¹ Apo twalilungamikwa mucicetekelo, natukwata umutende muli shikulu wesu Yesu Kristu. ² Ukupitila muli wene nalyo line twalikwata ukusuminishiwa mu cicetekelo mukusenaminwa umo twa iminina, kabili tulaitakisha mwi subilo lya bukata bwakwa Lesa. ³ Temulifi fyeka, lelo tulaitakisha namufyaku cushiwa fyesu, Twalishiba ukuti ifyaku cushiwa fyesu fileta ukushipikisha. ⁴ Ukushipikisha kuleta imibele, ne mibele ileta isubilo, ⁵ ne subilo talitulenga nsoni pantu ukutemwa kwa kwa lesa kwapongolwelwa mu mitima ukupitila muli mupashi wa mushlo, uwa pelwa kuli ifwe. ⁶ Pantu ilyo twali tucili tatukwete amaka, Pa nshita iya linga Kristu afwilile abashili bakapepa. ⁷ Pantu cayafya umuntu ukufwila uwa lungama, nangu napamo umo engashipa ukufwila umuntu umusuma. ⁸ Lelo lesa ashinikisha ukutemwa kwakwe kuli ifwe, pantu ilyo twali tucili ababembu , Kristu atufwilile. ⁹ Ukucilapo, nomba apo twalungamikilwa no mulopa wakwe, tukapusukila muli wene ukufuma ku bukali bwakwa Lesa. ¹⁰ Pantu nga, ilyo twali abalwani, twawikishiwe kuli Lesa ukupitila mu mfwa ya mwana wakwe, ukucila panuma yakuwikishiwa, tukapusukila mu mweo wakwe. ¹¹ Teici ceka, lelo tulasekelela muli Lesa ukupitila muli shikulu Yesu Kristu, uyo muli ena ifwe nomba twalipokelela uku ukuwikishanya. ¹² Eico nomba, ngefyo ulubembu lwa muntu umo lwaingile mwi sonde, muli iyi inshila emo imfwa yaingilile ukupitila mu lubembu. Ne mfwa yasabankanishiwe ku bantu bonse, pantu bonse bali bembwike. ¹³ Mpaka inshita ya mafunde, ulubembu lwali mwi sonde, lelo talulingwa ulubembu ukusha amafunde. ¹⁴ Nangu cingabefyo, imfwa yatekele ukufuma pali Adamu mpaka pali Mose, napa lyabo bonse abashabembwike nga bucintomfwa bwakwa Adamu, uwali icipasho cawali nokwisa. ¹⁵ Lelo icabupe tacaba ngo kupulama. Pantu nga mukupulama kwa muntu umo abengi balifwile, ngo kucilapo ukubomba kwa kusenamina kwa kwa Lesa ne cabupe u kusenamina ukwa muntu umo, Yesu Kristu, fyafulila ko ukucilamo! ¹⁶ Pantu icabupe tacili ngefya fumine mulubembu lwa muntu umo. Ubupingushi bwa konkele ukupulama kumo no kuleta ukusekwa, lelo icabupe cakonkele amampulu ayengi nokuleta ukulungamikwa. ¹⁷ Pantu nga ukupulama kwa muntu umo, imfwa yatekele ukuptila muli umo, ngo kucilapo kuli abo abapokelela ubwingi bwaku senamina ne cabupe ca bulungami bateka mu mweo muli uyo, Yesu Kristu. ¹⁸ Eico nomba, ngefyo ukupulama kwa muntu umo kwaletele ukusekwa ku bantu bonse, efy ukupitila mu muntu umo no mulimo wa bulungami waletele ukulungamikwa no mweo ku bantu bonse. ¹⁹ Pantu ngefyo ukupitila muli bu cintomfwa bwa muntu umo abengi balengelwe ababembu, efyo na mucumfwila ca muntu umo abengi bakalengwa abalungami. ²⁰ Lelo amafunde yaishile mukulundapo ukupulama, lelo uko ulubembu lwafulile, eko ukusenamina kwa fulishe. ²¹ Ifi fyacitike pakutila, ngefyo ulubembu lwatekele mu mfwa, efyo nokusenamina kuteke mu bulungami ku mweo wamuyayaya muli Yesu Kristu Shikulu wesu.