¹ Ngamwaba ukukonkomesha muli Kristu, ngamwaba isenge mu mupashi, ngamwaba inkumbu ne congwe, ² eico lengeni ukusekelela kwandi kube kuli imwe ukwakuba no mutima umo, ukutemwa kumo, abaitabana ku mupashi abantonkanya cimo. ³ Mwaicita nanga cimo mukuisakama nangu ku matutumuko. Lelo mubufuke mulinge bambi ukuba abamucila. ⁴ Lekeni umo no mubiya alolekeshe fye pafya eka lelo napafya banenu, ⁵ Kwateni umutima uwali muli Ksristu Yesu. ⁶ Wena pakuba mu cipasho ica kwa Lesa, taitungile ukulingana na Lesa ngecitu icakusopola. ⁷ Lelo, ailengele ukuba uwafye pakubula icipasho ca busha, pa kufyalwa mucipasho ca buntunse. ⁸ Aicefye umwine nokuba uwacumfwila ukufika nakumfwa, awe ukufika na ku mfwa yapa capindama. ⁹ Eico Lesa amusasabike amupele ne shina ilyacila pe shina lyonse. ¹⁰ Acitile ici ukuti mwishina lyakwa Yesu lyonse ukufi likafisama, amakufifi ya mumulu na pano isonde napanshi ye sonde. ¹¹ Acitile ici ukuti ululimi lonse lusose ukuti Yesu Kristu ni mfumu, ku bukata ubwa kwa Lesa shifwe. ¹² Eico, mwebatemwikwa, ifyo munakila inshita yonse, tepakubapo kwandi kwine lelo kucilapo fye nelyo insita naimwe, bombeleni ipusukilo lyenu no mwenso no kututuma. ¹³ Pantu ni Lesa eulebomba muli imwe mukutemwa kwakwe kwine nakubomba fyonse kubusuma bwakwe bwine. ¹⁴ Citine fyonse mukukana ilishanya no ku ngwinta. Ukuti muba ababula umulandu kabili abapwililika abana bakwa Lesa abaula ubulema mukati ka bwikashi bwakulo ya bupondamishi. ¹⁵ Umo imwe mulebenyeshima ngo lubuto lwapano isonde. ¹⁶ Ikatishemi icebo ca mweo ukuti ukwisa kwa bushiku bwakwa Kristu mukabe cukutakushishammo icakuti nshabutwike bushe nangu ukucucutikila apafye. ¹⁷ Nelyo ninyaba ngo waifilwa pe lambo na pa buoyungishi ifya citetekelo cenu, ndi wa nsansa nokusekelela pamo naimwe bonse. ¹⁸ Ifyo fine naimwe mube abasansa nokusekelela pamo naimwe. ¹⁹ Lelo ndi ne subilo muli shikulu Yesu ukumitumina timote bwangu, pakuti naimwe naba uwakoseleshiwa pakwishiba palwa imwe. ²⁰ Apo nshikwete uwaba ngaena, uwasakamana imwe. ²¹ Pantu bonse bafwaya fyabo abene, te fya Yesu Kristu. ²² Lelo mwashiba ukulinga kwakwe, pantu ngo mwana kuli wishi, abombele pamo naimwe ku mbila insuma. ²³ Eico ndi ne Subilo lyakumutuma bwangu, nangu mona ifiintu efyo fyaba kuli iine. ²⁴ Awe ndesubila muli shikulu ukuti naine wine nkensa bwangu . ²⁵ Lelo nacimona icayana ukutuma Epafroditi kuli imwe nakabili. Ni munyinane kabili umubomfi munandi icita cinandi, lelo ni nkombe yune ilebombela ukukuikabila kwandi. ²⁶ Pantu ena ali uwasakamikwa, no kufuluka ukuba nenu bonse, pantu mwalyumfwile ukulwala kwakwe. ²⁷ Ne cacine clilwele mupepi fye ne mfwa. Lelo Lesa amubelele uluse, teena eka, lelo naine wine capamo, ukuti niba uwakubika ubulanda pa pa bulanda bubiye. ²⁸ Eico caba icakukukabila ukuti imutume, pakuti nga mwamumona nakabilli mwaba basekelela, naine naba uwacepelwa no bulanda. ²⁹ Pokeleni Epaphroditis muli shikulu no kusekelela konse. Cindikeni abantu bonse nga ena. ³⁰ Pantu nipa mulimo wakwa shikulu ukufika mupepi ne mfwa. Apele umweo wakwe muku mpususha nokwisusha fyonse ifyalingwa efyo imwe mushingacita ku mulimo wandi.