¹ Mulekufwaisha ukuba ne citemwiko icamupashi wamushilo, makamaka ayakusesema amashiwi yakwa Lesa. ² Pantu umuntu uulandila mu ndimi talanda ku bantu nomba alanda kuli Lesa. Pantu tapali nangu umo uulemumfwa pantu alelanda ifintu ifyankama mu Mupashi. ³ Nomba umuntu uulesesema alanda ku bantu pakuti abakuule, nokubakoselesha, elo nokuba talalika imitima. ⁴ Umuntu uulendila mu ndimi alaikula umwine, nomba umuntu uulesesema alakula ulukuta. ⁵ Lelo Nebo kuti natemwa ukuti mwebo bonse mulelanda mundimi. Nomba kuti cilishapo, Nebo kuti natemwa ukuti bonse mulesesema. Umuntu uusesema acilapo pa muntu uulanda mundimi ishakulekanalekana (kano nga cakuti umuntu umbi alelondolola pakuti ulukuta lulekulwa). ⁶ Nomba lelo, mwebamunyinane, nga cakuti Naisa kuli mwe ndelandila mu ndimi, bushe kuti camiwamia indo? Awe iyo, kano nga namyeba ifyo alesokolola, nangu ifyo eshibile, nangu ifyo alesesema, nangu ukusambilisha. ⁷ Nga cakuti ifilimba ifitaba no bumi filepanga iciunda--ukubati umutolilo nangu isese--elo filefunya ifiunda ifykulekanalekana, bushe ninani uwingeshiba nga cakweba abati mutolilo nangu lisese elilelila? ⁸ Pantu nga cakuti ipenga lilelila neciunda icakuibela, bshe nina uwingeshi nga cakuti ninshita yakuya ku nkondo? ⁹ Eifyo fine caba nakuli mwe. Nga cakuti mulelanda indimi ishiteshibikilwe, bushe umuntu kuti aishiba shani ifyo mwalanda? Mwalekulanda, elo tapabe nangu umo uwalekumyumfwa. ¹⁰ Ukwabula nokutwishika kwaliba indimi ishakupusanapusana muno mu calo, elo shonse shalikwata umo shipilibula. ¹¹ Nomba ngacakuti nteshibile umo ululimi lulepilibula, Nebo ninshi nkaba umwina fyalo kuulelanda, elo noulelanda aleba umwna fyalo kuli ne. ¹² Ifyo fine efyo cili nakuli mwebo. Apo mulefwaisha ubusesemo bwa Mupashi, sakamaneni ukukwata ubupe ubwakukula ulukuta. ¹³ Eico uulelanda mu ndimi apepe ukuti nokwilula elule. ¹⁴ Pantu nga cakuti ndepepa mu ndimi, umupashi wandi eulepepa, nomba amano yandi, tayamwenenemo nangu cimo. ¹⁵ Findo nebo nkacita? Nebo ndepepa no mupashi wandi, nomba kabili ndepepa namu mano yandi. Nebo nkemba no mupashi, elo kabili nkemba na mano yandi. ¹⁶ Ukuba kwena, ngacakuti ulelumbanya Lesa no mupashi, bushe uo mutali naye kuti ayasuka shani ati ''Amen'' uluntu ulo uletotela Lesa nga cakuti teshibile ifyo ulelanda? ¹⁷ Pantu limbi mwebo mupela amatotelo bwino, nomba limbi umuntu umbi talekulwa. ¹⁸ Nebo ndetasha Lesa ukuti nebo ndalanda mu ndimi ukucila pali mwebo bonse. ¹⁹ Nomba mu lukukuta Nebo kuti natemwa ukulanda amashiwi yasano ukukonda nokumfwa kwandi pakuti ninga sambilishako nabambi, ukucila ukulanda amashiwi amakana amakumi mu ndimi. ²⁰ Mweba munyinane, mwilakuba nga abaice mu matontonkanyo yenu. Lelo pa mulandu wabubifi, mulekuba ukubati tunya. Nomba mukutotonkanya kwenu mulekuba abakulu. ²¹ Mumafunde yakwa Mose calilembwa ukuti, ''Nkalanda ukubomfya abantu abandimi ishakupusana pusana elo nkabomfya utunwa twabena fyalo kuli aba bantu. Nalo lwine tabaka ngumfwe,'' ekulanda kwakwa Shikulu. ²² Eico kanshi, ukulanda mu ndimi cishibilo, tekubasumina, nomba kuba tasumina. ²³ Nga cakuti, kanshi, ulukuta lonse lwaisa pamo elo nokulanda mu ndimi, elo abakunse elo naba tasumina baingila, bushe tekuti balande ukuti muli bakufulungana? ²⁴ Nomba nga cakuti mwe bonse mulesesema elo uutasumina nangu uwakunse aisa kwingila, kuti ashininwa pali fyonse ifyo aumfwa. Kuti namashiwi yalenga ukumushinina ububi bwakwe. ²⁵ Inkama shamu mutima wakwe kuti shasokoloka. Napa mulandu uyo, akawa pnshi ubunkupeme elo nokupepa Lesa. Ye akalanda ukuti icicine Lesa aba muli mwe. ²⁶ Findo filekonapo kanshi, mwebamunyinane? Uluntu mwaisa pamo, cila umo ali ne lumbo, icakusamilisha, icakusokolola, iamundimi, elo nangu icakulondolola. Mulekucit aifi fyonse pakuti mukule ulukuta. ²⁷ Nga cakuti umo alelanda mu ndimi,lekeni pabe babili nangu nokucilishapo batatu, elo cila umo mukukonkana, elo eluntu pabe no muntu umo uwakulondolola ifyo balelanda. ²⁸ Nomba nga cakuti tapali uwakulondolola, lekeni bonse bekale shilili mu lukuta. Lekeni cila muntu alekuilabisha umwine elo nokulanda kuli Lesa. ²⁹ Lekeni babili nangu batatu bakasesema balande, elo lekeni bambi abashala balekukutika nokulingulula ifyo balelanda. ³⁰ Nomba nga cakuti bamusokolwela pabekele mukulongana, lekeni uyo uwacilalanda ekale shilili. ³¹ Pantu ila umo muli mwe kuti asesema umo umo pakuti cila umo kuti asambilila elo nokukoseleshiwa. ³² Pantu imipashi yakuba kasesema intungululwa naba kasesema. ³³ Pantu Lesa te Lesa uwacimfulunganya, lelo ni Lesa uwa mutende. ³⁴ Ifi efipope ifya nkuta shonse isha bantu abashila abakwa Lesa. Umwanakashi alingile ukwikala shilili munkuta. Pantu tabasuminishiwa ukalanda. Lelo, bena bafwile baba abakunakila, pamo nga filya fine amafunde yalanda. ³⁵ Nga pali icintu cimo ico balekabila ukusambilila, lekeni bepushe abalume babo ku ng'anda. Pantu cintu icamusebanya umwanakashi ukulanda mukati ka lukuta. Bushe ishiwi lyakwa Lesa lyafumine kuli mwe? ³⁶ Bushe nikuli mwe fye mweka lyafikile? ³⁷ Nga cakuti umo aletontonkanya ukuti nikasesema nangu ali no mupashi, ye afwile asumina kuli ifi fintu ifyo nalemba kuli mwe ukuti mafunde yakwa Shikulu. ³⁸ Nomba nga cakuti umo teshibile ifi, lekeni naye mwi mwushiba. ³⁹ Eico kanshi, mweba munyinane, musakamane ukusesema amashiwi yakwa Lesa, elo mwilakukanya abalelanda mu ndimi. ⁴⁰ Nomba leketi ifi fyonse ifntu filekucitika mu bune elo mu mutande.