¹ Nomba Ndefwaya ukumibukishako, mweba munyinane, pa mulandu wa mbila nsuma iyo nabilile kuli mwe, iyo mwapokelele elo iyo mwatalamapo, ² elo iyo mulepusukilapo, nga cakutimwa iminina ndii pa cebo ico nabilile kuli mwe, kano fye nga cakuti mwasumine fyeica fye. ³ Pantu Nebo nafishishe kuli mwe pamo nga icakutamilapoukucindama ico Nandibo napokelele, icakuti Kristu afwilile pa masambi yesu ukukonka nefyalembwa, ⁴ ukuti alishikilwe, elo nokuti balimubushishe pa bushiku ubwakulenga shitatu ukukonka nefyaba mu malembo. ⁵ Kristu abonekele kuli Kefasi, elo eluntu ku bekumi limo nababili; ⁶ eluntu abonekele kuli ba munyina ukucila pa myanda isano. Abengi pali abo pacili abomi, nomba bambi balilala mutulo utwamfwa. ⁷ Eluntu abonekele kuli Yakobo, eluntu nakuli bonse abasambi. ⁸ Namukupelekesha pali bonse, abonekele kuli ne, ukubati nikuliuyo uwafyalwa ulo inshita yakwe iyakufyalwa tailafika. ⁹ Pantu Ninebo ne wacepesha pa basambi. Nebo talingwa ukukutwa no mutumwa pantu Nebo nalicushishe ulukuta lwakwa Lesa. ¹⁰ Nemba ku cikuuku icakwa Lesa Ndi fino Ndi, elo necikuuku cakwe tacali fye ica fye. Lelo, Nalibombeshe ukucila napali bonse. Lelo ntali Nebo, nomba cikuuku icakwa Lesa icaba nandi. ¹¹ Kanshi eico nangu nga cakweba ati Nine nangu nibo, eico kanshi tulabila elo eico kanshi mulasumina. ¹² Lelo nga cakuti Kristu alibilwa ukuti alibushiwa kuba kufwa, bushe nindo bambi pali mwe bengalekulandila ati takwaba ukubushiwa kuba kufwa? ¹³ Nomba nga cakuti takwaba ukubushiwa kuba kufwa, kanshi ninshi na Yesu wine tabushiwa; ¹⁴ elo nga cakuti Kristu tabushiwa, ninshi nokubila kwesu kwa fyefye, elo ninshi ne cisumino cenu cafye. ¹⁵ Teico ceka, nafwe tulesanganwa mukuba bakambone babufi, palwakwa Lesa pantu fwebo twaiminine bukambone ubwakuti Lesa alibushishe Kristu kubakufwa. Nomba tamubushishe, nga cakuti icinecine abakufwa tababushiwa. ¹⁶ Pantu nga cakuti abakufwa tababushiwa; ¹⁷ elo na Kristu nga tabushiwa, icisumino cenu cafye elo mwebo ninshi mucili fye mu masambi. ¹⁸ Eluntu nabo abafwila muli Kristu nabo bene baliloba. ¹⁹ Nga cakuti niubu bwine fye ubwikashi tulesubila muli kristu, pali bonse abantu nifwe twacilpo ukulekuba ababulanda. ²⁰ Nomba lelo Kristu, uwali e cisabo cakutampilapo pali abo abafwile, alibushiwa kuba kufwa. ²¹ Pantu filya fine ifyo imfwa yafumine ku muntu, ni ku muntu kwine nokushikuka ku bakufwa kwa fumine. ²² Pantu nga filya fine bonse muli Adamu balifwa, ifyo fine efyo namuli Kristu bonse bakabela abamweo. ²³ Nomba ici nimu bwanshiko bwakwe: Kristu, uuli ecisabo cakutampilapo, elo eluntu nabo bonse abakonka Kristu bakesa kuba aba mweo pa kwisa kwakwe. ²⁴ Uluntu kukaba impela, eluntu ye akalubwila ubufuma kuli Lesa Tata, eluntu ye akonaula amafunde yonse elo ne nsambu shonse elo namaka. ²⁵ Pantu ye akateka mpaka fye akabike abalwani panshi ya makasa yakwe. ²⁶ No mulwani uwakupelekeshako ukonaulwa ni mfwa. ²⁷ Pantu ''alibika ifintu fyonse panshi ya makasa yakwe.'' Nomba uluntu alanda ati, ''alibika ifintu fyonse'', cilelangilila ukuti tafisanshishemo uyo uwabikile ifintu fyonse ukumunakila panshi yakwe. ²⁸ Uluntu ifintu fyonse fyanakila panshi yakwe, eluntu Umwana umwine naye akanakila kuli uyo uwabikile ifintu fyonse ukulekunakila panshi yakwe, epakuti Lesa abae fyonse muli fyonse. ²⁹ Nagu nga teifyo bushe capilibula mwisa kuli abo ababatishiwa mu cifulo cabakufwa? Nga cakuti abakufwa tababushiwa nakalya, bushe nindo abantu babatishiwilwa mu cifulo cabo? ³⁰ Bushe kanshi findo ifyo twabela mu bwafya inshita yonse? ³¹ Nebo ndafwa cila bushiku! Ifi icine fye ndeyumfwila muli mwe, uko uko Nebo nakwata muli Kristu Shikulu. ³² Findo Nebo ifyo ndecita nakabili, ukufuma mubuntuse, Nga nebo nalwile nefiswango ku Efeso, nga cakuti abakufwa taba bushiwa? Natulekulya elo nokunwa pantu mailo tukafwa. ³³ Mwilakubepekwa: ''Ukwenda nabantu abamisango iyabubi kulonaula imitontonkanishishe ³⁴ iyabune. Salapukeni! Ikakaleni abakulungama! Mwikonyapo ukupanga amasambi. Pantu mwe bamo twamwakwatapo ubwishibilo pali Lesa. Nebo nalanda ifi ku nsoni shenu. ³⁵ Nomba umbi kuti alanda ati, ''Bushe abakufwa bakabushiwa shani, elo mibili ya musango ndo bakaba nayo?'' ³⁶ We mupuka we! Icintu ico wabyala tacakatampe ukumena kano nga cafwa. ³⁷ Ifyo webo wabyala tefyo no mubili ukaba, nomba luseke fye. Kuti lwaisa kuba ing'ano nangu fye icintu cimbi. ³⁸ Nomba Lesa akacipela umubili ukulingana nokusala kwakwe, elo nakulubuto ululi lonse no mubili waluko. ³⁹ Te mibili yonse iyaba cimo cine. Lelo, kwaliba umubili wa muntu elo kwaliba no mubili wa nama, elo ne mbili imbi iya fyoni, elo iye sabi. ⁴⁰ Kwaliba nemibili ya mumulu elo elo ne mibili yapano calo. Nomba ubucimi bwa mibili ya mu mulu ya mutundu umbi, elo no bucindami bwa mibili ya muno clo ni imbi. ⁴¹ Kwaliba ubucindami bwa kasuba elo nobucindami bwa mweshi, elo nobucindami bwa ntanda. Pantu lumo ulutanda lwalipusana ku lutanda lunakwe mu kucindama. ⁴² Ifyo fine efyo caba namukubushiwa kuba kufwa. Ico icibyalwa cilabola, elo ico icibushiwa tacibola. ⁴³ Cibyalwa mu musebanya; cibushiwa no mucinshi. Cibyalwa mu bunake; cibushiwa na maka. ⁴⁴ Cibyalwa no mubili wa buntu; cibushiwa no mubili wa mupashi. Nga kwaliba umubili wakubuntu, kwaliba ninshi no mubili waku mupashi. ⁴⁵ Eico kabili calilembwa, ''Umuntu uwakutampilapo Adamu aishile kuba umweo mu mubili.'' Uwakulekelesha Adamu aishile kuba umupashi wakupela umweo. ⁴⁶ Nomba umupashi tewatampilepo ukwisa nomba mubili wabuntunse, elo eluntu umupashi. ⁴⁷ Umuntu uwakutampilapo pa calo, apangilwe ukufuma kwiloba. Umuntu wa cibili afumine ku mulu. ⁴⁸ Filya uwapangilwe kwiloba aba, efyo nabo bene apangwa kwiloba baba, elo no muntu uwafumine ku mulu ifyo aba, ifyo fine efyaba naba mu mulu. ⁴⁹ Filya fine ifyo twakwata icimpasho ca muntu uwapangilwe kwiloba, ifyo fine efyo tukakwata no mubili wa mu mubli wawa mumulu. ⁵⁰ Lelo ico Ndemyeba nici, mwebamunyinane, icakuti umubili elo no mulopa tafyakapyane ubufumu bwakwa Lesa. Ecimo cine neco conse icibola tacakapyane icishibola. ⁵¹ Boneni! Ndemyeba icankama icacine: Fwebo bonse tatwakafwe, nomba fwebo bonse tukapilibushiwa. ⁵² Fwebo tukapilibulwa mu nshita inono, mukukapa kwa linso, pe penga ilyakulekelesha. Pantu ipenga likalila, elo nabakufwa bakabushiwa abakubula ukubola, elo tukapilibushiwa. ⁵³ Pantu uno umubili uubola ufwile ukufwikwa umumbili uushibola, elo noyu umubili uutakosa ufwile ukbikwa umuyaya. ⁵⁴ Nomba eluntu uyu umubili uubola ukafwala umubili uushibola, elo eluntu uyu umubili uutakosa ukapelwa umubiliuwakukosa, eluntu fikafikilishiwa ifyalembwa ifyakuti, ''Imfwa ilimininwe mukucimfishiwa.'' ⁵⁵ ''We mfwa, ukucimfya kobe kuli kwisa? We mfwa ubusungu bobe buli kwisa?'' ⁵⁶ Ubusungu bwa mfwa masambi, elo namaka ya masambi mafunde. ⁵⁷ Nomba natulekutasha kuli Lesa, uyo uutupela ukucimfya ukupitila muli Shikulu Yesu Kristu wesu. ⁵⁸ Eico kanshi, mwe bamunyinane abatemwikwa, mulekuba abakushangila elo abashitelententa. Lyonse mulekucincila mu mulimo wakwa Shikulu, pantu mwalishiba ukuti umulimo wenu muli Shikulu te wafye.