¹ Pamulandu waici ine, Paulo, ndi umufungwa wakwa Kristu Yesu pamulandu wenu mwebantunse. ² Ndesubila ukutila mwalyumfwa ubusunge bwa kusenaminwa kwakwa Lesa ukwapelwe kuli ine. ³ Ndelemba ukulingana na ubusokololo ubwaishibikwe kuli ine. Ici cine icafisama ico nalembele kuli imwe mukwipifya. ⁴ Ilyo mwabelenga palwa ifi, mukaba aba kwishiba ukushilimuka kwandi muli ici icine cafisama palwa kwa Kristu. ⁵ Munkulo shimbi ici cine taca lengelewe ukwishibikwa ku bana abaume ba bantu. Lelo nomba nacisokololwa na umupashi ku mutumwa wakwe uwa mushilo na bakasesema. ⁶ Ici cine cafisama cakutial abena fyalo ni mpyani pamo, kabili bamo pafilundwa fya mubili, kabili bakana icilayo muli Kristu Yesu ukupitila mu mbila nsuma. ⁷ Pantu naishile ba umubomfi wa aya amalembo ukupitila mukusenaminwa kwa-kwa Lesa ukwapelwe kuli ine mu kubomba kwa maka yakwe. ⁸ Kuli ine-nangu nine uwakulekesha pa bantu bonse aba mushilo aba kwa Lesa-uku kusenaminwa kwalipelwe, ukuyabila ku bena fyalo icuma icishaifulila ica kwa Kristu. ⁹ Kabili ukuleta kulubuto pali uli onse amapange-ifyankama ifyafiswa mu nkulo muli Lesa, uwalengele fyonse. ¹⁰ Ubu ebutantiko bwashibikwe mu lukuta pakuti bakateka na ba cilolo mu ncende mu mulu bengeshiba shonse imbali shamubele wa mano yakwa Lesa. ¹¹ Ifi fyacitike ukulingana no butantiko bwa muyaya ubo afikilishe muli Kristu Yesu shikulu wesu. ¹² Pantu muli Kristu natukwata ukupama ukufikako no kushininkisha pamulandu cicetekelo cesu muli ena. ¹³ Ecalenga ndemulomba ukukana tompoka pa mulandu wa macushi yandi, palwa imwe icili bukata bwenu. ¹⁴ Napali uyu umulandu nafukama kuli Tata, ¹⁵ ukufuma kuli wene lonse ulpwa mu mulu na pesonde lwalinikwa. ¹⁶ Ndepepa ukutila enga mipela, ukulingana ne fyabunonshi bwa bukata bwakwe, ukuba abakoseleshiwa na maka ukupitila mumupashi wakwe, uyo uuli mukati kenu. ¹⁷ Ndepepa ukutila Kristu engekala mu mitima yenu uupitila mu cicetekelo, ne mishila yenu no mufula wa kutemwa kwakwe. ¹⁸ Pakutila mwingeshiba, pamo na bonse abantu aba kwa Lesa abamushilo mu bwipi, mubutali, mu kulepa, na mukushika, ¹⁹ Kabili na ukwishiba ukutemwa kwa kwa Kristu, uko ukwacila ubwishibilo pakutila mwingesushiwamo no mwisulo onse uwakwa Lesa. ²⁰ Nomba kuli ena uwaba nokucita fyonse ukucila na pafyo tulomba nangu ukutontokanya, ukulingana na ku maka yakwe ayabomba muli ifwe. ²¹ Kuli ena kube ubukata mu lukuta na muli Kristu yesu kuli shonse inkulo umuyayaya na pe. cibe ifyo fine.