¹ Napalici, ine, ngo mufngwa wakwa shikulu, ukwenda icalinga ngo bwite mwaitilweko. ² Ndemikonkomesha ukwikala mu kuicefya ukukalamba na kunakilila kabili nokutekanya ukuba abashipikisha mucitemwiko. ³ Citeni icisuma icacilapo pakusungilila ukwikatana kwa mupashi mu cikato ca mutende. ⁴ Kwabafye umubili umo na umupashi umo, kwati ifintu mwaitilwe mwisuubilo limo ilya bwite bwenu. ⁵ Kabili kwaba shikulu umo, icitetekelo cimo, ulubatisho lumo, ⁶ Kabili Lesa umo na tata wa bonse, uwaba muli fyonse ukupitila muli fyonse kabili muli fyonse. ⁷ Kuli cila umo pali ba ifwe alipelwa ukusenaminwa ukulingana ne cipimo ca bupe bwakwa Kristu. ⁸ Caba ngefyo amalembo yasosa; "Ilyo aninine kumulu, asendelele bunkole muli bunkole no kupela ifya bupe kubantu." ⁹ Capilibula inshi ukuti, "aninine," kano icakuti atentemukile mu fitungu fya panshi ifya pa calo? ¹⁰ Uyo uwaikile muntu umo wine uwaninine nakabili ukucila pa myulu yonse, pakutila engesula mu fintu fyonse. ¹¹ Kristu apele bamo ukuba abatumwa, bamo bakasesema, bamo nga bakasabankanya, bamo nga bashi mapepo kabili nabakasambilisha, ¹² apele ifi ififulo ku kukanshisha abana bakwa Lesa abamushilo pa mulimo wakupyungila, pa kukula umubili wakwa Kristu. ¹³ Akonkanyapo ukukula umubili wakwe mpaka twafika mu kwikata kwa cicetekelo na ukwishiba kwa mwana wakwa Lesa, na pakutila twingekala no kufika ku cipimo mwisulo wakwa Kristu. ¹⁴ Kristu atukula pakuti twiba abana nakabili abaseshiwa ku numa na kuntanshi ku mabimbi, abasendwa no mwela onse uwabufundisho no bucenjeshi bwa bantu mu micitile ya kubepa. ¹⁵ Nangu, ukusosa mu cine na mukutemwa twaba na ukukula mu nshila yonse iya muli wene uwaba emutwe, uyo uuli no Kristu. ¹⁶ Kristu akula umubili onse, kabili nausuntinkana na kwikatililwa pamo no bwafwilisho bwa milimba-limba, kabili ilyo ulubali lumo lwabombela capamo, ico cilenga umubili ukukula pakutila wingakula uwine mu citemwiko. ¹⁷ Napali ici ndesosa na ukukonkomesha pali ifi muli shikulu, ukutila mwienda nakabili nga fintu abena Fyalo benda, mukupelelwa kwa matontokanyo yabo. ¹⁸ Balifitishiwa mu kwishiba, ukupatulwa ku bumi bwakwa Lesa pamulandu wakukana ishiba ukwaba muli bene, pamulandu wa kukosa kwamitima yabo. ¹⁹ Balileka ukumfwa insoni baliipela abene ku fyakumubili, kabili balacita conse icishapwililika na bukaitemwe. ²⁰ Lelo ifi teyo mwasambilile pali Kristu. ²¹ Ndesubila mwalyumbwa pali ena, kabili mwalisambilishiwa muli ena, nga fintu icine caba muli Yesu. ²² Mwali sambilishiwe ukuleka ifyakumine imibele ya bwikashi bwa kale, ukufula bu muntu bwa kale. Muntu wa kale uwakowela pa mulandu wa fyakukabila ifyakuibepa. ²³ Mwasambilishiwe fya kuipupitula mu mupashi wa matontokanyo, ²⁴ nokufwala umuntu umupya uwabumbwa mu cipasho cakwa Lesa-mu bulungami bwacine na bumushilo. ²⁵ Eico, onauleni ubufi, kabili lekeni umo pali imwe asose iine no mwina mupalamano pantu tuli ba bwananina muli cila umo. ²⁶ Mube abakalipa lelo mwibembuka mwileka akasuba kawe mu kukalipa kwenu. ²⁷ Mwisuminisha umulwani. ²⁸ Umo uyo uwaleiba, ekeba nakabili. Lel abombeshe, ukubombela pa fisua ne minwe yakwe,, pakutila enga kwata fimo ifyakwakana nabo abali mukukabila. ²⁹ Mwileka ukusosa kwa konaula kufume mukanwa kenu. Bomfyeni amashiwi ayasuma pa kukula kwa abo abalecikabila pakutila amashiwi yenu yapele ukusenamina ku baleumfwa. ³⁰ Kabili mwikalufya umupashhi wa mushilo wakwa Lesa, nikuli ena eko mwakatikilwe pa bwa kupuputula . ³¹ Fumyenipo ukukaliap kwa mu mutima, icipyu ubukali, ukumana ne nsele pamo no usango onse uwa bubifi. ³² Mube bwino kuli cila umo-umo abanakilila imitima, ukubeleshanya uluse, nga fintu Lesa muli Kristu amibelele uluse.