¹ Namwebo bene, mwali abafwa mumampulu ne membu shenu. ² Umo mwali mukwenda panshila yapita ukulingana no bwikalo bwa cino calo mwali mukwikala mu nshila yakwa kateka namaka ya waba mulwelele, umupashi uulebomba mubana aba bucintomfwa. ³ Pakubala bonse na fwebo twali mukwikala pamo naba bantu ukufikilisha ulunkumbwa lubi ulwa mibili yesu no kacita ukufwaya kwa lunkumbwa lwa mubili na mano. ⁴ Nomba Lesa aliba uwacindama ku lunse lwakwe, ku mulandu wa bukulu bwa citemwiko ico atutemenweko. ⁵ Elo twali abafwa muku bifya ali tupangile aba mweo pamo na Kristu- niku kusenamina mwapusukile. ⁶ Lesa atubushishe pamo na Kristu, na Lesa atulengele ukwikala pamo na Kristu mu myulu muli Kristu Yesu. ⁷ Pakutila munkulo ilimukwisa alange kulifwebo ubukankala bushili bwakupima ubwa ku senamina kwakwe uko alanga mu luse lwakwe kuli fwebo muli Kristu Yesu. ⁸ Pantu niku kusemina mwa pusukile ukupitila mu cisumino elo ici tacafumine kuli mwebo, ca bupe ica kwa Lesa. ⁹ Tekufuma ku milimo, pakuti takuli uwinga itakisha. ¹⁰ Pantu tuli fibumbwa fya kwa Lesa twapangilwe muli Kristu pakuti tubombe incito ishisuma isho Lesa atupekanishishe akale ukuti tukendemo. ¹¹ Eico ibukisheni ati namwebo bene kale mwali abena fyalo mu mubili. Bala mita ''abasha sembululwa'' mumubili ukwa pangwa neminwe ya bantu. ¹² Pantu pali ilya nshita mwali aba patukako kuli Kristu, bamwisa ku bwikala calo bwa mu Israeli, abeni kufipangano fya bulayo ukwabula isubilo kabili ukwabula Lesa mucalo. ¹³ Nomba muli Kristu mwebali ukutali na Lesa balimileta mupepi ku mulopa wakwa Kristu. ¹⁴ Pantu emutende wesu. Apangile umo muli babili ku mubili wakwe aonawile icibumba cabukakashi ica tulekenye. ¹⁵ Ekweba ati, aonawile amalango ya mafunde ne fipope pakweba ati engapanga umuntu umo umupya muli ena, epakupanga umutende. ¹⁶ Kristu awikishenye abantu babili mu mubili wakwe kuli Lesa ukupitila mu capindama, ukwipaya ubukakashi. ¹⁷ Yesu aishile muku bila imbila nsuma ya mutende no mutende kuli mwebo mwe bali ukutali no mutende kuli abo abali apepi. ¹⁸ Pantu muli Yesu emo fwebo bonse twakwatila inshila mumupashi umo kuli ba Tata. ¹⁹ Elo kanshi nomba mwe benafyalo tamuli kabili abeni na bamwisa, Lesa muli bekala calo banabo nabantu bakwe Lesa abamushilo elo aba mwibumba lya bana abakwa Lesa. ²⁰ Mwakulwa pamufula wa batumikishi naba kasesema, na Kristu Yesu umwine elibwe lye tungi. ²¹ Muli ena emo ing'anda yonse ya suntinkana pamo no kukula mukuba itempele lya mushilo shikulu. ²² Nimuli ena emo namwebo bene mule kulwa pamo ukuba incende ya kwikalamo Lesa mu mupashi.