¹ Umfweni icebo ici ico Yawe asosa pali imwe, abantu bakwa Israeli, pali imwe bonse ulupwa bakwa Israeli, pali imwe bonse ulupwa ulo na letele ukulufymya mu mpanga ya Egupto. ² "Nasalile imwe mweka fye ukufuma mu ndupwa shonse isha pe sonde. Eico nala misalapula pa mulandu wa mampulu yenu." ³ Nga bantu babili baenda pamo kano fye batala basuminishanya? ⁴ Bushe inkalamo ilila mu mpaonga nga taikwete ica kutakanya? Bushe umwana wa nkalamo alila ukusansula ishiwi ukufuma mu bwikalo nga taikete nangu kamo? ⁵ Bushe icuni kuti cawila mu kasose pa mu shili nshi ilyo takuli cilyo iciteyanishiwe kuli cena. ⁶ Bushe iciteyo kuti cafyampuka ukufuma panshi ilyo ta cikete nangu kamo? ⁷ Icine Shikulu Yawe tapali cintu angacita kanofye asokolola ukupanga kwakwe ku ba bomfi bakwe ba kasesema. ⁸ Inkalamo na ilila; Ninani uushatine? Shikulu Yawe na sosa; Ninani ushaseseme? ⁹ Bilisheni ifi mu bakankala ba mu Ashuri, kabili na mu bakankala ba mu mpanga ya Egupto; Sosa, "kolonganeni palwenu pa lupili lwa Samaria kabili monenii ifimpungili fikalamba ifili muli ena, kabili nefya lumani mani ifili muli ena. ¹⁰ Pantu tabaishiba ukucita ifisuma -ici cisemo ca kwa Yawe-basunga ulufyengo no kupumpunta mu bakankala babo." ¹¹ Eico, ifi efyo shikulu yawe asosa: "umulwani akashinguluak icalo, no kuwisha panshi ubukose bobe na makule yobe ya kankala yakasendwa." ¹² Ifi efo Yawe asosa: "nga ifintu umucemo apokolola ukufumya mu kanwa kankalamo amolu yabili epela nangu umupusa wa ku kutwi; efyo abantu bakwa Israeli ebaikala mu Samaria ba kapokololwa; bali noku shalafye ne fifuti fya ku kuwamapo nangu iciputulwa ca pa busanshi." ¹³ Umfweni noku shimika ubunte pa mulandu wa nganda yakwa Yakobo-Ici cisemo cakwa Shikulu Yawe, Lesa wa milalo: ¹⁴ "Pantu ubushiku ubo nkapingual Israeli pa membu shakwe, nkapingula ne cipailo cakwa Betele. Insengo sha pa cipailo shikaputulwa no kuwa panshi ¹⁵ Nkonaula ne nganda ya pamwela pamo ne nganda ya lusuba. Ne nganda ya meno ya nsofu ika bongololwa ne nganda ishi kalamba sho kaloba-Cisemo cakwa Yawe."