¹ Nipa mulandu wa nebo paulo, ndimufungwa wakwa krisitu Yesu kuli mwebenafyalo. ² Nga cine cine kwa kushuka kwakwa lesa uko napelwe ukwakuli mwebo. ³ Umo nalengelwe ukwishiba icankama ukusokololwa kuli nebo. Ici ecishinka ecafiswa ico nalembele kuli mwebo panono. ⁴ Nga mwabelenga mulifi, ngamwailuka ukupashanya kwandi mucankama cakwa krisitu. ⁵ Ici cishinka tacaishibikwe kunkulo shimbi kubana ababaume ababantu. Icishasokolwelwe kubana ba bantu mushita shimbi ifyo casokolwelwe nomba mumupashi kubatumikishi naba kasesema. ⁶ Icishinka icafiswa cakuti abena fyalo nimpyani shinensu, kabili abamumubii umo nafwebo, kabili bakakana bacilayo muli Klisitu ukupitila mumbila. ⁷ Ifyonabela umubonfi kucabupe camapalo aya kwaLesa icapelwa kuli nebo umwabela ukubomba kwamaka yakwe. ⁸ Kuli nebo-nangu naba umunono kubacepesha pali bonse abashila-kwapelwa icikuku ici, kukubila kubena fyalo imbila nsuma yabucindami ubushinga kumiwako ubwakwa klisitu, ⁹ nokulenga kumoneke kubantu bonse ukulundolola-kwaca nkama icafishilwe kuli Lesa, kabumba wa fyonse. ¹⁰ Uku kwanshinka kwalengele ukwishibikwa ukupitila mucilonganino pakuti kusokololwe kuli bakateka nabalashi ba mumyulu amano ayashisaangwa sangwa ayakwa Lesa. ¹¹ Ici cacitilwe umwabela ukupanga kwa nshita shakutwalilila uko acitile muli Klisitu Yesu Shikulwifwe. ¹³ Pantu muli Yesu twakwata ukupama nokufiko mukushipa pamulandu wacicetekelo mulu ena. ¹² Eico ndimukumikoselesha mwinaka pamulandu ndeculila mwebo, eci ebucindami bwenu. ¹⁴ Kuli ci cintu ndafukama kuli Tata, ¹⁵ kuli cilalupwa mumulu napacalo kwainikwa. ¹⁶ Ndimukupepe pakwafwilwa kwenu, ukulingana nobunonshi bwabucindami mukukoseleshiwa namaka ya kupitila muli mupashi wa mushilo, ulimukati kenu. ¹⁷ Ndimukupepa ukuti Klisitu ekale mumitima ukupitila mucitetekele, ukuti mulimbwe noku shipa muli kutemwa pamulandu, ¹⁸ pakuti mube bwino mukumfwikisha, pamopene nabantu bamupashi, kabili abakulwa mukutemwa, mukose kukulingululwa bonse, ¹⁹ inshibeni ukutemwa kwa Klistu, ukwacila ubwishibilo bonse, pakuti mwingesula nomwisula onse uwa bulesa. ²⁰ Nomba kuli uyo uwingacita ifintu pamaka ifyo twipusha nokucita, ukulingana namaka yakwe ayabomba muli fwebo, ²¹ kuli uyo kupelwe ululumbi mucilonganino na kuli Yesu Klistu kunkulo shose penape.Cibe fyofine.