¹ Umfweni kwishiwi ili, mwe ngombe shamu Bashani, mwebaba mu lupili lwa mu Samaria, imwe mwebatitikisha abalanda, nokulacita abapina icicitecite, imwe mwebeba abalume benu amuti, "mutuleteleko ifyakunwa." ² Shikulu Yawe nalapa muli bumushilo bwakwe, "moneni, inshiku shileisa pali imwe ilyo bakamusendela ku ndobo abakulekelesha mukaba nge sabi iliketwe ku ndobo ye sabi. ³ Bakalamufumisha pa cipunda camwilinga, cila umo akapulila apa pene, kabili bakamuposa ku Harmoni-uku ekulanda kwa kwa Yawe." ⁴ "Akuyeni ku Betele kabili nokubembuka ku Gilgali kabili nokucishapo ukubifya, muleleta cila lucelo amalambo, ice kumi panuma yacila nshiku shitatu. ⁵ Mukonkanye necelambo cakuntasha no mukate; muleitakisha napa fyabupe ifya kuitemenwa; mulealasha pantu ifi efyo mwatemwa ukucita imwe mwe bena Israeli- Uku ekulanda kwa kwa Shikulu Yawe. ⁶ Nine namiponeshe icipowe mu misumba yenu yonse kabili mubule umukate muncende shenu shonse. Lelo imwe mwalikene ukubwelela kuli ine-uku ekulanda kwa kwa Yawe. Nalileseshe imfula pali imwe ilyo ifya kulya fyenu fyasumbilile ukupya mu myeshi itatu. ⁷ Nalileseshe imfula pali imwe ilyo ifya kulya fyenu fyasumbilile ukupya mu myeshi itatu. Nalokeshe imfula pa musumba umo, nakana ukulokesha pa musumba ubiye ibala limo lyalelokelelwa ne mfula, lelo ibala limbi ilyo lyasuka lya uma. ⁸ Ibili nangu itatu imisumba baleendauka mu misumba imbi kukunwa amenshi, lelo nako kwine tayalefula. Nalyo line imwe mwalikene ukwisa kuli ine-uu ekulanda kwakwa Yawe. ⁹ Nafyonawile pakuleta icipuki no kufufuma. Amabala yenu ayengi, ifilime fyenu, imiti yamakunyi ne miti ya Miolife-makanta alifyonawile fyonse. Nalyo line tamwabwelele kuli ine-uku ekulanda kwa kwa Yawe. ¹⁰ Namutune icikuku nga cilya naletele icalo ca Egupto. Naipeye abana bene abalumendo ku lupanga, pamo pene nabunkole babakabalwe benu kabili nalengele ubwena bwa fitumbi bumfwike ku myona yenu. Nalyo line tamwabwelele kuli ine- uku ekulanda kwa kwa Yawe. ¹¹ Nalofeshe imisumba pali imwe, kwati nilya Lesa aonawile Sodoma na Gomora. Mwali nge cishiki ca mulilo ico nasompele pe shiko. Nalyo line tamwabwelele kulpi ine uku ekulanda kwa kwa Yawe. ¹² Eico kanshi nalamukanda imwe mwe bena Israeli; kabili pa mulandu nokuti nalamikanda, muipekanye pa kukumanya Lesa wenu, mwebena Israeli! ¹³ Pantu, moneni, uwa panga impili kabili ewapanga no mwela, eusokolola amatontokanyo yakwe ku, mutundu wa muntunse, eulenga ukuti buleca kabili buleila, kabili ewaikala pa ncende isha sansama pe sonde. Yawe, Lesa umwine wafita eshina lyakwe."