¹ Paulo, umutumwa wakwa Kristu Yesu ukupitila mukufwaya kwa kwa Lesa, kubantu bakwa Lesa wamushilo mu Efeso, abo abacishinka muli Kristu Yesu. ² Icikuuku kuli imwe kabili no mutende ukufuma kuli Lesa Taata wesu na Shikulu Yesu Kristu. ³ Lekeni Lesa kabili Taata wakwa Shikulu wesu Yesu Kristu abe uwalubwa, uyo uwa tupalile ifwe na mapalo ayali yonse aya mupashi mu ncende sha mu myulu muli Kristu. ⁴ Lesa asala ifwe umwine ukufuma kumufula wa calo, ukuti ifwe tube abamushilo kabili ababula tungwa akabi mumulola wakwe mu kutemwa. ⁵ Lesa atusobwele ifwe libela pakutulubula nga bana bakwe abaume ukupitila muli Yesu Kristu, ukulingana ku busuma bwa kutemwa bwa kufwaya kwakwe. ⁶ Ukulubulwa kwesu kwafumine mukulumbanya ubukata bwa cikuuku cakwe ico ena atupela ukwabula ukulipila muli umo uyo ena atemwa. ⁷ Muli Yesu Kristu ifwe twalilubulwa ukupitila mu mulopa wakwe kabili no kwelelwa kwafya kubifya fyesu, ukulingana ku bukulu bwa cikuuku cakwe. ⁸ Ena afushishe icikuuku ici kuli ifwe na mano yonse kabili nokwiluka. ⁹ Lesa alengele twishibe inkama apangile umwine, ukulingana ne fingamulumbanya; iyo alangile mulu Kristu, ¹⁰ nokufikilisha ipange lya pakufikilisha kwa nshita, ukuleta capamo ifintu fyonse ifya mumulu na pe sonde; pa muntu umo, nelyofye ni Kristu. ¹¹ Muli Kristu ifwe twasontelwe libela ukuba impyani, ukulingana nakwipange lyakwe uyo uwalebomba ukufumya ifintu ifili fyonse ukulingana nemilimo yakumfwaya kwakwe. ¹² Lesa atusontele ifwe nga bakwe pakuti ifwe, ni fwebo twatendekelepo ukusubila muli Kristu, bafwile ukulumbanya ubukata bwakwe. ¹³ Muli Kristu, imwe nakabili, Ilyo imwe mwaumfwa icebo ca cine, imbila nsua ya pepusukilo lyenu, imwe sumineni muli ena kabili nokwisalilwa ne filayo fya kwa Mupashi wa Mushilo, ¹⁴ uyo ecikatilo cafya bupyani fyesu mpaka noku pwisha umulimo wa kulubula abantu, ukulumbanya ubukata bwakwe. ¹⁵ Pali uyu mulandu, ukutula apo ine naumfwile pa lwa citetekelo cenu muli shikulu Yesu kabili no kutemwa kwenu pa bantu bonse aba mushilo bakwa Lesa, ¹⁶ Ine nshaleka ukutotela Lesa pali imwe ngefyo ine ndumbula mu mapepo yandi. ¹⁷ Ine mpepa ukuti Lesa wesu uwakwa shikulu Yesu Kristu, Tata wabukata, ali nokupela kuli ifwe umupashi wa mano na ubusokololo mu kwishiba kwa kuli ena. ¹⁸ Ine napepa ukuti amenso ya mitima yenu yapyaninine, ukuti imwe mwishibe isubilo ilyo ena amitileko imwe kabili no kufisha ifyabukata fyabupyani fyakwe mu bantu bonse abamushilo bakwa Lesa. ¹⁹ Mumapepo yandi ine njipusha ukuti imwe mwishibe ukupalanya ubukalamba bwamaka yakwe ubwaba muli ifwe fwebasumina, ukulingana nokubomba kwa milimo yamaka yakwe ayakalamba. ²⁰ Aya emaka yamoyene ayo Lesa Abombele muli Kristu ilyo ena amubusishe ukumufumya ku bafwa nokumuteka ku kuboko kwakwe ukwa ku kulyo mu ncende sha mu mulu. ²¹ Ena atekele Kristu apatali ukucila ubufumu bonse na pansambu na maka nabukateka, kabili ba mwinikue ne shina ilya cila pamashina yonse. Kristu ali nokuteka, temuli ino inkulo yekafye, lelo na munkulo ii leisa. ²² Lesa abikile ifintu fyonse, finakile kumakasa yakwa Kristu nokupela ena kulukuta ngo mutwe uwacila pafintu fyonse. ²³ Ulukuta mubili wakwe, ukwisushiwa kwa kwe kwisushiwa muli cila umo na umo