¹ Paulo na Timote, abasha bakwa Kristu Yesu, kubatu bonse abamushilo bakwa Lesa muli Kristu abali ku Filipi, naba cilolo naba kapyunga. ² Icikuku cibe kuli imwe no mutende ukufuma kuli Lesa shifwe na shikulu Yesu Kristu. ³ Ndatotela Lesa wandi inshita yonse ngibukisha mwebo, ⁴ lyonse, mwipepo lyandi lyonse ilya mwebo bonse, kulenga ipepo lyandi ukusekelela. ⁵ Pakuba isenge limo nafwebo mumbila insuma ukufuma ubushiku bwakutendeka ukufika nanomba. ⁶ Nebo ndishibile ici cine cintu, ukwebati, uyo uwatampile umulimo usuma muli mwebo aktwalilila nokupwisha mpaka no bushiku bwakwa Yesu Kristu. ⁷ Cili fye bwino kuli nebo ukumfwa muli uyu musango pali mwebo bonse pantu mwaliba mumutima wandi. Mwebo bonse mwalikumako kuli nebo mu cikuku mukukakwa kwandi namukuipokolola elo namukusuminisha kwa mbila insuma. ⁸ Pantu Lesa nikambone wandi ifyo mfuluka imwe bonse mukutemwa kwakwa kristu Yesu. ⁹ Eco ili epepo lyandi: Ukwebati ukutemwa kwenu kufulileko sana sana mukwishiba namukumfwikisha. ¹⁰ Pakwebati mukasuminishe ico icawamisha, elo mwingaba abacishinka abakubula umulandu mpaka nobushiku bwakwa Kristu. ¹¹ Abaisulamo ifisabo fyabulungami ifyo ifishila muli Yesu Kristu ku bukata no malumbo kuli Lesa. ¹² Nomba nkofway mwebo mwishibe, banyinan, ukwebati, ifyacitika kuli nebo fyalitwala pantanshi imbila insuma. ¹³ Napali ici, mu ifikakilo fyandi muli Kristu fyalimonekele apakubutu konsefye ku bulinshi bwa cipangono muntufyea onse. ¹⁴ Ababwananyina abengi, balikwete isubilo muli shikulu palundu wafikakilo fyandi, kabili balikwete ukushipa mukulanda icebo ukwakubullo mwenso. ¹⁵ Bambi bakobila Kristu pamulandu wakalumwa nefikansa kabili bambi nabo mu bufwayo bwabo ubusuma. ¹⁶ Aba bena bacicitila mukutemwa, pakwishi ati nabikilwapo kuno pakucingilila imbila insuma. ¹⁷ Nomba ababilila Kristu mukuitemwa abene, temucishinka, Bena bakotontonkanya ukwebati bakonundilapo amacushi ulo ndi mufikakilo. ¹⁸ Nomba nnishini? Nomba nico munshila yonse - ciibe mulimumbimunnda nangu mucishinka - Kristu akobilwa, namulici nkosekelela. Ee, kabili nkasekelela, ¹⁹ eco ndishibile ukwebati ici cikaba mukupokololwa kwandi ukupitila mumapepo yenu nobwafwilisho bwa mupashi wakwa Yesu Kristu. ²⁰ umwabelo ukulolela kwandi ne citetekelo candi ukwebati nshakalengwe insoni iyoo, lelo mukushipa nomba pamo nga lyonnse, Kristu akasumbulwa mumubili wandi, nangu nimu mweo nangu nimu mfwa. ²¹ Pantu ine ukuba no mweo ni Kristu kabili ukufwa bunonshi. ²² Lelo ngandi nokwikala muli bumubili, ekwebati kubomba kwakusandulula fisabokuli nebo. Lelo cindo icakusla? Nteshibile. ²³ Eco ndi uwakutitikishiwa pakati ka fintu fibili. ukukabila kwandi kuya kabili nokuba na Kristu, ico eca wama sana ukucila, ²⁴ lelo ukwikalilila muli bumubili kwawamishapo pamulandu wenu. ²⁵ Kabili pakushininkisha ici, ndishibile ukwebati nkekala nokutwalilila nemwe bonse, ico ni mukuya kwenu pantanshi kabili mukusekelela mu citetekelo, ²⁶ Pakwebati muli nebo mulundepo imilandu yakuikishisha muli Kristu Yesu ulo nkesa kuli mwebo nakabili. ²⁷ Isungeni mwebene munshsila iyalingwa imbili insuma yakwa Kristu, pakwebati nangu naisa mukumimona nangu ntaliko, nkomfwe pali mwebo, ukwebati muliminine mukukosa mu mupashi umo, abakuokoshanya no mutima umo pacicetekelo cambila insuma. ²⁸ Mwitina mu nshila iyili yonse abo abali balwani benu. Ici cishibilo kuli bena palwa konaulwa kwabo, lelo palwepusukilo lyenu - ici cakufuma kuli Lesa. ²⁹ Pantu cabupe fye icapelwa kuli mwebo pamulandu wakwa Kristu tepakumutetekela kweka, lelo napakucula pa mulandu wakwe, ³⁰ pakukwata ulukakala lumo lwine ulo mwamwene muli nebo, nomba mukomfwa muli nebo.