¹ Ifi efyo Yawe atila: "pa fya bupulumushi fitatu fyakwa Moabu, nangu fine, nshakafumyepo ukukandwa pantu ali oca amafupa ya mfumu yaku Edomu mpaka yaba imito. ² Nkatuma umulilo mu Edomu, nao ukowa amakule ayakankala aya kulwa muku Keliyote, moabu akafwila ku ciunda, no kuwelesha kwa ntandala. ³ Nkonaula kapingula muli ena, kabili nkepaya bonse bana mfumu pamo nao," efyalanda Yawe. ⁴ Ifi efyo Yawe alanda: "pafya bupulumushi fitatu fyakwa Yuda na pali fine, nshakafumyepo ukukandwa apo basula amalango yakwa Yawe no kukana sunga ifi fipope. Ubufi bwabo bwabalenga ukulubana ngefyo bashibo balecita. ⁵ Nkatuma umulilo pa bena Yuda, kabili nkabongolola amakule yamu Yerusalemu." ⁶ Ifi efyo Yawe alanda: "pafya bupulumushi fitati ifya mu Israeli, napamo fine, nshakafumyepo ukukanda apo bashitisha ubulungami kuli silfere no kukabila pa kulukwa nsapato imo. ⁷ Banyantaula pa mitwe ya babusu no kunyantaula ulukungu pa mushili; nokutamfya abatitikishiwa. Umwaume bakaya na wishi ku mwanakashi umo, no kupulule ishina lyandi ilya mushilo. ⁸ Basendama mupepi ne cipailo ne fyakufwala fya cikatilo, kabili mu nganda ya mulungu wabo banwa no mwangashi wa abo bapingwile. ⁹ Lelo naonawile abena Amore pa cinso cabo, abo icimo kcabo cali nge cimo ca mikedari; bali anakosa nge mioke. Naonawile ifisabo fyakwe pa muli ne mishial kwisamba. ¹⁰ Kabili namifumishe mu calo ca Egupto nokumwensa imyaka amakumi yane mu matololo kukuya kwata icalo ca Amore. ¹¹ Naimishe bakasesema mu bana benu nabo amabu balumendo kukuba abena Nasiri bushe tacili ifi, mwe bena Israeli?-Cisemo cakwa Yawe. ¹² Lelo mwapatikishe abean Nisiri ukunwa umwangashi no kukonkomesha bakasesema ukukana sesema. ¹³ Moneni nkamufungaula ifyo iceleta liswilemo inseke lifungaula umo. ¹⁴ No wayanguka ukufulumuka kukamubula; no wakosa takakoshe amaka yakwe; ne mpalume tayakaitule. ¹⁵ No ufumbata ubuta takeminine; no ubutukisha takabutuke; no wapali kafwalo takaipusushe umwine. ¹⁶ Kabili nabatalila mu mpalume bakabutuka ubwamba bulya bushiku-ici cisemo cakwa Yawe."