¹ Umfwa ili ishiwi ilyo nasenda ngo bulanda pali iwe, we nganda ya kwa Israeli. ² Nacisungu Israeli nawa; takemenapo; alilekeleshiwa pa ncende yakwe; tapali nangu umo uukamwimya. ³ Pantu ifi efya sosa Yawe: "Umusumba uwafumine ne kana limo ukashalaopo nomwanda umo, kabili umo uwaile nomwanda umo akashalapo ne kumi limo mu nganda yakwa Israeli." ⁴ Pantu ifi efya sosa Yawe ku nganda ya kwa Israeli: "mfwayeni kabili mwikale! ⁵ Mwifwaya Betele; nangula ukwingila Gilgali; mwiya ku Beersheba. Pantu Gilgali icine cine akaya muli bunkole, kabili Betele akaba uwafye. ⁶ Fwayeni Yawe no kwikala, pantu akafumamo ngo mulilo munganda Yakwa Yosefe. Akonaulwa, kabili takwakabe nangu umo uwaku ushimya mu Betele. ⁷ Abo abantu bapilibula umulinganya nge cintu icalula no kuposa ubulungami panshi pa mushili. ⁸ Lesa apangile aba Pleaidesi na Orioni; apilibula imfimfi yafitisha mulu celo; apanga akasuba ukufita no bushiku nokwita amenshi ya muli bemba; afitila pamushili we sonde. Yawe eshina lyakwe! ⁹ Aleta mukupampamisha ubonaushi paba kosa pakuti ubonaushi bwise pa fyabucingo. ¹⁰ Ba pata uyo onse uu balungamika pa mpongolo ya musumba, kabili ba sula uyo onse uulanda na bu mpomfu. ¹¹ Pantu munyantaula pa babusu no kubapoka icibukisho ca nganu kuli ena-nangula mwalikula amayanda namabwe ya bombelwapo, tamwakekalemo muli yena. Mwali byala imyangashi ishawama, lelo tamwakanweko umwangashi wafiko. ¹² Pantu ninjishiba ubwingi amampulu yenu kabili ubukalamba bwa membu shenu-mwe ba cusha abaloloke, musenda mafisakanwa, kabili mupilibula kumbali aba landa mumpongolo ya musumba. ¹³ Eico onse uwa ololoka aba tondolo panshita ii, pantu ninshita iya bubifi. ¹⁴ Fwayeni ubusuma kabili mwifwaya ubbubi, pakutila mwikale. Eco Yawe, Lesa wamilalo, akabelelela naimwe, ngefyo musosa aba. ¹⁵ Pateni ububi, temweni ubusuma, pangeni umulinganya mumpongolo ya musumba. Limbi Yawe, Lesa wamilalo, akaba no luse kuli abo aba shelepo abakwa Yosefe. ¹⁶ Eico, ifi efya sosa Yawe, Lesa wamilalo, Shikulu, "Icililishi cikaba mumbali shonse, kabili bakalanda mumisebo yonse, 'Ubulanda! Ubulanda!' Baketa abalimi mukulosha kabili abo abaishiba inyimbo shabulanda kukulilisha. ¹⁷ Mu mabala yamyangashi mukaba ukulilisha, pantu nkapita pakati kenu," efya sosa Yawe ¹⁸ Akalanda kuli imwe mwebakabila ubushiku bwakwa Yawe! Cinshi mufwaisisha ubushiku bwakwa Yawe? cikaba nimfimfi kabili te lubuto, ¹⁹ ngefyo umwaume abutuka inkalamo......na amukumanya, nangu aya munganda nokubika ukuboko pa cibumba ne nsoka yamusuma. ²⁰ Bushe ubushiku bwakwa Yawe tabwakabe imfimfi kabili te lubuto? Apafitisha ukwabula ulubuto? ²² "Nalipata ifyakucilila fyenu, nshibekelwa mukulongana kwenu. ²¹ Nangu line mumpela imitulo yakoca ne mitulo ya nseke, nshakafipokelele, nangu ukulolesha pa mitulo yakulongana kwa nama shenu ishaina. ²³ Fumyeni kuli ine icongo ca nyimbo shenu; nsha komfwe ku ciunda ca mitolilo yenu. ²⁴ Nakuba, lekeni umulinganya upongoloke nga menshi, kabili ubulungami ngo mulonga uupongoloka lyonse. ²⁵ Bushe mwalindetele ifyelambo ne mitulo mu matololo pa myaka 40, we nganda yakwa Israeli? ²⁶ Mwalimya ifikope fya Sikkuth, imfumu yenu, na Kaiwani, lesa wenu uwa ntanda, ifyo mwaipangile mwebene. ²⁷ Eico kamitwala mumatololo ukucila mu Damasiko," efyasosa Yawe, uo Ishina lyakwe ni Lesa wamilalo.