¹ Bushe Nebo nshili umuntungwa? Bushe Nebo nshamumwene Yesu Shikulu? Bushe ico mwebo mwasuminamo teco mombela Shikulu? ² Nga cakuti nebo nshili musole kuli bambi, kuli mwebo kwena ndi musole. Pantu nimwebo bene icakushininkishishako ubusole bwandi muli Shikulu. ³ Ubu ebucingo bwandi kuli abo abanjesha: ⁴ Bushe fwebo tatwakwata insambu ishakulya elo nokunwa? ⁵ Bushe fwebo tatwakwata insambu ishakupita abakashi besu abasumina, nga filya ificita abatumwa abashala, elo naba munyinane muli shikulu, elo na Kefasi. ⁶ Nangu bushe ni Banaba fye elo Nandibo ebalingile ukubomba? ⁷ Bushe kwaliba abashilika bankondo abailipila abene? Bushe kwalib uulima ibala lya myangashi elo uwabula ukulyako ifisabo? Nangu bushe ninani uucema ing'ombe elo talenwako umukaka washiko? ⁸ Bushe nalanda ifi ukushintilila pansambu ishashintilila ku buntunse? Bushe tali lifunde nalyo lyalanda ifi? ⁹ Pantu calilembwa mu mafunde yakwa Mose aciti, ''Wilakukaka ng'ombe ku kanwa uluntu ulenyantaula pa ng'anu pakushisokola. Bushe ni ng'ombe eingasakamika Lesa? ¹⁰ Bushe tepa mulandu wa fwebo alandilla ifi? Ifi fyalembelwe fwebo, pantu uulelima alingile ukulekulima nesubilo, elo no muntu uulesokola alingile ukulekusokola ilyakukwatamo icakaniko mu busomboshi. ¹¹ Nga cakuti twali byele ifintu ifyaku mupashi kuli mwebo, bushe kuli camipesha amano nga twapokako ifyabune ifyo mwakwata pano pa calo? ¹² Nga cakuti bambi bena balikwata ishi nsambu ishakulekupoka ifi fintu kuli mwebo, nga pali bufi fwebo bushe tatu kwete isho insambu? Nomba tatuibomfya iyi insabu. Lelo tucula amacushi ayamisango yonsepakuti twileka kube nangu cimo icakucigilila imbila nsuma iyakwa Kristu. ¹³ Bushe mwebo tamwaishiba ukuti abo ababomba mwi tempele bapoka ifilyo ukufuma mwi tempele? Bushe twamwaishiba ukuti abo ababombela pa cipailo baba kanyako kufintu ifitulwa pa cipailo? ¹⁴ Ecimo cine, Shikulu akonkomeshe ukuti abo ababila imbila nsuma bafwile ukulekwikalila mu kubila imbila nsuma. ¹⁵ Nomba Nebo nshatalile ukubomfyapo ishi insambu. Kabili nshilelmba ifi pakuti efyo nomba mulekuncitila iyo. Kuti acwama nebo ukufwa ukucila kwaba nangu umo uwingapokolola nebo icintu ico njumfwilapo. ¹⁶ Pantu Nebo nga ndebila imbila nsuma, nshakwata insambu ishakuitakishishapo, pantu efyo mfwile ukucita. Elo kuti nashaminina fye nga nshilebila imbila nsuma! ¹⁷ Pantu nebo nga cakuti ndcita ici mukuitemenwa, Nebo nalikwata icilambu. Nomba nga temukuitemenwa, nalo line naliba nokulekubomba ifyo bampela. ¹⁸ Bushe cilambu ndo ningapokelamo? Nici icakuti uluntu nebo mbila imbila nsuma ukwakubula ukulipililwapo elo ukwakubula nokusakamana insambu shandi mu mulimo wa mbila nsuma. ¹⁹ Pantu nangu Nebo naba umuntungwa, nebo nali umubomfi kuli bonse, pakuti mwenepo abengi abakunonka kuli Kristu. ²⁰ Kuba Yuda Nandibo mba kwati ndi Yuda, epkunonka aba Yuda. Kuli abo baba mu mafunde yakwa Mose, Nandibo nali nga umo uwali mu mafunde yakwa Mose pakuti nabo mbalete kuli Kristu. Nalicitile ici nangu line nebo nshali mu mafunde yakwa Mose. ²¹ Kubena fyalo aba shaba na mafunde yakwa Mose, Nandibo mba ngauukonka amafunde yakwa Mose, nangu line nshalikufuma mu mafunde yakwa Lesa nebo, nomba nalikuba mu mafunde yakwa Kristu. Nebo nalikucita ifi pakuti ningabaleta kuli Kristu. ²² Ulo mba nabacisumino icakunaka Nandibo mba uwakunaka, epakuti ningaleta abakunaka kuli Kristu. Kanshi ku bantu bonse mba nge fyo baba, pakuti mbapusushe fye bamo mu nshila ishili shonse. ²³ Fyonse ifi nficita pa mulandu wa mbila nsuma, pakuti nandibo nshukilemo ipalo mu mbila nsuma. ²⁴ Bushe mwalishiba ukuti mu lubilo bonse abalebutuka babutukila ukucimfya, nomba muntu fye umo eupoka icilambu? Eico kanshi mubutuke pakuti mupoke icilambu. ²⁵ Bonse abalecimfyanya mu fyangalo balaipamfya nganshi pakuti baipekanye bwino. Bacita ici pakupoka icilambu icakubula ukwikalilila, nomba fwebo tucita ici pakupoka icilambu icakwikalilila. ²⁶ Eico kanshi ifi nebo efyo mbutuka nkuli ukwakubula icilingile nongu ukuba nga umuntu uuleuma umwela. ²⁷ Nomba nebo ndoma umubili wandi elo noku upanga ubusha, epakuti uluntu nashimikila kuli bambi, nebo palwandi nshili uwakusulwa.