¹ Kabili njga kuli imwe, imwe mwalifwile mufyabubifi fyenu na mumembu, ² umo imwe mwaendelepo limo, ukulingana nobufumu bwa maka ya mulwelele, umupashi uyo ulebomab mu bana baume ba cintomfwa. ³ Apofye ifwe bonse twikala mulyaba bantu, ukufikilisha amatontokanyo yabipa ukwamumibili yesu, kabili no kufumyamo ulukumbwa lwa mubili na mumatontokanyo. Ifwe ku bantunse twali abana ababukai, ngefyo bambi baba. ⁴ Nomba Lesa alifulisha uluse pamulandu wa bukulu bwa kutemwa kwakwe ubo ena atutemwa. ⁵ Ilyo ifwe twali abafwa mufyakubifya fyesu, ena alengele ifwe twaba abomi capamo muli Kristu-ni kucikuuku ifwe twapusukila. ⁶ Lesa atubusishe capamo na Kristu, kabili, Lesa alengele ifwe ukwikala capamo mu ncende sha mumulu muli Kristu Yesu, ⁷ pakuti mumishinku akesa ena afwile ukulanga kuli ifwe ubucindami ubushinga pimwa ubwa kusenaminwa kwakwe ubwa monekela mucikuuku cakwe kuli ifwe muli Kristu Yesu. ⁸ Pantu kukusenaminwa eko imwe mwapusukila ukupitila mu citetekelo, kabili ne ci ta caisa ukufuma kuli imwe, cabupe cakwa Lesa; ⁹ Tekufuma mukubomba, pakuti nangu umo elaitakishapo. ¹⁰ Pantu ifwe tuli babomfi bakwa lesa, aba pangilwe muli Kristu Yesu ukucita ifi citwa ifisuma ifyo lesa apangile kunshiku shakale pali ifwe; pa kuti ifwe tubombele muli ena. ¹¹ Eico ibukisheni ukuti apo imwe mwali abena fyalo muli bumubili. Imwe mwaleitwa, "abasha sembululwa" kuli fyo beta, "ukusembululwa kwa mumubili ukwapangwa ne minwe sha muntu. ¹² Pantu pali ilya nshita mwali abapatulwa ukufuma kuli Kristu, abeni kubena Israeli, abalebeshi kucipingo na kumalayo abashakwete isubilo elyo ababula Lesa mu calo. ¹³ Lelo nomba muli Kristu Yesu imwe limo mwebali ukutali ukufuma kuli Lesa na mupalamina ukupitila mu mulopa wa kwa Kristu. ¹⁴ Pantu emutende wesu. Alengele babili ukuba umo. Ukupitila mumubili wakwe awisishe icibumba icalebapatanya nokulekanya ifwe. ¹⁵ Nipali ici alikanya amafunde nefipope nefyo alekonkomesha pakuti apange umuntu umo umupya mumwine, elyo nokupanga umutende. ¹⁶ Kristu awikisha abantu bamishobo bonse mumubili umo ukuya kuli Lesa ukupitial pa musalaba, afumishe ulupala kumfwa yakwe. ¹⁷ Yesu alishile no kubilisha imbila nsuma ya mutende kuli imwe mwebali ukutali elyo no mutende kubali mupepi. ¹⁸ Ukupitila muli Yesu ifwe bonse twalikumako kumupashi umo ukuya kuli Taata. ¹⁹ Eico kanshi, nomba imwe mwebena fyalo tamuli beni kabili abalebeshi. Nipalico imwe muli bekashi bamo muli Lesa abantu ba mushilo kabili ulupwa aba mung'anda yakwa Lesa. ²⁰ Imwe mwalikulwa pa mufula wa batumwa na pali Yesu Kristu umwine elibwe lya pacifutu. ²¹ Muli ena ubukule bonse buleikatanina capamo no kukula nge tempele ilya mushilo muli Shikulu. ²² Nimuli ena ukuti naimwe bene mulekulilwa capamo icakwikalamo incende yakwa Lesa mu mupashi.