¹ Mulekumpashanya, nga filya Nebo mpashanya Kristu. ² Lelo Nebo ndemitasha pantu mwebo mulangibukisha muli fyonse. Ndamitasha pantu mulabaka na mafunde nga filya nayashile kuli mwebo. ³ Lelo ndefwaya mumfwikishe ukuti Kristu e mutwe wa muntu onse, nokuti umuntu e mutwe wa mwanakashi, elo nokuti Lesa e mutwe wakwa Kristu. ⁴ Kanshi umwaume onse nga alepepa nangu alesesema amashiwi yakwa Lesa ninshi alifimbile kumutwe ninshi alesebanya umutwe wakwe. ⁵ Nomba umwanakashi onse nga alepepa nagu alesesema amashiwi yakwa Lesa ukwabula ukufimba ku mutwe wakwe alesalula umutwe wakwe umulume. Pantu cimo cine fye ngacakuti umwanakashi alibeyele ulukusu. ⁶ Pantu nga talefimba ku mutwe, calinga fye ukwipifya imishishi. Apo ca nsoni umwanakashi ukubeya imishishi nangu ukubeya ulukusu, kanshi ninshi alekufimba ku mutwe. ⁷ Umwaume tafwile ukufimba ku mutwe, pantu e cata elo nobukata bwakwa Lesa. ⁸ Pantu umwaume tapangilwe ukufuma ku mwanakashi. Lelo umwankashi bamupangile ukufuma ku mwaume. ⁹ Pantu umwame tapangilwe pa mulandu wa mwanakashi. Lelo umwanakashi ena abuumbilwe pa mulandu wa mwaume. ¹⁰ Emulandu wine umwanakashi afwile ukukwatila icishibilo ca nsambu pa mutwe wakwe, pa mulandu waku ba malaika. ¹¹ Nangu line caba ifi, muli Shikulu, umwanakashi talingile ukuba eka ukufuma ku mwaume, nangu umwaume ukuba eka ukufuma ku mwanakashi. ¹² Pantu nga filya umwanakashi apangilwe ukufuma ku mwaume, efyo no mwaume naye afyalwa ukufuma ku mwanakashi. Elo ifintu fyonse fyamuma kuli Lesa. ^{13 14 15} Pinguleni mwebene palwenu: Bushe kuti caba icabune umwanakashi ukupepa kuli Lesa ukwakubula ukufimba ku mutwe wakwe. Bushe ifyo tefintu tusambililia fye mubikashi bwesu ukuti nga cakuti umwaume ateka icunsu, cansoni nganshi? Bushe tacitusambilishafye mu bwikalo bwesu ukuti umwanakashi nga cakuti ateka imishishi iingi, ena cakumu monekesha ubune? Pantu imishishi yapelwa kuli nga icakumufimba. ¹⁶ Nomba nga kuli uulefwaya ukutalika pali ici, fwebo tatwakwata ulutambi lumbi ulo tucita, nangu inkuta shakwa Lesa. ¹⁷ Nomba mu mashiwi yafyakukonka, nebo nshile milumbanya iyoo. Pantu uluntu mwisa pamo, tepabune iyoo lelo pa bubi. ¹⁸ Pantu icakubalilapo fye, nalyumfwa ukuti uluntu mwisa pamo mu lukuta, mulapusana mwebe mweka, kwena fimo pali ifi nalisumina ukuti fya cine. ¹⁹ Pantu ukupusana kwena kufwile kwabapo pakati kenu, epakwishiba bwino bwino abcishinka pali mwebo. ²⁰ Pantu uluntu mwias pamo, te Mulalilo wakwa Shikulu uo mwisa mukulya. ²¹ Uluntu mwebo mulya, pantu cila muntu atampilapo ukulya icakulya cakwe. Bamo bekala ne nsala, elo bambi balekolwa. ²² Bushe tamwakwata amayanda ya kulilamo elo noku nwinamo? Bushe nalimo lukuta lwakwa Lesa mwasula elo nagu limbi kufwaya ukuti ababusu bekatwe insoni? Bushe nindo ningalanda kuli mwebo? Bushe kuti namitasha? Awe teti mitashe pali ici! ²³ Pantu ici eco napokelele ukufuma kuli Shikulu eco nandibo namishila, icakut Shikulu Yesu, pa bushiku uluntu ba mwalukile, abulile umukate. ²⁴ Panuma yakutotela, aliputawile elo nkulanda ati, ''Uyu emubili wandi, uo nalapela kuli mwebo. Mukalekucita ifi pakungibukisha.'' ²⁵ Ni munshila imo ine abulile icikombe panuma ya mulalilo, elo alandile ati, ''Ulu ulukombo e cipangano cipya ica mulopa wandi. Lyonse ulo mukalekunwamo, mukalekungibukisha.'' ²⁶ Pantu ulo lonse mukalekulya elo nokunwa ici icikombe, ninshi mulebila imfwa yakwa Shikulu mpaka akabwele. ²⁷ Eico, kanshi, uyo onse uwalya nangu anwa kuli ulu ulukombo mu musango uushiweme ninshi acita umsalula ku mubili elo no mulopa wakwa Shikulu. ²⁸ Kanshi pa kubala umuntu onse alekuimona umwine, nga cakuti alilingile elo alyeko ku ukate elo naku lukombo. ²⁹ Pantu umuntu uwalya elo nokunwa ukwakubula ukukutuluka bwino pa mulandu wa mubili wakwa Shikulu ninshi ena alya elo nokunwa kulimunwa kwakwe umwine. ³⁰ Ecalenga nokuti abengi pali mwebo balinakuka elo nokulwala, elo bambi pali mwebo balifwa nokufwa. ³¹ Nomba nga cakuti twaicencenta fwebene, tatwakapingulwe awe. ³² Nomba uluntu twapingulwa kuli Shikulu, ninshi twasalapulwa, pakutila tatulimwinwe pamo ne sonde. ³³ Eico, ba munyinane, uluntu mwaisa pamo ku kulya, mulekupembela abanenu. ³⁴ Nga cakuti umo ali ne nsals, mulekeni alile ku ng'anda, epakuti ukwisa pamo kwenu kwikalenga ukuti mube no mulanduElo pa fintu fimbi ifyo mwalembele, nkesa kumyeba ifyakucita nga naisa.