¹ Nangu Nebo ningalanda mu ndimi sha bantu elo nangu ishakuba malaika. Nomba nga cakuti ntakwata icitemwiko, ninshi naba nga icela icilelila nangu amalimba ayalelila. ² Nangu Nebo ningakwata icabupe cakusesema elo nokumfwikisha fyonse ifyacine ifyakufisama elo nokwishiba, elo nokukwata icisumino conse icakuti kuti nasesha ne mpili. Nomba nga cakuti ntakwata icitemwiko, ninshi tapali ifyo ndi. ³ Nangu nga cakuti Nebo napela fyonse ifyo nakwata elo nokulisha abalanda, elo nokupela umubili wandi mukuwoca. Nomba nga cakuti ntakwata icitemwiko, ninshi tapali ico nkanonkelamo. ⁴ Mucitemwiko mwaliba ukutemwa elo no luse. Mucitemwiko tamwaba elo umufimbila nangu ukyumfwa. Tamwaba kuitutumuna ⁵ nangu amataki. Tamwaba icifukushi, tamwaba ukupenda ifilubo. ⁶ Icitemwiko tacisekelela mu fyabubi. Lelo, icitemwiko cisansamukula mu cine. ⁷ Icitemwiko cilashipikisha mu fintu fyonse, cilasumina muli fyonse, cilasubila muli fyonse, elo tacifupuka. ⁸ Icitemwiko tacipwa. Nga cakuti kwali ubusesemo, bukapita. Nga cakuti kwaliba indimi, shikaleka. Nga cakuti kwaliba ukwishiba, kukapita. ⁹ Pantu fwebo twaishibako fye panono elo febo tusesemako fye panono. ¹⁰ Nomba uluntu icakupwililka cikesa, lyena icitapwililika cikafumapo. ¹¹ Uluntu Nebo nali umwaice, nalikulanda ukubati mwaice, Nalikutontonkanya ukubati mwaice, Nalikbona ukubati mwaice. Uluntu nakulile, nalileka imisango ya bwaice. ¹² Pantu lelo tumona icilesha ukubati nimu cilolani, nomba ulo tukalekushimpana fye amenso. Lelo Nebo ncishibileko fye panono, nomba ulo Nkeshiba mukushika nga filya fine nebo banjishiba. ¹³ Nomba lelo ifi fintu fitatu tuli nafyo: icisumino, icisubilo, elo ne citemwiko. Nomba icacilapo pali ifi fyonse citemwiko.