¹ Nomba pakwisa kwa kwa shikulu Yesu Kristu nokulongana kwesu, pamo kuli ena tulemupapata imwe bamunyina, ² Ukuti aba anguka ukutenshiwa ukufuma mu matontokanyo yenu nangu amafya nangu ku mupashi nangu ku mbila, nangu kuli kalata iyo ilemoneka ukufuma kuli ifwe, ica kuti na ku bushiku shikulu ninshi naisa kale. ³ Mwileka nangu umo amu bepe mumusango onse. Pantu teti cise mpaka panuma cafumishiwapo eo ci kesa, no muntu uwabonaushi asokololwa, umwana waboni. ⁴ Uyu wena uukanya elo no ku isansabika kuli conse icitwa Lesa nangu ici shinshimunwa. umusango wa kuti ali kala mwi tempele lya kwa Lesa elo no ku isansabika nga Lesa. ⁵ Bushe tamuleibukisha ukuti ifyo nali naimwe nalimwebele ifi fintu? ⁶ Nomba mwalishiba icika mulenga uku mu fumyapo, ali no kumoneka peka pa nshita iisuma. ⁷ Pantu icankama ca bonaushi cili cilebomba pali fye eka umo ulemufumya nomba pantu akaseshiwe mu nshila. ⁸ Elyo bonaushi ali nokumoneka, abo shikulu Yesu ali nokwipaya kuku pema no kwa mupu wa mukanwa kakwe no kumubika apafye mukusokololwa kwa kwisa kwakwe. ⁹ Ukwisa kwa wa bonaushi kukacitika ku milimo yakwa Satana na maka yonse, kufipapusho kabili ifya bufi, ¹⁰ no bubi bonse ububepa abo abale onaika pantu tabapokelele ukutemwa kwa cine elo nokupusuka. ¹¹ Pamulandu wa ici Lesa alebatumina ubufi bwa maka ukuti basumine ubufi. ¹² Kabili bena baiposele mubwangashi bubi. ¹³ Lelo tufwile ukupela lyonse ukutotela Lesa pali imwe, bamunyina abatemwikwa kuli shikulu, pantu Lesa amusalile nga ifisabo fya kuba lilapo ukupusuka ukupitila muku sangululwa na mupashi no ku sumina mu cine. ¹⁴ Amwitile kuli ici ukupitila mu mbila nsuma yesu ukuti mube aba pokelela ubukata bwa kwa shikulu Yesu Kristu. ¹⁵ Eico nomba ba munyina iminineni ndi kabili mwikatishe kuntambi isho mwasambilishiwe, nangula ku cebo nangu kuli kalata wesu. ¹⁶ Nomba shikulu wesu Yesu Kristu umwine kabili Lesa Taata wesu, uwatutemwa ifwe no kutupela ukutalalikwa ukwa muyaya kabili isubilo ilisuma mukusenaminwa, ¹⁷ Talalikeni noku koselesha imitima yenu mu mulimo onse uusuma ne cebo.