¹ Ifi efyo umuntu alingile ukutwishiba, pamo nga ababomfi bakwa Kristu elo elo abasunga ifishinka ifya fisma ifykwa Lesa. ² Lelo icifwaikwako fye kuli ba kasunga nici icakuti balingile ukuba abacishinka. ³ Nomba kuli ne cintu icinono nganshi icakuti napingulwa kuli mwe nangu ku muntu uuli onse mu cilye ca kubuntunse. Pantu ntaipingula nane mwine. ⁴ Ntaibukukilapo pa bupingulo ubuli bonse pali ne, nomba tacilepilibula ukuti ninshi Nebo ndi wakaele. Ni Shikulu ne eumpingula. ⁵ Eico kanshi mwilakulanda ubupingshi pacili conse ulo inshita tailafika, ulo Shikulu talaisa. Akaleta pa bwelu ifintu ifya fisama ifya mumfinshi elo nokusokolola imitontonkanishe ya mu mutima. Eluntu cila umo akapokelela amalumbo yakwe ukufuma kuli Lesa. ⁶ Lelo, mwe bamunyinane, Nalosha aya amashiwi kuli ne mwine na Apollo pa mulandu wenu, epakuti ukufuma kuli fwe kuli mwasambililako insoselo iilanda ati, '''Mwilakucila pafya lembwa.'' Neci epakuti pali mwe peba nangu umo uwakuimya ukucila umunakwe. ⁷ Pantu bushe ninani uubona ubupusano ubwaba pali me elo nabanenu? Findo ifyo mwakwata ifyo tamwapokelele fye? Nga cakuti mwalicipokelele, nindo ico muyumfwila ukubati tamwacipokelele fye? ⁸ Mukwangufyanya fye mwalikwata fyonse ifyo mwalifwaya! Mukwangufyanya fye mwaliba abakankala! Mwalitampako ukuteka--elo ukufunyako fwebo! Mucine, Ndekabila nga mwalitekele, pakuti nga twalikuteka nenu. ⁹ Pantu Nebo mukutontonkanya Lesa alitubika abatumwa pakulangisha pamo nga abakulekelesha mu mulongo, mu kuya kwa nshita elo nga abantu abo bapingwila ukufwa. Twaisa kuba icakutamba ku calo--kuli ba malaika, elo naku bantu. ¹⁰ Tuli bapuka pa mulandu fye wakwa Kristu, nomba muli ba mano muli Kristu. Tuli bakunaka, nomba mwe muli bakukosa. Mwalisumbulwa mu mucinshi, nomba fwe twalisumbulwa mu musebanya. ¹¹ Ukushinta napali ino nshita fwe tuli nensala elo ne cilaka, tulibakusapula, twalipumwa, elo abashakwata amayanda. ¹² Tulabombesha, ukubomba ne minwe yesu. Uluntu twatukwa, tulapala. Uluntu twapelwa umulandu, tulashipikisha. ¹³ Uluntu twasebana, tulanda abkutemba. Twaisakuba, elo napali ino nshita batumona ukubati, fisoso fya mu calo elo nga ifintu ifyakwatisha ifiko. ¹⁴ Ntalelemba ifi fintu pakumisebanya, nomba nipa kumibika mu nshila pamo nga abana bandi abatemwikwa. ¹⁵ Pantu nangu fye mwingakwata balupwa amakana ikumi muli Kristu, tamwakwata ba shinwe abengi. Pantu Nalishile kuba shinwe muli Kristu Yesu ukupila mu mbila nsuma. ¹⁶ Eico Ndemipapata ukuba abakukonkelesha nebo. ¹⁷ Ecalengele ukuti Mitumine Timoti, umutemwikwa wandi elo umwana uwacishinka muli Shikulu. Akamibukishako imibele yandi muli Kristu, ukubati nifilya fine ifyo mbasambilisha konse elo mu nkuta monse. ¹⁸ Lelo bambi pali mwe mulitampile ukuitutumuna, ukulekuipanga ukabati Nsakese kuli mwe. ¹⁹ Nomba Ndi nokwisa kuli mwe nombaline, nga cakuti Shikulu asuminisha. Eluntu Nebo nkesa kwishiba tepa mashiwi yafye aya abo abaitutumuna, nomba nkesa kubona amaka yabo. ²⁰ Pantu ubufumu bwakwa Lesa tabwaikalila mu mashiwi nomba ni mumaka. ²¹ Nindo mulefwaya? Bushe Nkese kuli mwe ne nkonto nangu ne citemwiko elo na mu mupashi uwakutemba.