¹ Finshi nomba ify twala sosa ukuti Abraham, icikolwe cesu ukulingana no mubili, asangile? ² Pantu nga Abulahamu alungamikilwe ne milimo, nga akwete umulandu waku itashishapo, lelo cinso cakwa Lesa? ³ Bushe amalembo yatila shani? "Abulahamu acetekele Lesa, ne ci calingilwe kuli wene ubulungami." ⁴ Nomba ubomba, amalipilo yakwe tayalingilwa kuli wene ukuti cabupe, lelo nge misha. ⁵ Lelo ku uushibomba nga alicetekela muli uyo ulungamika abashipepa, ici cetekelo cakwe calengwa ubulungami. ⁶ Dabidi nao alumbule palo pa muntu uo Lesa alengo ukuba umulungami ukwabula imilimo. ⁷ Asosa ati, "Balipalwa aba bonse abalekelelwa imicitile yabo iya bubifi, ne membu shabo ukufimbwapo. ⁸ Alipalwa umuntu uyo shikulu takamulingile imembu." ⁹ Bushe ilipalo lilelumbwilwa pali abo abasembululwa beka, nangu nakuli abo abasha sembululwa? Pantu twatila, "icicetekelo camulengele Abulahamu umulungami." ¹⁰ Nomba calingilwe shani kuli ena? Bushe cali ilyo asembulwilwe nangu ilyo talasembululwa? Tacali ilyo asembulwilwe, lelo ilyo talati! ¹¹ Abulahamu apokelele icilangililo ca kusembululwa nge co kakatiko ca bulungami ico akwete ku cicetekelo ilyo ali tala sembululwa. Ne calengele kutila amulenge ena ukuba shibo wa bonse abacetekela lelo taba sembululwa, ukutila abalungama ba konke umomwine. ¹² Ena kabili eshibo waba sembululwa abo abasha sembululwafye lelo abenda muntampulo sha cicetekelo isho shifwe Abulahamu akwete ilyo talasembululwa. ¹³ Pantu icilayo kuli abulahamu nababufyashi bwakwe ukuti akaba impyani ye sonde tacaishile ukupitila mu mafunde lelo ukupitila mu bulungami bwacicetekelo. ¹⁴ Pantu nga cakuti abo abekala ukulingana na mafunde baba impyani, ninshi icicetekelo cafye, kabili no bulayo bwaonaika. ¹⁵ Pantu amafunde yaleta ubukali, lelo apashili ifunde, tapaba ukupulama. ¹⁶ Pamulandu wa ici niku cicetekelo, pakuti icalaiwe cikale pakusenamina nokuba icikakatiko kuli bonse aba bufyashi bwakwa Abulahamu-te abo beka abalama amafunde, Lelo na bonse abakumako ku cicetekelo cakwa Abulahamu. Nishifwe wesu bonse, ¹⁷ Ngefyo calembwa, "ninkusonta ukuba wishi wanko ishingi." Abulahamu ali pa cinso cakwa uyo acetekelamo, uyo, ni Lesa, upela umweo ku bafwa no kwita ifintu ifishabapo ukuti fibepo. ¹⁸ Mwisubilo alicetekele ukupinkaan nesubilo, ukuti akaba wishi wa nko ishingi, ukulingana nefyo aebelwe, "efyo ubufyashi bobe bukaba." ¹⁹ Ukwabula ukunaka mu cicetekelo, atontokenye pa mubili wakwe ngo wafwa (pantu aline myaka umwanda umo), no buumba bwe fumo lyakwa Sara. ²⁰ Nomba pa mulandu wa bulayo bwakwa Lesa, Abulahamu tanenwike mukukana cetekela, lelo ali uwa kosa mucicetekelo no kupela ubukata kuli Lesa. ²¹ Ali nshininkishe umupwilamo ukutila ifyo Lesa alaya ali nokufikilisha. ²² Eico ici naco cine "ca mulingilwe umulungami." ²³ Lelo amashiwi, "camulingilwe kuli ena" tacalembelwe kuli eka. ²⁴ Yalembelwe nakuli ifwe, kabili cikalingilwa kuli ifwe fweba cetekela muli wene uwabusishe Yesu shikulu wesu ukufuma ku bafwa. ²⁵ Uyu e uyo uwaposelwe pa mulandu wa ma mpulu yesu kubushiwa ukuti tulungamikwe.