¹ Nomba palwa fyakulya ifyo batula ku tulubi: Twalishiba ukuti fwebo bonse twalikwata amano. Amano yalalenga ukuti umuntu alekuitutumuna ku cilumba, nomba icimwiko cena cilatuwamina ukwikala ubune. ² Nga cakuti umuntu alatontonkanya ukuti alishiba fimo, kanshi awe iyo talati eshibe nefyo afwile ukwishiba. ³ Nomba nga cakuti umo alitemwa Lesa, uyo muntu alishibikwa kuli Lesa. ⁴ Eico eluntu, pakulyako ifyakulya ifyo batula ku tulubi: Fwebo twalishiba ukuti utilubi muli cino calo tatwaba nangu cimo elo takwaba Lesa naumbi ni umo fye. ⁵ Nangula kwena abantu bamo batila mwaliba tu--lesa, mu mulu nangu muno calo(nga filya fine kwaba tu ''lesa'' elo natu ''shikulu'' utungi), ⁶ lelo kuli fwebo kwaba fye Lesa umo mpo, e Tata kuli uyu Lesa ekwafuma ifintu fyonse elo nafwebo bene, elo na Shikulu Yesu Kristu umo, kabili nimuli uyu wine emo ifintu fyonse fyabelako, kabili ni kumaka yakwe umwine Kristu yalenga ukuti fwebo tube abomi. ⁷ Lelo kwena, aya amano tebonse bayeshiba. Kwena, bamo kunuma balikupepa utulubi, elo ukushinta na nomba nga balyako ifyo fyakula balatontonkanya ukuti balelya ifyakulya fya tulubi.Kanshi nga balyako bamona ukubati bakowela ico kampingu wa mitima yabo alinaka. ⁸ Nomba ifya kulya tafyakatupalamike kuli Lesa.Tatulufyanyapo nangu cimo kuli Lesa nangu tatulile, nangu nga twalya tacitwafwako ukupalamina kuli Lesa. ⁹ Nomba mulekutekanya mwilakuleka insambu mwakwata iyakulya conse ilekulenga ukuti abashakosa mu cisumino bwile mukulufyanya. ¹⁰ Nomba nga cakutila umo amimona, mwebo mweba mano, mulelya ifyakulya mwi tempele lyakalubi. Bushe ici tekuti calenga umuntu uwaba na kampingu uushakosa ukupama kukulya iflyo ifyo batula ku tulubi? ¹¹ Eico pantu ukumfwa kwenu icishinka pafyo utulubi twaba, walenga umuntu uwacisumino icinono, munonko uo Kristu afwilile, ukonaika. ¹² Eico, nga cakuti mwalufyanya kuwa bwananyina elo nabakampingu babo abakunaka, ninshi mwapanga isambi kuli Kristu. ¹³ Eico kanshi, icakulya nga calenga munyinane ukupanga isambi, ninshi ndigile ukuleka fye ukulya inama, epakuti nilenga munyinane ukuwila mukulufyanya.