¹ Paulo, Silbani na timote, ku lukuta lwa bena Tesalonika muli Lesa shifwe na shikulu Yesu Kristu. ² Ukusenamina kuli imwe no mutende ukufuma kuli Lesa shifwe na shikulu Yesu Kristu. ³ Tufwile lyonse ukupela amatotelo kuli Lesa pali imwe, bamuninane, ngefyo calinga, pantu icicetekelo cenu cilekula libili libili elyo nokutemwa pali imwe kwacial umo kulekulilako. ⁴ Lelo fwebene tutakishisha pali imwe munkuta shakwa Lesa pakutekanya kwenu elyo namu cicetekelo mufya kupakaswa fyenu, na mufyakucula ifyo muleshipikishamo. ⁵ Ici ecishininkisho cabupingushi bwa lungama bwa kwa Lesa, ico muli no kulingwa aba mutengo mu bufumu bwakwa Lesa, ubo naimwe muleculila. ⁶ Lelo mucacine calilungama Lesa ukubwesesha ukucula pali abo aba mucusha imwe. ⁷ Elyo nokupepemunwa kuli imwe mwebale cushiwa pamo naifwe, ilyo Shikulu Yesu akasokololwa ukufuma mumulu na bamalaika bakwe ababulamba. ⁸ Mulubingu lwa mulilo mukubika icilandushi pali abo abashaishiba Lesa na pali abo abashinakila imbila nsuma yakwa shikulufwe Yesu. ⁹ Bali nokucula no mubupingushi bwa bonaushi bwamuyaya akufumishiwa muceni cakwa shikulu na mubucindami bwa maka yakwe. ¹⁰ Akacita ifi ilyo akesa pali bulya bushiku mukucindamika abamushilo bakwe nokupapusha kuli abo bonse abatetekele, pakuti ubunte bwesu kuli imwe bwali tetekelwe. ¹¹ Pamulandu waifi naifwe tupepela ukutwalilila pali imwe ukuti Lesa wesu enga mulinga abamutengo mu bwite bwenu namu maka yakwe engeshisha amapange yonse ayasuma no mulimo onse uwacicetekelo. ¹² Tulepepa pakuti ishina lyakwa Shikulufwe Yesu linga cindamikwa muli imse, na imwe muli ena, ukulola mukusenamina kwakwa Lesa wesu na Shikulu Yesu Kristu.