¹ Nomba mwe bamunyinane, mutupepele ifwe pakuti icebo cakwa shikulu cende bwangu no ku cindamikwa, nga fintu na imwe caba na imwe, ² elyo ukuti ifwe tupokololwe ukufuma kubantu aba shalungama elyo ababifi pantu tebonse abali ne citetekelo. ³ Lelo Shikulu wa cishinka, uyo uuli no kumikoselesha imwe elyo noku micingilila imwe ukufuma ku mubifi. ⁴ Twalikwata icicetekelo muli Shikulu palwa imwe, ukuti imwe bonse mulacita elyo muli n kutwalilila ukucita ifintu ifyo ifwe twa mikonkomesha. ⁵ Shikulu aletungulula imitima yenu ku kutemwa kwa kwa Lesa elyo na mukushipikisha kwa muli Kristu. ⁶ Nomba ifwe tulemikonkomesha imwe, mwe ba munyinane mwishina lya kwa Shikulwifwe Yesu Kristu, ukuti mutaluke kuli munyinane onse uyo uwenda ukwabula ukuibaka elyo taleikala ukulingana nbe fishilano ifyo mwapokelele ukufuma kuli ifwe. ⁷ Lelo imwe mwebene mwalishiba ukuti cili icalinga imwe ukupalanya ifwe, pantu ifwe tatwali abailekelesha ilyo twali na imwe pamo. ⁸ Tatwatile umukate wa muntu nangu umo ukwabula ukulipila, lelo ifwe twa bombele ubushiku na kasuba mu milimo na mukucula, pakuti twiba icisendo ku muntu nangu umo uwa muli mwe. ⁹ Ifwe twacitile ici te mukutila pantu tatwakwete insambu, lelo ifwe twacitile ici mukuti tube icaku mwenako kuli imwe, pakuti imwe mupanshanye ifwe. ¹⁰ Lelo ilyo twali pamo na imwe, ifwe twalimi konkomeshe imwe, "umuntu uushifwaya ukubomba no kulya elya." ¹¹ Lelo ifwe twalyumfwa ukuti bamo aba muli imwe bendela mu bunangani tababa bangufyanya mu ku bomba, lelo abangufyanya kumubili. ¹² Nomba bamo ababe fyo twabakonkomeshe no kubakoselesha muli shikulu Yesu Kristu, ukuti bafwile ukubomba pamo mu mutalalila elyo balye ifya kulya fyabo abene. ¹³ Lelo imwe, mweba munyinane, mwiba abanaka ukucita icisuma. ¹⁴ Nga cakuti uuli onse taba uwakuba ne cumfwila ifyebo fyesu muli uyu kalata, mubake ico pali uyo elyo mwiba aba kwampana nankwe, pakuti abe uwa kulengwa insoni. ¹⁵ Lelo mwi mucita nga umulwani, lelo nga munyina. ¹⁶ Nomba shikulu umwine wa mutende apele imwe umutende pa nshita shonse mu nshila fye shonse. Shikuli abena imwe bonse. ¹⁷ Ine Paulo, nalemba ifi ne minwe yandi ne mwine, ico icaba cikakatikilo pali cila kalta ine nalemba. ¹⁸ Ukusenamina kwa kwa shikulu Yesu Kristu kube na imwe bonse. Ameni.