¹ Uluntu naishile kuli mwe, mweba munyinane, ntaishile ne milandile yabucenjeshi nangu amano ulo Nabilile ifishinka pali Lesa. ² Pantu Nebo nasalilepo ukwila ukubati ntaishiba nangu kamo uluntu nali nenu kano fye Yesu Kristu, uwatanikilwe pa musalaba. ³ Elo Nali nenu mubunake, elo namukutina, elo namukukanka ukukulu. ⁴ Elo imbila yandi elo nokubilisha kwandi takwalimo na mashiwi ayakubeleleka ukwa mano. Lelo, kwali kwa kulanga kwa Mupashi elo na maka, ⁵ epakuti icisumino cenu tacili mu mano ya bantu, nomba cibe mu maka yakwa Lesa. ⁶ Lelo tulanda amano mu bantu abakula, nomba te mano aya muli cino calo, nangu ayakubakateka ba ino nkulo, abo abalepita. ⁷ Lelo, tulanda amano yakwa Lesa mu cine icafisama, amano ayafisama ayo Lesa atuteyaninishishe limo ulo inkulo tashilabako pa mucinshi wesu. ⁸ Takwaba intungulushi isha ino nkulo ishacumfwisha, pantu nga cakweba ati balicumfwile, nga tabatanikile Shikulu uw mucinshi. ⁹ Nomba pamo ngefyo calembwa ukuti, ''Takwaba ilinso nangu limo ilyamona, takwaba ukutwi nangu kumo ukwa umfwa, takwaba umutima wa muntu nangu umo uwaelenganya pa Lesa apekanishishisha abo abamutemwa''-- ^{10 11} Nomba Lesa alisokolola ifi fintu kuli fwe ukupitila mu Mupashi. Pantu Umupashi ulafwailisha ifili fyonse, nangula fintu ifyakushika ifyakwa Lesa. Pantu bushe ninani uwaishiba ukutontonkanya kwakwa Lesa ukufunyako fye umupashi uwaba mu muntu? Eico kabili, takwaba nangu umo uwaishiba ifintu ifyakushika ifyakwa Lesa ukfunyako fye Umupashi wakwa Lesa. ¹² Nomba tatwapokelele umupashi wamu calo nomba Umupashi wakwa Lesa, epakuti twingeshiba ifintu ifyalutu ifyapelwa kuli fwe ukufuma kuli Lesa. ¹³ Tulanda palwa ifi fintu mu mashiwi nomba temumano ya muntu no ku Mupashi akwa Lesa, ukulondolola ifintu ifya mushilo kubantu abamushilo. ¹⁴ Umuntu uutali wakumupashi tapokelela ifintu ifyo ifyaku Mupashi wakwa Lesa, pantu kuli ye fyabupuka. Tekuti afishibe pantu fishibikilwa ku mupashi. ¹⁵ Uyo uwaku mupashi apingula ifintu fyonse, nomba tapingulwa kuli bambi. ¹⁶ ''Pantu bushe ninani uwingeshiba amano yakwa Shikulu, pakuti amutungulule?'' Nomba twakwata amano yakwa Kristu.