¹ Tulyumfwile insebo ukuti muli ubulalelale muli mwe, ubo ubulalelale ubutasuminishiwa nangu niku bena Fyalo: Umuntu ukupa umukashi wakwa wishi. ² Mwalikwata icilumba! Bushe tekuti mulekulosha kwena? Umuntu uwacitile icamusango uyu alingile ukumufumya pakati kenu. ³ Pantu Nebo nangu ntali nenu ku mubili, Ndi nenu mu mupashi. Ndipingwile akale pali uyo muntu uwacitile ifyo, kubati fye eko nali uko. ⁴ Uluntu mulongene mwi shina lyakwa Shikulu Yesu ninshi nandi ndi nenu mu mupashi, elo namaka yakwa Shikulu Yesu ninshi epo yali, ⁵ lekeleni uyu muntu kuli Satana pakonaula umubili wakwe, pakuti umupashi ukapusuke pali bulya ubushiku bwakwa Shikulu. ⁶ Ukuiyumfwa kwenu tekwa bune. Tamwishiba ukuti intutumushi iinono eitutumuna umukate onse? ⁷ Iwamyeni mwebene ku citutumushi cakale pakuti mwebo mube umufuba uupya mu cipe, pakuti mube umukate uutatutumuka. Pantu Kristu, impanga iyacakucilila cesu, alipelwa ilambo. ⁸ Eico lekeni kanshi tusefye umutebeto, uutalimo akatutumushi kakale, intutumushi iyamisango iya bubi elo icabubifi. Lelo, lekeni tusefye no mukate uushakwata intutumushi uwabufuma cumi elo ne cine. ⁹ Nalimilembele muli kalata ukumyeba ati tekwesha ukwampana na bantu ababulalelale. ¹⁰ Nshaloseshe mukweba ati mulekutaluka ku bantu bamuno calo ababulalelale, nangu abalunkumbwa lwa fyuma, nangu bapompwe, nangu abapepa utulubi, pantu ukutaluka kuli bo kuti wafwaya ukufuma muno mu calo. ¹¹ Nomba lelo Nebo ndemilembela ukuti mwilakwampana no muntu uuli onse uo mulekuta ati uwabwananyina nomba uwaikalilila mu bulalelale, nangu uwa lunkumbwa lwa fyuma, nangu uupepa utulubi, nangu uutukana, nangu cakolwa, nangu pompwe. Tekwesha ukulya naye ifilyo umuntu wamusango uyu. ¹² Pantu bushe Nebo mulimo wandi ukupingula nabo abali kunse ya lukuta? ¹³ Nomba Lesa eupingula abo bonse abali kunse. ''Fumyeni umuntu uwabubi muli mwe.''