¹ Eico mube abapashanya Lesa, nga bana abatemwikwa. ² No kwenda mu butemwe, ngefyo Kristu atemenwe ifwe no kuipela umwine eka kuli ifwe, nge cabupe ica cena cisuma kabili ilambo kuli Lesa ³ Eico takufwile kealumbulwa pakati kenu ubulalelale nangu icili conse ica kowela nangu ubulili, pantu ififintu tafyalinga ku bantu bakwa lesa aba mushilo. ⁴ Lekeni peba ubusali, ilyashi ilyabutumpe, nelya buwelewele-ifi fyonse tafyalinga. Kano ukutotela Lesa. ⁵ Pantu mwalishiba nokushininkisha ukuti aba bulalelale, ukukowela, nangu umuntu wa bulili-emukuti upepa utulubi-tali no bupyani no bufumu bwakwa Kristu na Lesa. ⁶ Mwileka umuntu amubepe na mashiwi yafye, pa mulandu waifi ubukali bwa kwa Lesa bukesa pa bana babu cintomfwa. ⁷ Eico mwi ampana capamo nabo, ⁸ Pantu mwali mu mfifi pa nshita imo, nomba muli lubuto muli shikulu. Endeni nga bana ba lubuto. ⁹ (Pantu ifisabo fya lubuto fyaba busuma bonse, ubulungami, ne cine), ¹⁰ Kabili sambilileni ifisekesha shikulu. ¹¹ Mwi ampana ne milimo ishitwala iya mfifi, lelo isokololeni. ¹² Pantu ca nsoni nangu ukulumbula ifintu ifyo bacita mu nkama. ¹³ Ilyo icili conse casokololwa no lubuto, cilengwa ukumoneka. ¹⁴ Pantu conse icamonekela lubuto. Eico calisoswa, "shibuka, we ulele, no kubuka ku bafwa, na Kristu akabalikila pali imwe." ¹⁵ Eico cenjeleni ifyo muleenda-tekwenda nga batumpa lelo nga ba mano. ¹⁶ Bomfyeni inshita pantu inshiku sha bubifi. ¹⁷ Eico, mwiba abawelewele, lelo abailuka umwabelo ukufwaya kwa kwa Shikulu. ¹⁸ Mwikolwa umwangashi, ulengo ukuiposaika. Lelo isulenimo no mupashi wa mushilo, ¹⁹ ukulanda kuli umo no mubiye mu sha malumbo ne shaku mupashi, ukwimba na malumbo ya mu mutima ne mitima yenu yonse, lyonse ukupela amatotelo pali fyonse, mwishina lyakwa shikulu Yesu Kristu kuli Lesa Tata; ²⁰ Lyonse ukupela amatotelo muli fyonse, mwishina ilya kwa shikulu Yesu Kristu kuli Lesa Tata, ²¹ Mukubela kuli umo no munankwe muku cindika Kristu. ²² Mwebakashi beleni kubalume benu, nga kuli shikulu. ²³ Pantu umulume e mutwe wa mukashi ngefyo Kristu na ena aba umutwe wa cilonganino umwine ka pususha wa mubili. ²⁴ Lelo ngefyo icilonganino cibela Kristu efyo na imwe mwe bakashi kuba lume benu muli fyonse. ²⁵ Mwebalume, temweni abakashi benu, ngefyo Kristu atemenwe icilonganino no ku ipela umwine kuli cena ²⁶ pakuti aci sangulule, noku cisamba na menshi aya cebo, ²⁷ ukuti apele icilonganino ku mwine eka ica bukata, ukwabula ifiko nangu ulukanshi nangu icili conse, lelo ica mushilo ukwabula akalema. ²⁸ Munshial imo ine efyo abalume bafwile ukuytemwa abakashi babo nge mibili yabo. Uyo uwatemwa umukashi wakwe ali itemhwa umwine. ²⁹ Pantu takwata uwapata umubili wakwe, lelo ala usamba noku usunga bwino mukusakamana, ngefyo Kristu asamba nokusakamana icilonganino, ³⁰ pantu tuli filundwa fya mubili wakwe. ³¹ "Nipa mulandu waici umwaume akasha ba wishi naba nyina noku ilunda ku mukashi wakwe, naba babili bakaba umubili umo. ³² Ici icafiswa icine cikalamba-lelo ndesosa pali Kristu ne cilonganino. ³³ Nangu cibe fyo, umo na umo afwile ukutemwa umukashi wakwe ngo mwine, no mukashi apele umucinshi ku mulume wakwe.