¹ Eico mweba munyinane batemwikwa kabili abafulikwa, mwe nsansa ne chilongwe candi ifyo fine mwiminine ndi muli shikulu, mwebatenwikwa abanandi. ² Nkopapata Yuodia, kabili nkopapata kuli Suntuki, mube abakwittabana muli shikulu. ³ Ee, nkolomba we munandi wine wine, ulekwafwa aba banakashi aba mombele pamo nandi mukubile mbila insuma, pamo pene na Klemate nabambi ababombfi banandi abo amashina yabo yaliba mwibuku lya mweo. ⁴ sekeleleni pafye muli shikulu. Nkoeba nakabili ati, Sekeleleni. ⁵ Lekeni icongwe cenu cishibikwe kubamntu bonse shikulu ali mupepi. ⁶ Mwisakamikwa nangu kamo. Lelo, muli fyonse fye mukupepa nokupapata pamo nokutotela, lekeni ifyakulomba fyenu fishibikwe kuli Lesa, ⁷ no mutende wakwa Lesa, uwaulamo kukwiluka konse, walekulinde mitima na matontonkanyo yenu muli Kristu Yesu. ⁸ ca kupelekeshako, mwebamunyinane, tontonkanyeni fyonse ifya cine fyonse ifya mucinshi, fyonse ifya bulungami, fyonse ifya musangwela, fyonse ifya kuyemba, fyonse ifya mutembo, nga kwebe fya bune, nga kwaba cakutasha, pali ifi epo muleku tontonkanya. ⁹ Ifintu ifyo mwasambilile nokupokelela np kufumfwa , nokumona mulinebo, mulekucita ifi fintu, na Lesa uwa mutende alekuba nenu. ¹⁰ Nkosekelelela sana muli shikulu nomba pantu mwafukulula ukunsakamana. nakunuma mwalikunsakamana, nomba apakukweba ati, munyafwile palibilile. ¹¹ Ntakolonda fi pantu ndi mukubulwa. Pantu nalisambilila ukuteko mutima mumikalile iyo ndimo. ¹² Nalishiba ukuba umubusu, kabili nalishiba no kukwata ifingi. Munshila shonse na muli fyonse fye nalisambilile inkama yakulishiwa bwino no kuba ne nsala, nangu ukukwata ifingi nangu mukukabila. ¹³ Ndikwete amaka yakucita fyonse ukupitila muli uyo uukonkoselesha. ¹⁴ Nomba mwalicitile bwino pakuba nesenge nandi mumacushi yamponene. ¹⁵ Mwebena Filipi mwalishiba ati mukutendela kwa mbila insuma ulo nafumine ku Makedonia, takwali ukukuta nangu lumo ulwangafwile mufya kupela na mukupokelela kanofye mwebo mweka. ¹⁶ Nolo nali ku Tesalonika, mwalitumine ubwafwiloshoukucila pamuku umo. ¹⁷ Tekweba ati ndafwaya fye ifya bupe. lelo ndafwaisha ifisabo ifiko milundulula. ¹⁸ Awe nalipokelela fyonse, no kuchilapo. Ndikwete nomba ulo napokelele kuli Epafroditi ifintu ifyo mwantumine. Ifya cena icakununkila bune, icambo ilya kupokelelwa kabili no kutemuna Lesa. ¹⁹ Awe Lesa wandi akamipela fyonse ifyo mukabila umwabelo bucindami bwakwe mubukaya muli Kristu Yesu. ²⁰ Nomba kuli Lesa kabili shifwe kube ubukata umuyayaya umuyaya. Amen. ²¹ Poshenipo abamushilo bakwa Lesa muli Kristu Yesu. Aba bwananyina abo ndi naboba miposha. ²² Aba mushilo, no kuchita aba mu ng'anda yakwa Kaisare. ²³ Ukusanamina kwakwa shikulu Yesu Kristu kube ne mitima Yesu.