucila salomoni alipano. ⁴³ Umupashi wakowela elo akafuma mumwaume akafwaya ukupita muncende yamunshila yalamba nokumfwa ukutasha, nomba tayakamoneke. ⁴⁴ Elo calanda, nalabwelela kung'anda uko nafumine. Ukubwela, cikasangwa ing'anda naipyangwa nokubika ifintu bwino. ⁴⁵ Elo waya wabula nemipashi imbi cine lubali iyabipa ukucila pali ena kabili yaingila nemikali yakupatikisha iya muntu. ⁴⁶ Elo alelanda kucintu bwingi, lolesheni banoko nabamunoko beminine pamwinshi panse balefwaya ukulanda nobe. ⁴⁷ Umo alandile kuli bena, lolesha ba noko naba ndume beminine panse ukufwaya balande nobe.'' ⁴⁸ Nomba Yesu alyaswike nokulanda ninani wabeba, ninani mayo na muninane wandi?'' ⁴⁹ Elo atambike ukuboko kuba sambi bakwe nokulanda, ''Moneni, aba ebamayo naba muninane! ⁵⁰ Kuli uyo onse ucita ififwaya Tata wa mu mulu, uyo muntu ninshi nimuninane, ninkashi, kabili ni mayo.