¹ Mukushalikisha, mweba munyina bandi, mulekwaanga muli shikulu. Nebo pakuumilembela ifi fintu fimo fine nakabili kuli mwebo tecakucusha kuli nebo, kabili calekumisunga bwino. ² Cenjeleni ku mbwa. Cenjeleni ku lyabo babomfi babubi. Cenjeleni ku bena kisembululwa. ³ Pantu nifwebo fwebena kusembululwa fwebapepela mu mupashi wakwa Lesa, nokuitajishisha muli Kristu Yesu, ukwabulo kucetekela mufya mubili. ⁴ Nangu nifyo, nebo nemwine kutina cetekela mufya mubili. Ngaumbi aatontonkanya ati alicetekela muli bumubili, nebo kuti nacilapo. ⁵ Nalisembululwilwe pabushiku bwalenga cine konse konse, ubwakubena Isreali, mumukowa wakwa Benjamini, umu Hebere waba Hebere; umwalola amalango, umu falise. ⁶ Umwabelo kucincila, naclicushishe ulukuta; umwabelo bulungami muma funde nshakwete mulandu. ⁷ Nomba fyonse fintu fyali fyabunonshi kuli neebo, nalifitunga ukwebati kulufya pamulandu wakwa Kristu. ⁸ Kabli nomba mpenda fyonse ukulufya pamulandu wa cuma cacilishapo icakwishiba Kristu Yesu shikulu wandi. Pamjulandu wakwe nalilufishe fyonse kabili fitungo kube fyabusali pakutila nonke Kristu. ⁹ Nokuba muli ena, tekuikwatila bulungami nemwine ubwakufuma muma funde, lelo ubwishila ku cetekela Kridtu ubulungami bwakufuma kuli Lesa ukupitila muku cetekela. ¹⁰ Kanshi noomba nkofwaya ukumwishiba na maka yakututubuka kwakwe nokukumako kufya kucula fyakwe, ukuba nga eena mumfwa yakwe, ¹¹ ngacakuti cabefi ngacakwebati nafika kukututubuka ku bafwa. ¹² Tekweba ati ndi pokele fi nangu ndi uwakupwililika, nomba nkokonkelela ukuti cinonke pantu Kristu Yesu alinonkele nebo. ¹³ Mweba munyinane, nshikontontonkanya ati nebo ndipokele ici cintu lelo ncite cintu cimo: Ndalaba ku fyakunuma nokusupila fya kuntanshi, ¹⁴ nkonkelela ukulola kubuyo ku mwla wa bwite bwanunulu ubwakwa Lesa mjuli Kristu Yesu. ¹⁵ Fwebo bonse fwebakupwililika, katuntontonkanye muli ii nshila; nga mwebo mukotontonknanya ifipuseneko pali fimbi, Lesa akamisololwele cicine. ¹⁶ Ici fye, ico twafikapo, muli ico cine emo twendele. ¹⁷ Beni abakumpashanya, mwebamunyinane. Lelekesheni abo abendela mu cipasho ico ico mwakwatila muli fwebo. ¹⁸ Abengi bakoendela abo nalikumyebapo libililibili nanomba komyeba mwebo ne filamba nga balwani bapanda lwakwa Kristu. ¹⁹ impela yabo yabonaushih. Umulungu wabo ninda shabo, ubukata bwabo bkanya pafya pa calo. ²⁰ Lelo ubukaya bwesu bwaba mumulu, uko ukotukololela mulubbushi, shikulu Yesu Kristu. ²¹ Akalula mibili yesu iyasaluka ikabe ngo mubili wakwe uwabukata, umwabela kubomba kwa maka yakwe ku kulangisha fyonse fintu ku mwine.