¹ Nebo nshilefwaya mwebo ukuba pamo nga abashaishibile, ba munyinina, ukutila ba shifwe balikutungululwa ne kumbi ilyalikubacingilila elo pakutapuka papitile pali bemba. ² Bonse baliba batishe ukuba abakwa Mose mwikumbi elo na muli bemba, ³ elo nabonse balilile icakulya iacaku mupashi cimo cine. ⁴ Bonse balinwine icakunwa caku mupashi cimo cine. Pantu balikunwa ukufuma ku libwe lyaku mupashi ilyali kubakonka, elo neli libwe lyali ni Kristu. ⁵ Nomba nangu cali fyo abegi tabalikuwamya kuli Lesa, elo nefitumbi fyabo fyalishele fye nsale nsale mu matololo. ⁶ Lelo ifi fyonse fyali filangililo kuli fwebo, epakuti twila kukumbwa ukulekucita ifintu ifya baubi nge fyo bena balikucita. ⁷ Mwilakupepa utlubi, nga filya bamo pali bo balikucita.Ifi efyo calembelwe acit, ''Abantu balikele panshi ku kulya elo nokunwa, elo no kwima mu kwangala. ⁸ Fwebo twila kucita ubulalelale, nga filya abengi balikucita. Mu bushiku bumo, amakana amakumi yabili elo na batatu aya bantu ebafwile pa mulandu waici. ⁹ Nafwe bene twilakwesha Yesu, nga filya bamo bacitile elo ne nsoka shali basumawile. ¹⁰ Kabili mwilakuilishanya, nga filya bamo balkucita elo bali bonawile kuli malaika wamfwa. ¹¹ Lelo ifi fyonse fyalicitikile pa kulangilila fwebo. Fyalilembelwe pakututungulula--pantu fwebo tuli fye mu nshiku shakupelekeshako. ¹² Eico uyo onse uuletontonkanya ati aliminina abe uwacenjela pakuti tawile. ¹³ Takwaba amatunko ayamishila ayo abantu bambi tabatunkwako. Pantu, Lesa wacishinka. Ye tekuti aleke mwebo mutunkwe ukucila pa maka yenu. Lelo amatunko nga yamishila akalekumipela amaka ayakushipikisha, epakumona ukucimfya ayo amatunko. ¹⁴ Eico, mwebatemwikwa bandi, talkeni nokufuma ku kupepa utulubi. ¹⁵ Ndelanda kuli mwebo nga abo abantu abakwata icumfwila, epakut mwebo mupingule cindo ico ndelanda. ¹⁶ Ulukombo lwa mapalo ulo twapalwa, bushe tacili cakaniko mu mulopa wakwa Kristu? Umukate uo twasunaula, bushe tacili cakaniko mu mubili wakwa Kristu? ¹⁷ Pantu kwaba umukate umo,fwebo nangu tube abengi twaba umubili umo.Nafwe bene tulyako umukate umo wine. ¹⁸ Lolesheni pa bena Israeli. Bushe bena abalyako kufitulilwe ku bulambo tali balakuma na kukutumika ku bulambo? ¹⁹ Bushe nindo Nebo ndelandapo? Bushe akalubi cintu cacine? Nangu bushe mukutila ifyakulya batuula ku tulubi filabomba akantu? ²⁰ Nomba Nalanda pafintu ifyamalambo ifyatulwa ku bantu abashaushiba Lesa ukutila ifi fintu bapela ku mipashi elo te kuli Lesa iyo. Nshilefwaya mwebo ukuba abakutumikila ingulu. ²¹ Tekuti mulekunwa ku lukombo lwakwa Shikulu elo naku lukombo lwa ngulu. ²² Nangu bushe tusonsomba Shikulu ku bukwa? Bushe twalikosa ukumucila? ²³ ''Calisuminishiwa ukucita ifi fyonse,'' nomba te fyonse fingatuwamina. ''Calisuminishiwa ukucita ifi fyonse,'' nomba tefyonse finga twafwilisha. ²⁴ Takuli umuntu uwingasakamana ubune bwakwe. Kanshi, umo afwile ukucita ubune ku munakwe. ²⁵ Kuti mwashita elo nokulya inama isho bashitisha mu cisankano, tacilingile ukwipusha amepusho ayakumisakamika mu mitima yenu. ²⁶ Pantu icalo cakwa Shikulu, elo na fyonse ifyabamo. ²⁷ Nga cakuti umuntu uushasumina amikuta ku kulyako ifilyo, muye mulyeko fyonse ifyo amipekaninishishe ukwabula ukwipusha amepusho aya kumisakamika mu mitima. ²⁸ Nomba nga cakuti umuntu umo amyeba ati, ''''Ifi ifyakulya fintu batula ku tulubi,'' eluntu teti mulye, bonse pa mulandu wa uyo muntu uwa myeba, elo napa mulandu wakusakamana mu mitima- ²⁹ -nshilelada pa mulandu wakusakamana kwenu nomba ndelanda pa mulandu waku sakamana kwa munenu. Bushe nga cinsi ico ukusakamikwa ukwamunandi mu mutima wakwe kwinga mfulunganishisha insambu ishakucita ifyo ndefwaya? ³⁰ Nga cakuti nalya icakulya natottela na Lesa, bushe nindo nigatukilwapo pali ico ico napepelapo Lesa? ³¹ Eico kanshi, nga mwalya nangu ukunwa, nangu conse ico mwacita, mu cicite muku lumbanya Lesa. ³² Mwilakucita icintu icakulega umuntu ukulufyanya kuba Yuda kuba Griki, nangu ku lukuta lwakwa Lesa. ³³ Ndesha ukuwamya ku bantu bonse mu fintu fyonse. Nshicita ifyakungwamina, nomba ncita ifyakuwamina abengi. Ncita ifi pakuti bonse bakapusuke.