^{1 2} Lelo pa musangulo uwakafwilishako abashila bakwa Lesa: pamo ngefyo naebele inkuta shamu Galatia, ifyo fine namwe efyo mulekucita. Pa bushiku ubwakutampa ubwa mulungu, cila muntu afunyepo cimo elo nokucibika apo mwingakumanishisha. Mulekucita ifi pakuti kwikesa kuba ifyakusangula uluntu Nkesa. ³ Uluntu kafika uko nkapela amakalata aykwishibisha abantu abo mukasala elo nokubatuma nefyabupe fyenu uktwala ku Yelusaleemu. ⁴ Nga cakuti kuti calinga ukuti tuye nabo, tukaya nabo. ⁵ Nomba Nkesa kuli mwe uluntu nkapita mu Makedonia. Pantu nkapita m Makedonia. ⁶ Nalimo kuti naisa kwikala nenu panono nangu ukwisa kwikala umupepo onse nenu, pakuti mukabone ukungafwilishako pa bulendo bwandi, konse ukuo nkalekuya. ⁷ Pantu nshilefwaya ukubonanapo fye nenu mulupita. Pantu Ndesubila ukwikala nenu inshita iitali, nga cakti Shikulu asuminisha. ⁸ Nomba nkekala mu Efeso mpaka ne nshiku nkulu ya Pentekoste, ⁹ pantu kuno kuli ishuko lyakubomba imilimo iingi, elo nabalwani abengi eko bali. ¹⁰ Lelo uluntu Timoti akesa, mukabone ukuti mwamu pokelela bwino ukwakubula icakumutinya, pantu alebomba umulimo wakwa Shikulu, nga ifi ndebomba. ¹¹ Kwiba nangu umo uwakumususha. Mukamwafweko ifikakabilwa mubulendo mu mutende, pakuti akabwele kuli ne. Pantu Ndemusubila ukwisa naba munyinefwe. ¹² Lelo palwakwa munyinefwe Apollo, ndemukoselesha ukuti akese kumitandalila pamo naba munyinefwe. Nomba tabuli bufwayo bwakwe ubwakwisa ino nshita. Naloline, ali nokwisa nga akwata inshita. ¹³ Mulekuba abakuipekanya, mube necisumino icakukosa, mulekuba abantu abakushipa, mube abakukosa. ¹⁴ Lekeni fyonse ifyo mulecita mulekuficitila mucitemwiko. ¹⁵ Mwalishiba aba mu ng'anga yakwa Stefanasi, nokuti aba ebatampilepo ukusumina Kristu mu calo ca Akaia, elo kabili baliipelesha ukubombela abantu bamushilo bakwa Lesa. Lelo Ndemipapata, ba munyinane, ¹⁶ ukulekunakila abantu ba musango uyu elo nakuli bonse abaleafwlisha mu mulimo wabutumishi. ¹⁷ Ndi uwakusansamuka pa kwisa kwakwa Stefanasi, Futunato, elo na Akaikasi. Ebamimineko ulo tamuliko. ¹⁸ Pantu balisansamwishe umupashi wandi elo no wenu. Eico kanshi, mulekutasha abantu abamusango uyu. ¹⁹ Inkuta shamu Asia shilemiposha. Aquila elo na Priscilla bamiposha mwishina lyakwa Shikulu, pamo no lukuta ulwaba mu ng'anda yabo. ²⁰ Bonse bamunyinefwe bamiposha. Poshanyeni nokuitomona kwa mushilo. ²¹ Nebo, Paulo, nalemba aya amashiwi nokuboko kwandi. ²² Nga cakuti umuntu tatemwa Shikulu, alapishiwe. Mwe Shikulu, iseni! ²³ Icikuuku cakwa Shikulu Yesu cibe nenu. ²⁴ Icitemwiko candi cibe nenu bonse muli Kristu Yesu.