¹ Twalalanda shani? Tutwalilile mu lubembu pakuti ukusenamina kufule? ² Awe nakalya, Ifwe fwebafwile kulubembu, kuti twatwalilila ukwikalamo shani? ³ Tamwaishiba ukuti, ababatishiwe muli Kristu ba batishiwe mu mfwa yakwe? ⁴ Twashikilwe, lilya, na ena mu lubatishi mu mfwa ici cacitike pakuti ngefyo Kristu abushiwe ku bafwa kubukata bwa kwa Tata, efyo naifwe twende mu buppya bwa mweo. ⁵ Pantu ngatwaba ba umo na ena mucipasho ca mfwa yakwe, tukaba bu umo nankwe mukubuka kwakwe. ⁶ Twaishiba ici, ukutila umuntu wesu uwakale atanikwe nankwe pakuti umubili uwa lubembu ungo naulwa, ifi fyacitike pakuti twiba abasha ba lubembu. ⁷ Uyo uwafwa nolumbulwa umulungami palwa lubembu. ⁸ Lelo ngatwalifwa na Kristu, twalicetekela ukuti tukekala capamo nankwe. ⁹ Twalishiba ukuti apo Kristu alibushiwe ku bafwa, teti afwe nakabili; imfwa tayakwata buteko pali wene. ¹⁰ Nomba pa mulandu wa mfwa iyo afwile kulibembu afwile limo fye, Nalyo line, umweo aikalakuli Lesa. ¹¹ Munshila imo ine, naimwe muilinge abafwa ku lubembu, lelo aba mweo kuli Lesa mulu Kristu Yesu. ¹² Eico mwileka ulubembu luteke mu mibili yenu iyamfwa kukumfwila ifyalunkumbwa fya iko. Mwi pela ifilundwa fyenu ku lubembu, ukuba ifibombelo kuisalungama. ¹³ Lelo ipeleni mwebene beka kuli Lesa ngabo abafuma ku mfwa ukuya ku mweo, no kupela ifilundwa fyenu kuli Lesa nge fibombelo fya bulungami. ¹⁴ Mwileka ulubembu ukumuteka. Pantu tamuli abo aba sunga amafunde, lelo abea Kusenamina. ¹⁵ Bushe ninshi? Tufwile ukubembuka pantu tatwaba mumafunde, lelo abena kusenamina? Nakalya. ¹⁶ Tamwaishiba ukuti nga mwaipela mwebene ngabasha, muli basha kuli uyo muleumfwila? Kuti mwaba abasha ku lubembu, ulo ulutwala ku mfwa, nangu abasha kucumfwila, icitwalaku bulungami. ¹⁷ Lelo ukutotela kube kuli Lesa! Pantu mwali abasha aba lubembu, nomab mwalikwata icumfwila ukufuma mumutima pa musango wa masambililo ayo mwapelwe. ¹⁸ Mwalikakulwa ukufuma ku lubembu, no kulengwa abasha ba bulungami. ¹⁹ Ndesosa ngo mwaume pa mulandu wa bunake bwa mibili yenu. Pantu ngefyo mapele ifilundwa fyenu nga abasha kukukowela nakuli nu mpulamafunde, umwa fumine bu mpulamafunde ukucilapo, munshila imo ine, nomba peleni ifilundwa fyenu nga basha kubu lungami ku kusangululwa. ²⁰ Pantu ilyo mwali abasha ba lubembu, mwali abakakululwa ukufuma ku bulungami. ²¹ Panshita ilya, cisabo nshi ico mwakwete pa nfintu ifyo lelo muleumfwa insoni? Pantu ifi fuma muli ifi ni mfwa. ²² Nomba apo mwali kakululwa ukufuma ku lubembu no kuba abasha kuli Lesa, namukwata icisabo ca kusangululwa. Nefifuma mo mweo wa muyaya. ²³ Pantu icilambu ca lubembu ni mfwa, lelo icabupe cakwa Lesa mweo wamuyayaya muli Kristu Yesu Shikulu wesu.