¹ Nomba nalayasuka pa milandu mwanembela: ''Ee cabune ukuti uwaume ukunaupa.'' ² Nomba pamulandu wamatunko pantu ubulalelale bulifulile, kanshi cila mwaume alilingile ukukwata umukashi wakwe, elo cila mwanakashi alilingile ukukwata umulume wakwe. ³ Uwaume alilingile ukufikilisha insambu sha mucupo ku mukashi wakwe, elo elo no mukashi wakwe ku mulume wakwe. ⁴ Umwanakashi temwine wa mubili wakwe iyo, kano umulume. Ecimo cine, no mulume temwine wa mubili iyoo, nomba wamukashi wakwe. ⁵ Mwilekukana munenu mu cupo, kano ninshi nga mwaumfwana ukukanana pa nshita iinono. Mucite ici pa kuipela mukupepa amapepo. Eluntu kabili mu bwelele pamo nakabili ukulekwikala nga abaupana, epakuti lyena ninshi tekuti muleke Satana ukumitunka pa mulandu wa bunasha bwenu. ⁶ Nomba nalanda ifi pakumipandako fye amano elo nshilemipangila ifunde iyo. ⁷ Kuti natemwa umuntu onse ifyo nebo Ndi. Nomba cila umo alikwata iabupe icakufuma kuli Lesa. Umuntu umo ali ne cabupe ca musango uyu, elo no munankwe umusango ulya. ⁸ Kubashimbe elo naba mukamfwilwa Ndelanda ati cabune kuli bo ukwikala ukwabula ukupa, kwati Nebo. ⁹ Nomba nga cakuti bafilwa ukushipikisha, cawama ukuti baupa nangu baupwa. Pantu cawamapo ukupa nangu ukupwa ukucila ukushupiwa no lunkumbwa. ¹⁰ Lelo kuli abo abaupa Nebo namipela icebo--te Nebo, nomba ni Shikulu--ukuti umwanakashi tafwile ukufuma ku mulume wakwe ¹¹ (nomba nga cakuti afuma ku mulume wakwe, ali nokwikala ubushimbe nga teifyo alingile ukubweshanya no mulume wakwe), elo umulume talingile ukulekana no mukashi wakwe. ¹² Nomba kubashala Nalanda--Ninebo, te Shikulu iyo--ukuti nga cakuti munifwe aupa umukashi uushasumina, elo nga cakuti aliipeleshe ukwikwala naye, talingile ukumuleka. ¹³ Nga cakuti aupwa ku mulum uushasumina, elo nga cakuti ali iipeleshe ukwikala naye, tafwile ukumuleka. ¹⁴ Pantu uyu umulume alipalamikwa kuli Lesa pa mulandu wa mukashi, elo no mukashi uushasumina nao alipalamikwa kuli Lesa pa mulandu wa mulume wakwe. Acikana ukuba ifi abana benu nga tekuti babe abasanguluka, lelo nomba baba abapalamikwa kuli Lesa. ¹⁵ Nomba nga ckuti uushacetekela afumako, mulekeni alekuya.Mu milandu iya musango uyu, munyina nangu inkanshi takakililwe ku filayo fyabo. Lesa alikuta ukwikala mu mutende. ¹⁶ Pantu bushe kuti waishiba shani, we mwanakashi, nga cakuti ni webo ukapususha umulume obe? Nagu bushe kuti waishiba shani, we mwaume, nga ni webo uli noku pususha umukashi obe? ¹⁷ Lekeni fye cila muntu ekale ubumi ubo Shikulu amupekanishisha, cila mntu ifyo Lesa amukuta. Ifi fine efya nsambilisha ku nkuta shonse. ¹⁸ Bushe cila muntu alisembulwilwe uluntu talasumina Lesa? Talingile ukumoneka nga uushasembululwa. Bushe cila muntu tasembulwilwe uluntu akutilwe ku cicetekelo? Talingile ukusembululwa. ¹⁹ Pantu tekusembululwa nangu ukukana ukusembululwa e cikulu. Icintu icikulu kukonka amafunde yakwa Lesa. ²⁰ Cila umo alingile ukwikalilia mu bwite ukulingana no luntu Lesa amukutile uksumina. ²¹ Bushe wali umusha uluntu Lesa akukutile? Wisakamikwa pali ico. Nomba nga kuti waba umuntungwa, bula ubune bwabamo. ²² Pantu umuntu uwakutilwe kuli Shikulu ukuabati musha e muntungwa wakwa Shikulu. Ecimo cine, umuntu uwali umuntungwa uluntu bamukutile ukusumina e musha wakwa Kristu. ²³ Mwalishitwa no mutengo uukuluu, kanshi mwisanguka absha aba bantu. ²⁴ Mwe bamunyinane, musango onse uuntu umuntu abelelemo uluntu bamukutile ukusumina, lekeni cila muntu ekalilile umo mwine. ²⁵ Nomba pa mulandu waba shimbe, nshikwetepo ifunde ukfuma kuli Shikulu. Nomba nalela amatontonkanyo yandi nga umo, ku luse lwakwa Shikulu naba uwa cishinka. ²⁶ Eico, ndetontankanya ukuti pa mulandu na mafya ayali nokwisa, kuti cawama umuntu ukwikala ifyo aba. ²⁷ Bushe walyupa? Wiesha ukutamfya umukashi obe. Nga cakuti tawaupa, wiesha kufwaya umukashi. ²⁸ Nomba nga waupa, ninshi taupangile isambi, elo nga cakuti umwanakashi uushaupwa aupwa, tapangile isambi. Nomba abo abopa balakwata amafya ayakumubili ayengi, elo nebo ndefwaya ukumitalusha kuli ifi. ²⁹ Nomba nalanda ici, bamunyina: Inshita ilicepele.Ukufuma nombaline, lekeni abo bonse abali nabakshi bekale ukubati tabakwete' ³⁰ Abo abalelila babe ukubati tabalelila, elo abo abalesansamuka babe ukubat ni abo abashilesansamuka, elo nabo abaleshita babe ukubati tabakwete, ³¹ elo abo bonse abalemfya icalo babe ukubati tabalecibomfya mukufikapo. Pantu cilo icalo mukumoneka kwaciko impela ili mupepi. ³² Nebo kuti natemwa mwebo mwaba abakaele namatontonkanyo. Umuntu uushaupa asakamana pa fintu ifyakwa Shikulu, nefya kumusekesha. ³³ Nomba umuntu uwaupa aposa mano kufintu ify mucalo, elo nefyakusekesha umukashi wakwe-- ³⁴ alyakanimo. Umwanakashi uushaupwa nangu nacisungu aposa amano kufintu fyakwa Shikulu, alaba shani uwakupalamina kuli Shikulu mu mubili elo namu mupashi. Nomba umwanakshi uwaupwa asakamana pa fintu fya mucalo, pafyo alasekesha umulume wakwe. ³⁵ Nalanda ifi nipakumyafwilisha, elo nokunana bika mwebo mukucincintilwa. Nalanda pa cintu icacine, epakutila mwingaipela kuli Shikulu ukwakubula icakumicilinganya. ³⁶ Nomba nga cakuti umo atontonkanya ukuti talecita nkobekela bwino no mucinshi--nga cakuti apitilila pa mushinku wakupwa elo nokuba ifyo fine--afwile ukucita ico atemwa. Talepanga isambi awe. Balingile ukupana. ³⁷ Nomba nga cakuti aliminine uwakushipa mu mutima wakwe, nga cakuti tali mu mafya nga kuti aipingula umwine elo nga cakuti alisalilepo mu mutina wakwe ukucita ico umwine, ku kusunga buna cisungu bwakwe, ninshi acita icintu icabune. ³⁸ Eico umo nga cakuti aupa nkobekela wakwe acita fye icabune, elo uyo nao uwasalapo ukukana upa ninshi acita bwino nganshi. ³⁹ Umwanakashi aba nokwikala no mulume wakwe mpaka fye nolo umulume akafwa. Nomba nga cakuti umulume afwa, ali uwakakulwa ukupwa kuo umwine atemwa, nomba ni muli Shikulu fye. ⁴⁰ Lelo mukupingula kwandi kuti aikala nensansa ishingi nga cakuti aikala fye ukwakubula ukupwa. Elo Ndetontonkanya ati nandibo nalikwata Mupashi wakwa Lesa.