¹ Nangu tamwaishiba, bumunyinane (pantu delanda ku bantu abaishibapa lwe funde), ukutila ifunde lilateka pa muntu pa nshitafya ili yonse iyo ali no mweo? ² Pantu namayo uwaupwa alikakwa ne funde ku mulume wakwe ilyo acili uwamweo, lelo umulume nga afwa, ninshi akakulwa kwi funde lya cupo. ³ Eico kanshi ilyo umulume wakwe acili uwamweo, ngacakuti aikala no mwaume umbi, bakamwita ati mucende. Lelo umulume wakwe nga afwa, ninshi akakulwa ukufuma kwi funde, kabili ninshi te mucende nga aikala no mwaume umbi. ⁴ Eico, ba munyinane, naimwe mwalilengwa ukufwa kwi funde ukupitila mu mubili wakwa Klistu. Cili ifi pakuti mwinga ilunda kuli umbi, ekutila, kuli uyo uwabukile kubafwa pakutila twinga twala ifisabo fyakwa Lesa. ⁵ Pantu ilyo twali mubili imbela yalubembu, iyamishiwe ne funde, yale bomba mufilundwa fya mubili pa kutwala ifisabo fya mfwa. ⁶ Lelo nomba twalikakulwa ukufuma kwi funde, Twalifwa kuli lico ica twakakilweko. Cili ifi pakutila limbi twinga pyungila mu bupya bwa mupashi, tembela yakale. ⁷ Nomba kuti twatila shani? Bushe ifunde iline lubembu? Lekeni cibe ifyo. Nomba nganshaishibe ulubembu ngatacali nca kupitila mwi funde. Pantu nganshaishibe ulukumbwa kano ifunde iyafila, ''Wilakumbwa.'' ⁸ Lelo ulubembu lwa lisanga inshila ukupitila mu cebo nokuleta fyonse ifya lunkumbwa muli ine. Pantu ukwabula ifunde, ulubembu lwelifwa. ⁹ Panshita imo nali uwa mweo ukwabula ifunde, lelo ilyo amashiwi yaishile ulubembe lwali isa kwata umweo nakabili, elyo nafwile. ¹⁰ Icebo icali nokuleka umweo calishileba nimfwa yandi. ¹¹ Lelo ulubembu pakumona inshila ukupitila mumalango lwali ndufya. ¹² Eico ifunde lya mushilo ne cebo ca munshilo, icalungama kabili cisuma. ¹³ BUshe ico icali icisuma cali isaba imfwa kuli ine? Lekeni cingaba ifyo. Lelo ulubembu, pakuti lwingalangwa ati lubembu, lwalengele imfwa muli ine ukupitila mucali icisuma, elyo ukupitila mu cebo ulubembu lube ulubembu sana ukucila mucipimo. ¹⁴ Pantu twalishiba ulati ifunde lyaku mupashi lelo ine ndi waku mubili, Bali nshitisha ukupitila mubusha kulubembu. ¹⁵ Pantu ifyo ncita nshifishiba. Pantu ifintu mfwaya ukucita nshificita, elyo ifyo napata, efyo ncita. ¹⁶ Lelo nganacita ifyo nshilafwaya, ninshi nasuminishanya ne funde ukutila ifunde lisuma. ¹⁷ Lelo nomba te ine ne ucita ici, lelo lubembu ulwaba muli ine. ¹⁸ Pantu nalishiba ati muli ine ekutila mu mubili wandi tamwikala icintu icisuma,pantu ukufwaisha kwa cinsuma kwaba muli ine lelo teti ncicite. ¹⁹ Pantu ico ncisuma ico mfwaya nshi ci cinta, lelo ico icibi ico nshifwaya, eco ncita. ²⁰ Nomba nganacita ifyo nshilefwaya nkucita te ine ndetwalilila ifyo ndecita, lelo lubembu ulwaba muli ine. ²¹ Eico, nasanga ilifunde; ilyo ndefwaya ukucite icisuma, ububi buli naine. ²² Pantu ndasansamukila mwi funde lya kwa Lesa pamo nakampingu wandi. ²³ Lelo mbana ifunde ilyapusana mu mubili wandi lilwishanya ne funde lipya ilyaba mu mano yandi lilasenda mu busha ukupitila mwifunde lya lubembu ilya mudilundwa fya mubili wandi. ²⁴ Ndi muntu uwa bulanda! Nani akampususha ukuma kuli uyu umubili wamfwa? ²⁵ Lelo ku titela kube kuli Lesa ukupitila muli Yesu Klistu imfumu Yesu! Eico ine mpyungila ifunde lya kwa Lesa na mano yandi, Nangu cingaba ifyo, no mubili mpyungila ifunde lya lubembu.