¹ Elo Nandi , mweba munyina, nshalikulanda kulimwe nga abantu abaku mupashi, nomba nalikulanda nga abantu abaku mubili, ukubati bana abanono muli Kristu. ² Nalikuminwisha umukaka, te filyo ifyakukosa, pantu mwli tamulaipekanya kuli ifi; elo nangu ni nomba line tamulaipekanya. ³ Pantu mucili ku mubili. Pantu pali abamufimbila elo elo nolubo pali mwe, bushe tamuleikala ukulingana nabu mubili, elo bushe ta muleenda ukulingana no buntunse? ⁴ Pantu uluntu umo alanda ati, ''Nebo nkonka Paulo,'' elo naumbi naye ati, Nebo nkonka Apollo,'' bushe ninshi tamuli bantu fye? ⁵ Bushe kanshi Apollo ninani? Paulo ninani? Babomfi ukupitila muli uyo uo mwacetekelamo, nge kuli cila umo Shikulu apele umulimo. ⁶ Nebo nalibyele elo Apollo alikutapilisha, nomba Lesa ewalikukusha. ⁷ Eico kanshi, paubyala elo nopautapilisha bonse bamo fye. Nomba ni Lesa eulenga fikule. ⁸ Lelo uyo uubyala elo noyo uutapilisha bamo bene fye, elo cila umo akapoka amalipilo yakwe ukulingana nefyo abomba. ⁹ Pantu bonse tuli babomfi bakwa Lesa. Muli bala lyakwa Lesa, icikulwa cakwa Lesa. ¹⁰ Ukulingana ne cikuuku cakwa Lesa ico icpelwe kuli ne pamo nga kakula uwaishibisha, Nebo napangile umufola elo na umbi alekula. Nomba lekeni umuntu onse abe uwakucencenjela uulekulapo. ¹¹ Pantu takuli nangu umo uwingabika umufola ukucila pali uyo uwabikwa akale, uyo uuli ni Yesu Kristu. ¹² Lelo uuli onse uwakula pa mufola wa golide, slifa, amabwe aya mutengo, icimuti, imisanse nangu ifyani fye, ¹³ imilimo yakwe ikasokoloka, pantu ukutula kwa kasuba ekukasokolola. Pantu cikasokolwelwa mu mulilo. Umulilo eukesha umusango uwa mulimo cila umo acita. ¹⁴ Nga cakuti umo imilimo yakwe tayakapye, uyo akapoka icilambu; nomba umo imilimo yakwe nga cakuti ikapye, ye akapelwapo fye, ¹⁵ nomba ye umwine akapusuka, ukubati apusuka ukupita mu mulilo. ¹⁶ Bushe tamwishiba ukuti muli tempele lyakwa Lesa elo nokuti Umupashi wakwa Lesa wikala muli mwe? ¹⁷ Nga cakuti umo aonaula itempele lyakwa Lesa, Lesa akonaula uyo muntu. Pantu itempele lyakwa Lesa lya mushilo, elo cimo cine namwe. ¹⁸ Lekeni nangu umo elakuibepa. Nga cakuti uuli ons pali mwe aletontonkanya ukuti wakucenjela muli ino nkulo, lekeki abe ''umupuka'' epakti engesa kuba uwa mano. ¹⁹ Pantu amano muli cino calo bupuka kuli Lesa. Pantu calilembwa ukuti, ''Ewikata abakucenjela mu bucenjeshi bwabo.'' ²⁰ Elo nakabili ati, ''Shikulu alishiba ukuti ukutontonkanya kwaba mano kwa fye.'' ²¹ Napali ici, lekeni umuntu nangu umo elakuitakikisha mu muntu. Fyonse ifintu fyenu, ²² abe ni Paulo, nangu ni Apollo, nangu Kaifa, nangu icalo, nangu umweo, nangu ifintu ifilipo, nangu ifinti ifili nokwisa. Fyonse ifintu fyenu, ²³ elo namwe muli bakwa Kristu, elo Kristu naye wakwa Lesa.