¹ Mwe bana, umfwieni abafyashi muli shikulu, pantu ici e calinga. ² "Cindika wiso na noko" (ilyaba ifunde lyakubalilapo no bulayo). ³ "Pakuti cibe bwino kuli iwe no kwikala inshiku ishingi pesonde." ⁴ Bashifwe, mwikalifya abana ku bukali. Lelo, bakusheni mukufundwa na mafunde yakwa shikulu. ⁵ Mwe basha, beni ne cumfwila kuli ba shikulu benu ukulingana no mubilki no mucishi ukalamba no kututuma, muli bucishinka bwa mitima beni aba cumfwila kuli bene nga mwingaba aba cumfwila kuli Kristu. ⁶ Mwiba fye abacumfwila ilyo ba shikulu wenu balemumona, pakuti muba sekeshe. Lelo bomfwileni nga basha bakwa Kristu, abalecita ubufwayo bwakwa Lesa ukufuma mumitima. ⁷ Bombeni ne mitima yenu yonse, nga abalebombela shikulu te bantu, ⁸ Pantu twalishiba ukuti pa milimo isuma iyo umuntu acita, akapokelela icilambu ukufuma kuli shikulu, abe umusha nangu umuntungwa. ⁹ Bashikulu, bomfyeni abasha benu munshia imo in,, mwibatinya. Mwalishiba ukuti uyo uwaba shikulu pali bena naimwe aba mumulu, kabili tapaba kapatulula na ena. ¹⁰ Icakulekelesha, beni abakosa muli shikulu namumaka ya bulamba bwakwe. ¹¹ Fwaleni ifyanso fya bulwi ifya kwa Lesa, ukutila mwingeminiwa mu abashangila mapange ya kubeleleka kwa mulwani. ¹² Pantu ubulwi bwesu te bwa kumubili nangu umulopa lelo naba kateka ba mulopwe, naba bukateka, naba mwandanshi ba mfifi ino, naku mipashi iya bubifi mulwelele. ¹³ Eico fwaleni ifya bulwi fya kwa lesa, pakutila mwiminine mu bushiku bwa bubifi, panuma ya kucita ifi fyonse, iminineni ndi. ¹⁴ Iminineni ndi, abaikake ilamba lya cine mumusana wenu, kabili abafwala ubulungami nge ca kucinga icifuba. ¹⁵ Kabili, abafwala kumakasa muku pekanishiwa kwa mbila nsuma iyisa ukufuma mu mbila nsuma ya mutende. ¹⁶ Pali fyonse buleni icisolelo ica cicetekelo pakuti mungashimya imifwi yonse iya mulilo iya mubifi. ¹⁷ Buleni ne cakubako umutwe ice pusukilo no lupanga lwa mupashi, ico ecebo cakwa Lesa. ¹⁸ Pamo na mapepo yonse nefya kulomba, pepeni inshita yonse mumupashi. Ku mpela ya ici, lyonse mube abalola nokushipikisha ilyo mulepela amapepo aya bantu bonse bakwa Lesa aba mushilo. ¹⁹ Mpepeleni, ukuti mpelwe icebo ilyo naisula akannwa kandi. Pepeni ukuti mbe uwashipa kukulenga cishibikwe ica fiswa icishinka pa mbila. ²⁰ Nipa mbila apo naba umwiminishi uwa sungwa mu minyololo, ukuti ninga ilumbula no kushipa ngefyo mfwile ukulanda. ²¹ Tukiki, munyinefwe uwatemwikwa kabili kapyunga wacishinka muli shiulu, akamweba fyonse, pakuti mwishibe ifyo ndi. ²² Nimutuma kuli imwe pamulandu waici, ukuti mwishibe ifyo tuli, ukuti mube abakoseleshiwa mu mitima. ²³ Umutende ube kuli ba munyinefwe, no kutemwa pamo ne cicetekelo ukufuma kuli Lesa shifwe na shikulwifwe Yesu Kristu. ²⁴ Ukusenaminwa kube kuli imwe bonse abatemwa shikulwifwe Yesu Kristu no kutemwa ukushinga bola