¹ Mu Bagalatia mutete bwenge ! Nde wabaloyire, mwabo, mwabo mu Yesu Kristo abone kanaa e kanangana kwa meho menyu, kwa atchindjibusibwe? ² Nyihondjire nyimenye ono mwasi muuma e mwenyu: Ilyi kwa biyiro by'e maanure ku mwaangilyiraa muka mweru wa Ongo ilyi kwa kunva kurengera ilyi kutengene n'e bwemere? ³ Kute mwabere bahwindja ilyi binganyi kulyi ngokuno? Enyuma s'e kutangira mwa kakatchi k'e mutchima, mwera muhonyire muyikilyisibwe ilyi mumalyire mwa mubilyi? ⁴ Mwa yikilyirwe ilyi mwabwene mano malyibu ko makalyi malyi nga mano busha? Nga manalyi ma bushea e kunalyi. ⁵ Batcha, oyo wende wabawa e muka n'ekuyira e bisomerene e kakatchi kenyu, ilyi, ende ayira ebyera kwa biyiro by'e maanure, ilyi kwa kunva kutengene n'e bwemere? ⁶ Ngokula Abrahamu amwemeraa Ongo, era kuandjirwa ekunalyi. ⁷ Mumenyererae kwa, bala bwoshi balyi b'e bwemere, abwola bu bana ba Abrahamu. ⁸ Na e mandjiko, ngokula mabwonaa ilyi matetaa kutengera mira kwa Ongo aka andjira ekulyi e bandju b'e lubaa ilyi e batemere, kwa ndjira y'e bwemere, byeyilyisibwaa e mwa Abrahamu e mwasi mubuya kutengera mira, kuteta: " kurengera woyo, e milala yoshi ika yishibwa." ⁹ Na batcha, abwo bwoshi balyi b'e bwemere, bende bayishibwa alauma ne Abrahamu yi wabaa w'e bwemere. ¹⁰ Kwa bushi, abwo bwoshi balyi b'ebiyiro by'e maanure, balyi e masina m'etchitaki; kwa bushi byandjikirwe: "Atakirwe ola mundju woshi utakaba alyi mwe bira byoshi byandjikirwe mwa kakatchi k'etchitabu tch'e maanure ma Musa, anabiyire." ¹¹ Kubinalyi, kwa kutalyi e mundju woshi ola unga andjirwa e kunalyi e muhondo sa Ongo mwa kaka tchi k'e maanure; kwa bushi e w'ekunalyi wanyi akalama kwa bwemere. ¹² N'e maanure mate shaa kwa bushi e maanure ma Musa mateshaa kwa ndjira y'e bwemere, si kweyine, ola wende wayira ebyera akalama kw'ebye. ¹³ Kristo atchulamise ilyi atchutchungure kutenga mwa kutakirwa kw'e maanure, kwa bushi ayirwaa tchitaki kwa bushi netchu; kwa bushi byandjikirwe: "Atakirwe ola mundju woshi ukama nyikwa kwa tchimanyi ily kwa musalaba." ¹⁴ Ongo etchisaa Kristo kwa musalaba, ilyi e miyisha ya Abrahamu, iyikira ebatalyi Bayahudi mwa kaka tchi ka Yesu Kristo, tchuala kutola ilyi kwangilyira muka mweru wa Ongo kwa ndjira y'e bwemere mu Kristo Yesu. ¹⁵ Benyewetchu, ( nyitetchire nga mwenye mundju ). Tchiro lyingaba lyilyi eyano lya mwenye mundju, na batcha, e mango lyingaba lyera lyayiki lyire, kutalyi e mundju ola ungaala kulyialula. ¹⁶ Batcha, etche tchiraane tchatetchibwaa e mwa Abrahamu n'oko tchibutchi tchaye. Kuteta kwa, e bana bawe, kuba nga balyi bengi; si kweyine kuba nga alyi muuma, kwa tchibutchi tchawe, yi ulyi Kristo. ¹⁷ Etche nyitetchire tchi tchine, etchiraane tchatangaa kuyikilyisibwa ne Ongo, eyano yayiki lyiraa e nyuma sa myaka maama mane na makumi mahatchu, lyita tchialulaa, ilyi kusheresa etche tchiraane. ¹⁸ Kwa bushi e mwimo ilyi ungaba kw'e yano, utatchilyi kwa tchiraane; si Ongo amwikilyisisaa Abrahamu kwa ndjira y'etchi raane. ¹⁹ E maanure tchi tchera tchilyi tchiye? eyano lyaretchibwaa kwa bushi n'e mabi ilyi byaa, kuyika ilyi esha oyo mwana weresibwaa etche tchiraane; tchera kuyikilyisibwa kwa bukoresi bwa malaika kwa kuboko kw'e ndjumwa. ²⁰ Na batcha, oyo ulyi ndjumwa atalyi ndjumwa kwa bushi na muuma; si Ongo alyi muuma. ²¹ Na kwa bushi n'oko, e maanure matabonekana n'e tchiraane tcha Ongo? Nanga ! Kwa bushi, nga kungabonekene eyano lyingaala kulamya, na batcha e kunalyi kungabonekene kw'e yano. ²² Si kweyine, e mandjiko mabihwekire byoshi e masina s'e misi y'e byaa, ilyi abwo bwoshi bemere baala ekubona etche tchiraane kwa bwemere bwa Yesu Kristo. ²³ Si kweyine, e muhondo s'e kwisha obwo bwemere, twabaa tchulyi e masina m'e mano, tchwabaa tchuhwekirwe kuyika ilyi bwesha obwo bwemere bwabonekeresibwaa. ²⁴ Na batcha, e maanure mera malyi buhondosi kureta era Kristo alyi, ilyi tchuala e kuandjirwa ekunalyi kwa bweme re. ²⁵ Si kweyine, tchiro angaba e bwemere bweshire, tchutatchilyi e masina m'ekwekibwa. ²⁶ Kwa bushi mubwoshi mwera mulyi bana ba Ongo kwa ndjira y'e bwemere mwa kakatchi ka Kristo Yesu. ²⁷ Kwa bushi mwabo muboshi mwabatisibwe mu Kristo mwera mwimbere Kristo. ²⁸ Kutatchi lyi Muyunani ilyi Muyahudi. Kutalyi mukobe ilyi eubookere. Kutalyi mulume ilyi mukasi. Kwa bushi mubwoshi mwera mulyi mundju muuma mwa kakatchi ka Kristo Yesu. ²⁹ Na nga mwabwo mwera mulyi bandju ba Kristo, batcha, mwera mulyi tchibutchi tcha Abrahamu, na ebakema e kulyingemene mw'etche tchiraane.